ସୁନାବେଡ଼ା ଜଙ୍ଗଲରେ ମାଓ କ୍ୟାମ୍ପ ଧ୍ୱଂସ
ନୂଆପଡ଼ା (ଆପ୍ର): ସୁନାବେଡ଼ାର ପାଟଦରା ସଂରକ୍ଷିତ ଜଙ୍ଗଲରେ ନକ୍ସଲ-ପୁଲିସ ମୁହାଁମୁହିଁ ହୋଇଛନ୍ତି । ଗତ ରାତିରେ ପ୍ରାୟ ଘଣ୍ଟାଏ ଧରି ଉଭୟ ପକ୍ଷ ମଧ୍ୟରେ ଗୁଳି ବିନିମୟ ହେବା ପରେ ନକ୍ସଲପନ୍ଥୀ ଛତ୍ରଭଙ୍ଗ ଦେଇଛନ୍ତି । ଘଞ୍ଚ ଜଙ୍ଗଲରେ ଥିବା ମାଓବାଦୀଙ୍କ କ୍ୟାମ୍ପ ଧ୍ୱଂସ କରାଯାଇଛି । ସେଠାରୁ ବନ୍ଧୁକ, ବହୁ ପରିମାଣର ଗର୍ଭନିରୋଧକ ବଟିକା, କଣ୍ଡୋମ, ପୋଷାକ, କିଛି ମହିିଳାଙ୍କ ପୋଷ୍ଟର ଓ ଅନ୍ୟାନ୍ୟ ସାମଗ୍ରୀ ମିଳିଛି । କ୍ୟାମ୍ପ ନିକଟରେ ଘୋଷଡ଼ା ଚିହ୍ନ ଓ ରକ୍ତ ଛିଟା ପଡ଼ିଥିବାରୁ ଅନେକ ମାଓବାଦୀ ମୃତାହତ ହୋଇଥିବା ଆଶଙ୍କା କରାଯାଉଛି ।
ନୂଆପଡ଼ା ଏସ୍ପି ପ୍ରତୁ୍ୟଷ ଦିବାକର ଓ ସିଆର୍ପିଏଫ୍ କମାଣ୍ଡାଣ୍ଟ ରମେଶ ବୈଶ୍ୟ ଗଣମାଧ୍ୟମ ନିକଟରେ କହିଛନ୍ତି, ଗର୍ଭନିରୋଧକ ସାମଗ୍ରୀ ମିଳିଥିବାରୁ କ୍ୟାମ୍ପରେ ମହିଳା ନକ୍ସଲଙ୍କୁ ଯୌନ ଶୋଷଣ କରାଯାଉଥିବା ସନେ୍ଦହ କରାଯାଉଛି । କ୍ୟାମ୍ପରେ ୭୦ରୁ ୮୦ ନକ୍ସଲ ଥିଲେ । ଟପ୍ ନକ୍ସଲ ମୁରଲୀ, ଦେବଜୀ, ଜୟରାମ, କାର୍ତ୍ତିକ, ଗୁ‡ୁ, ସଙ୍ଗୀତା, ଜାନିଲା, ପାର୍ବତୀ, ସୋନୀ ପ୍ରମୁଖ ଥିଲେ । ସେମାନେ ଖସି ଯାଇଛନ୍ତି । ଓଡ଼ିଶା ଓ ଛତିଶଗଡ ପୁଲିସ ପକ୍ଷରୁ ଶନିବାର ଜଙ୍ଗଲରେ କୁମିଂ ଅପରେସନ ·ଲିଛି ବୋଲି ଏସ୍ପି କହିଛନ୍ତି ।
About Author
