ଟେଲି ଅଭିନେତ୍ରୀଙ୍କ ପରଲୋକ
ଭୁବନେଶ୍ୱରୁ (ବୁ୍ୟରୋ): ଓଡ଼ିଆ ଟେଲି ଅଭିନେତ୍ରୀ ରାଜେଶ୍ୱରୀ ରାୟ ମହାପାତ୍ର (୩୬)ଙ୍କ ପରଲୋକ ଘଟିଛି । ରାଜେଶ୍ୱରୀ ବ୍ରେନ୍ ଓ ଲଙ୍ଗ୍ସ କ୍ୟାନସରରେ ପୀଡ଼ିତ ଥିବା ନେଇ ୨୦୧୯ରେ ସୋସିଆଲ୍ ମିଡିଆରେ ସୂଚନା ଦେଇଥିଲେ । ତେବେ ଗତକାଲି ରାତିରେ ସେ ଅସୁସ୍ଥ ହୋଇପଡ଼ିବାରୁ ତାଙ୍କୁ ଭୁବନେଶ୍ୱରର ଏକ ଘରୋଇ ହସ୍ପିଟାଲରେ ଭର୍ତ୍ତି କରାଯାଇଥିଲା । ସେଠାରେ ଚିକିତ୍ସାଧୀନ ଅବସ୍ଥାରେ ରାତି ପ୍ରାୟ ୩ଟା ସମୟରେ ତାଙ୍କର ମୃତୁ୍ୟ ହୋଇଛି । ରାଜେଶ୍ୱରୀ ଏକାଧିକ ଓଡ଼ିଆ ଧାରାବାହିକ ଯେପରିକି “ଉଅାଁସୀ କନ୍ୟା’, “ବସୁନ୍ଧରା’, “ସଂସ୍କାର’ ଆଦିରେ ଅଭିନୟ କରି ଦର୍ଶକଙ୍କ ପ୍ରିୟ ଅଭିନେତ୍ରୀ ହୋଇପାରିଥିଲେ । ଏହାସହ ସତ୍ୟମେବ ଜୟତେ, ଆରେ ସାଥୀ ଆ ଭଳି ଅନ୍ୟ କେତୋଟି ଓଡ଼ିଆ ଚଳଚ୍ଚିତ୍ରରେ ମଧ୍ୟ ଅଭିନୟ କରିଛନ୍ତି । ଗତକାଲି ତାଙ୍କର ମୁଣ୍ଡ ବିନ୍ଧିବାରୁ ତାଙ୍କୁ ବାଲେଶ୍ୱର ଏବଂ ପରେ ତାଙ୍କୁ ଭୁବନେଶ୍ୱର ଅଣାଯାଇଥିଲା ।
About Author
