ପାରୋଲରେ ଆସିଥିବା କଏଦୀଙ୍କୁ ଗୁଳିମାଡ଼
କଙ୍କଡାହାଡ (ଆପ୍ର): ପାରୋଲରେ ଆସିଥିବା ଜଣେ କଏଦୀକୁ ସଂଘବଦ୍ଧ ଭାବେ ୩ ରାଉଣ୍ଡ ଗୁଳିକାଣ୍ଡ କରାଯାଇଛି । ଏଭଳି ଲୋମ ଟାଙ୍ଗୁରା ଗୁଳିକାଣ୍ଡ ଦେଖିବାକୁ ମିଳିଛି ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ବାମ ପଞ୍ଚାୟତ ଅନ୍ତର୍ଗତ ଚାଉଳିଝରଣ ଗାଁରେ । ଗୁରୁତର କଏଦୀ ଜଣଙ୍କ ବାମ ପଞ୍ଚାୟତ ଅନ୍ତର୍ଗତ ବାଉଁଶମୁଣ୍ଡା ଗାଁର ଅର୍ଜୁନ ସୋରେନ୍ । ସେ ବୁଧବାର ଝିଲ୍ଲୀ ଗାଁ ସାପ୍ତାହିକ ହାଟରୁ ସଉଦା ନେଇ ଘରକୁ ଫେରୁଥିବା ବେଳେ ଚାଉଳିଝରଣ ଗାଁ ନିକଟରେ ତାଙ୍କୁ ସଂଘବଦ୍ଧ ଭାବେ ଗୁଳି କରାଯାଇଥିଲା । ପ୍ରାୟ ୪ ଜଣ ବ୍ୟକ୍ତି ତାଙ୍କୁ ଏକାକୀ ଘେରି ଗୁଳି କରିଥିଲେ । ତେବେ ତାଙ୍କ ଉପରକୁ ପ୍ରାୟ ୩ ରାଉଣ୍ଡ ଫାୟାରିଙ୍ଗ ହୋଇଥିବା ଜଣାପଡିଛି । ଅର୍ଜୁନଙ୍କ ପଛ ପାଖ ପିଠି, ଅଣ୍ଟା ଓ ହାତରେ ଗୁଳି ଲାଗିଥିବା ଦେଖିବାକୁ ମିଳିଛି । ଗୁରୁତର ଅବସ୍ଥାରେ ତାଙ୍କୁ ୧୦୮ ଆମ୍ବୁଲାନ୍ସ ଯୋଗେ ପ୍ରଥମେ କାମାକ୍ଷାନଗର ଓ ପରେ ଢେଙ୍କାନାଳ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଛି । ତେବେ ପୁଲିସର ପ୍ରାଥମିକ ତଦନ୍ତରୁ ଏହା ପୂର୍ବ ଶତ୍ରୁତାକୁ ନେଇ ହୋଇଥିବା ସୂଚନା ମିଳିଛି । ସୂଚନା ଅନୁଯାୟୀ ଅର୍ଜୁନ ୨୦୧୧ ମସିହା ଅଗଷ୍ଟ ମାସ ୧୫ ତାରିଖ ଦିନ ପରକ୍ରିୟା ପ୍ରୀତିକୁ ନେଇ ଚାଉଳିଝରଣ ଗାଁର ଜଣେ ବ୍ୟକ୍ତିଙ୍କୁ ହତ୍ୟା କରି ପ୍ରାୟ ୧୦ ବର୍ଷ କାଳ ଜେଲ୍ ହାଜତରେ ରହି ଗତ ବର୍ଷ ଜୁନ୍ ୫ ତାରିଖ ଦିନ ପାରୋଲରେ ଆସିଥିଲେ । ତେବେ ବୁଧବାର ତାଙ୍କ ଉପରକୁ ଗୁଳି ଚାଳଣା କରାଯାଇଛି । ଅପରାଧୀମାନେ ଘଟଣା ଘଟାଇବା ପରେ ଫେରାର ହୋଇଯାଇଛନ୍ତି । ତେବେ ଏହାକୁ ନେଇ ପୁଲିସ ଛାନ ଭିନ୍ ଜାରି ରଖିଛି ।
About Author
