ବ୍ରାଉନ ସୁଗର ଜବତ, ମାଫିଆ ଗିରଫ
ଫୁଲବାଣୀ (ବୁ୍ୟରୋ): କନ୍ଧମାଳ ଜିଲ୍ଲା ଫୁଲବାଣୀ ପେଂଜିସାହି ନିକଟରୁ ୩.୫୮୦ ଗ୍ରାମ ବ୍ରାଉନସୁଗାର ଜବତ ହୋଇଛି । ଏହି ଘଟଣାରେ ଫରେଷ୍ଟ କଲୋନୀର ସ୍ୱର୍ଗତ ଭଗବାନ ସାହୁଙ୍କ ପୁଅ ସପନ କୁମାର ମହାପାତ୍ର (୨୫)କୁ ଗିରଫ କରି କୋର୍ଟ ଚାଲାଣ କରାଯାଇଛି ବୋଲି ଫୁଲବାଣୀ ଟାଉନ ଥାନା ଅଧିକାରୀ ସୁଶାନ୍ତ କୁମାର ସେଠୀ କହିଛନ୍ତି । ଖୋର୍ଦ୍ଧାରୁ ଫୁଲବାଣୀକୁ ଏହା ଚାଲାଣ ହେଉଥିଲା ।
ଏସ୍ପି ବିନୀତ ଅଗ୍ରୱାଲଙ୍କ ନିଦେ୍ର୍ଦଶ କ୍ରମେ ସଦର ଏସ୍ଡିପିଓ ମହେନ୍ଦ୍ର ନାଥ ମୁର୍ମୁ ଓ ଆଇଆଇସି ସୁଶାନ୍ତ କୁମାର ସେଠୀ ପୂର୍ବ ଯୋଜନା ମୁତାବକ କିଛି ଦିନ ଧରି କେତେକ ଗଞ୍ଜେଇ ମାଫିଆ ଓ ଚାଲାଣକାରୀଙ୍କ ଗତି ବିଧି ଉପରେ ତୀକ୍ଷ୍ଣ ନଜର ରଖିଥିଲେ । ଯୁବକ ଜଣକ ବ୍ରାଉନସୁଗାର ନେଇ ପେଂଜିସାହି ଦେଇ ଯିବା ସମୟରେ ପୁଲିସ ତାକୁ କାବୁ କରିଥିଲା । ଏନେଇ ଫୁଲବାଣୀ ଟାଉନ ଥାନାରେ ଏକ ମାମଲା ରୁଜୁ କରି ତଦନ୍ତ ଜାରି ରହିଛି । ତେବେ ଖୋର୍ଦ୍ଧାରୁ କାହା ଠାରୁ ବ୍ରାଉନସୁଗାର ଆସିଲା କିଏ ଏହାର ମୁଖ୍ୟ କାର୍ପେଟଦାର ସେ ନେଇ ତଦନ୍ତ ଚାଲିଥିବା କହିଛନ୍ତି ଏସ୍ଡିପିଓ ମହେନ୍ଦ୍ର ନାଥ ମୁର୍ମୁ ।
About Author
