ଖେଲୋ ଇଣ୍ଡିଆ ରୌପ୍ୟ ବିଜେତାଙ୍କୁ ସମ୍ବର୍ଦ୍ଧନା
ପୁରୀ (ବୁ୍ୟରୋ): ପୁରୀ ଜିଲ୍ଲାର ତିନିଜଣ କ୍ରୀଡ଼ାବିତ୍ ହରିୟାଣାର ପଞ୍ଚକୁଲା ଠାରେ ଅନୁଷ୍ଠିତ ଖେଲୋ ଇଣ୍ଡିଆର ଖୋ ଖୋ ପ୍ରତିଯୋଗିତାରେ ରୌପ୍ୟ ପଦକ ହାସଲ କରିଛନ୍ତି । ଡେଲାଙ୍ଗ ବ୍ଲକ୍ ମୁନିନ୍ଦାର କେପିପି ଉଚ୍ଚ ବିଦ୍ୟାଳୟର ୧୦ମ ଶ୍ରେଣୀ ଛାତ୍ରୀ ଅନନ୍ୟା ପ୍ରଧାନ ଓ ୯ମ ଶ୍ରେଣୀ ଛାତ୍ରୀ ଅର୍ଚ୍ଚନା ପ୍ରଧାନ ଏବଂ ଡେଲାଙ୍ଗ ଗାଦିବ୍ରହ୍ମ ମହାବିଦ୍ୟାଳୟର +୩ ପ୍ରଥମ ବର୍ଷର ଛାତ୍ର ସାନ୍ତନୁ ସାମନ୍ତରାୟ ଖେଲୋ ଇଣ୍ଡିଆ ଯୁବ ବର୍ଗର ଖୋ ଖୋରେ ରୌପ୍ୟ ପଦକ ହାସଲ କରିଥିଲେ । ଏହି ସଫଳତା ପାଇଁ ଜିଲ୍ଲାପାଳ ସମର୍ଥ ବର୍ମା, ଉପଜିଲ୍ଲାପାଳ ଭବତାରଣ ସାହୁ, ଓଡ଼ିଶା ଖୋ ଖୋ ସଂଘର ସାଧାରଣ ସମ୍ପାଦକ ପ୍ରଦୁ୍ୟମ୍ନ ମିଶ୍ର, ଜିଲ୍ଲା କ୍ରୀଡ଼ା ଅଧିକାରୀ ଚନ୍ଦନ କୁମାର ସାହୁ ପ୍ରମୁଖ ତିନି ପଦକ ବିଜେତାଙ୍କୁ ପାଞ୍ଚ ହଜାର ଟଙ୍କାର ଚେକ୍ ସହ ଉତ୍ତରୀୟ ଦେଇ ସମ୍ବର୍ଦ୍ଧିତ କରିଥିଲେ । କେପିପି ଉଚ୍ଚ ବିଦ୍ୟାଳୟର ପିଇଟି ସୂର୍ଯ୍ୟ ନାରାୟଣ ଜେନାଙ୍କ ତତ୍ତ୍ୱାବଧାନରେ ଏହି ଛାତ୍ରଛାତ୍ରୀମାନେ ପ୍ରଶିକ୍ଷଣ ନେଉଥିଲେ ।
About Author
