ରାସ୍ତା ମରାମତି କଲେ ଗ୍ରାମବାସୀ
ଏଡ଼ାଇଲା ପଞ୍ଚାୟତ
ଭଣ୍ଡାରିପୋଖରୀ (ଆପ୍ର): ଭଣ୍ଡାରିପୋଖରୀ ବ୍ଲକ୍ର ନାଆମୀ ପଞ୍ଚାୟତ ଅନ୍ତର୍ଗତ ଶୃଙ୍ଖଳା ବିପର୍ଯ୍ୟସ୍ତ ଗ୍ରାମ୍ୟରାସ୍ତାକୁ ଗ୍ରାମବାସୀ ମରାମତି କରିଛନ୍ତି । ଛତାବର-ଛ‚ôଣା ପୂର୍ତ୍ତରାସ୍ତାର ଶୃଙ୍ଖଳା ହନୁମାନ ଛକରୁ ଗ୍ରାମକୁ ସଂଯୋଗ କରିଥିବା ଗ୍ରାମର ପୁରାତନ ରାସ୍ତା ଦୀର୍ଘ ଦିନ ହେବ ବିପର୍ଯ୍ୟସ୍ତ ହୋଇପଡ଼ିଛି । ଗ୍ରାମକୁ ପ୍ରଧାନମନ୍ତ୍ରୀ ଗ୍ରାମ୍ୟ ସଡ଼କ ରାସ୍ତା ନିର୍ମାଣ କରାଯାଇଥିଲେ ମଧ୍ୟ ଏହି ରାସ୍ତାକୁ ଇଚ୍ଛାକୃତ ଭାବେ ବାଦ୍ ଦିଆଯାଇଥିଲା । ଏହି ରାସ୍ତା ଉପରେ ୬ଶହ ଲୋକ ଯାତାୟାତ ପାଇଁ ନିର୍ଭର କରନ୍ତି । ରାସ୍ତାସାରା ଛୋଟବଡ଼ ଗାଢ଼ ହୋଇ ରାସ୍ତା ଯାତାୟାତ ଅନୁପଯୁକ୍ତ ହୋଇପଡ଼ିଥିଲା । ଗ୍ରାମବାସୀ ନାଆମୀ ପୂର୍ବତନ ସରପଞ୍ଚଙ୍କୁ ଏଥିପାଇଁ ଗତ କିଛି ବର୍ଷ ହେବ ଜଣାଇ ମରାମତି ପାଇଁ ବାରମ୍ବାର ନିବେଦନ କରି ବିଫଳ ହୋଇଥିଲେ । ଏବେ ବର୍ଷା ଦିନରେ ରାସ୍ତାର ଅବସ୍ଥା ଅଧିକ ଖରାପ ହେବାରୁ ଗ୍ରାମବାସୀ ନିଜସ୍ୱ ଅର୍ଥରେ ରାସ୍ତା ମରାମତି କରିବା ଆରମ୍ଭ କରିଛନ୍ତି । କୋଦଣ୍ଡ ନାୟକ, ଭୈରବ ନାୟକ, ନିଶାକର ନାୟକ, ଗୋବର୍ଦ୍ଧନ ଜେନା, ଚୈତନ ଜେନା, ଶତ୍ରୁଘ୍ନ ବେହେରା ପ୍ରମୁଖ କ୍ରସର ଡଷ୍ଟ ବିଛାଇ ମରାମତି କିବା କାର୍ଯ୍ୟ ଜାରି ରଖିଛନ୍ତି ।
About Author
