ମୁକେଶଙ୍କ ଇସ୍ତଫା, ଆକାଶ ଜିଓ ଚେୟାରମ୍ୟାନ୍
ନୂଆଦିଲ୍ଲୀ (ଏଜେନ୍ସି): ନିଜ କମ୍ପାନୀ ରିଲାଏନ୍ସ ଜିଓ ଇନ୍ଫୋଟେକ୍ ଲିମିଟେଡ୍ର ମ୍ୟାନେଜମେଣ୍ଟରେ ବଡ ଧରଣର ପରିବର୍ତ୍ତନ ହୋଇଛି । ପୁଅ ଆକାଶ ଅମ୍ବାନୀଙ୍କୁ ରିଲାଏନ୍ସ ଜିଓର ଚେୟାରମ୍ୟାନ ଭାବେ ନିଯୁକ୍ତି ଦେଇଛନ୍ତି ମୁକେଶ ଅମ୍ବାନୀ । ଏଥିସହ ସେ ନିଜ ପଦ (ନିଦେ୍ର୍ଦଶକ)ରୁ ଇସ୍ତଫା ଦେଇଛନ୍ତି । ଗତକାଲି ରିଲାଏନ୍ସ ଜିଓ ବୋର୍ଡ ବୈଠକରେ ଏନେଇ ଭୋଟିଂ ହୋଇଥିଲା । ଏଥିରେ ବୋର୍ଡ, ଆକାଶ ଅମ୍ବାନୀଙ୍କୁ ଚେୟାରମ୍ୟାନ ଭାବେ ନିଯୁକ୍ତିକୁ ମଞ୍ଜୁରୀ ଦେଇଛି ।
ସେହିପରି ବୋର୍ଡ ପକ୍ଷରୁ ପଙ୍କଜ ମୋହନ ପାୱାରଙ୍କୁ ରିଲାଏନ୍ସ ଇନ୍ଫୋଟେକ୍ ଲିମିଟେଡ୍ର ପରିଚାଳନା ନିଦେ୍ର୍ଦଶକ ଭାବେ ନିଯୁକ୍ତି ଦିଆଯାଇଛି । ଜୁନ୍ ୨୭ରୁ ସେ ନିଜ ଦାୟିତ୍ୱ ଗ୍ରହଣ କରିଛନ୍ତି । ଆଗାମୀ ୫ବର୍ଷ ଯାଏ ପଙ୍କଜ ଏହି ପଦରେ କାର୍ଯ୍ୟ କରିବେ । ଏଥିସହ ରାମିନ୍ଦର ସିଂହ ଗୁଜରାଲ ଏବଂ କେଭି ଚୌଧୁରୀଙ୍କୁ ରିଲାଏନ୍ସ ଜିଓ କମ୍ପାନୀର ଅତିରିକ୍ତ ନିଦେ୍ର୍ଦଶକ ଭାବେ ନିଯୁକ୍ତି ଦିଆଯାଇଛି । ଏସମସ୍ତ ନିଯୁକ୍ତି ସମ୍ପର୍କରେ ରିଲାଏନ୍ସ ଜିଓ ପକ୍ଷରୁ ବଜାର ନିୟନ୍ତ୍ରକ ସେବିକୁ ମଧ୍ୟ ସୂଚୀତ କରାଯାଇଛି ।
ଉଲ୍ଲେଖନୀୟ ରିଲାଏନ୍ସ ଜିଓ ଇନ୍ଫୋଟେକ୍ ଲିମିଟେଡ୍ ମୁକେଶ ଅମ୍ବାନୀଙ୍କ ଟେଲିକମ୍ କମ୍ପାନୀ ରିଲାଏନ୍ସ ଇଣ୍ଡଷ୍ଟ୍ରିଜ୍ ଲିମିଟେଡ୍ (ଆରଆଇଏଲ୍)ର ପୂର୍ଣ୍ଣ ମାଲିକାନାରେ ଥିବା କମ୍ପାନୀ । ୨ଠ୧୯ରେ ରିଲାଏନ୍ସ ପକ୍ଷରୁ ଜିଓ’ ଲଞ୍ଚ୍ କରାଯାଇଥିଲା ।
About Author
