୮ ଲକ୍ଷରେ ନିଲାମ ହେଲା ମାଛ
ପାରାଦୀପ (ଆପ୍ର): ପାରାଦୀପ ସମୁଦ୍ରରୁ ଏକ ବିରଳ ତେଲିଆ ବୋରେଇ ମାଛ ଧରା ହୋଇଥିବା ବେଳେ ଏହାକୁ ଦେଖିବାକୁ ସ୍ଥାନୀୟ ଲୋକେ ଭିଡ଼ ଜମାଇଛନ୍ତି । ମାତ୍ର ଗୋଟିଏ ମାଛର ଦାମ ୬ ଲକ୍ଷ ୪୪ ହଜାର ଟଙ୍କା ହୋଇଥିବା ବେଳେ ଆଉ ୩ ଟି ମାଛର ଦାମ ୨ ଲକ୍ଷ ଟଙ୍କାରେ ନିଲାମ ହୋଇଛି ।
ଦୁଇମାସ ହେବ ଜାରି ରହିଥିବା କଟକଣା ହଟିବା ପରେ ପ୍ରଥମ କରି ସମୁଦ୍ରକୁ ମାଛ ମାରିବା ପାଇଁ ଯାଇଥିବା ଜଣେ ମତ୍ସଜୀବୀଙ୍କ ଜାଲରେ ପଡ଼ିଥିଲେ ଏହି ୪ ବିରଳ ପ୍ରଜାତିର ମାଛ । ଏକ ଅଣ୍ଡିରା ମାଛର ଓଜନ ୨୮ କେଜି ହୋଇଥିବା ବେଳେ କେଜି ପିଛା ୨୩ ହଜାର ଟଙ୍କା ହିସାବରେ ଏହାକୁ ୬ ଲକ୍ଷ ୪୪ ହଜାର ଟଙ୍କାରେ ନିଲାମ କରାଯାଇଛି । ସେହିପରି ମୋଟ୍ ୩୯କେଜିର ଅନ୍ୟ ୩ଟି ମାଈ ତେଲିଆ ମାଛକୁ କେଜି ପିଛା ୪୨୦୦ ଟଙ୍କା ମୂଲ୍ୟରେ ୧ ଲକ୍ଷ ୬୩ ହଜାର ୮ ଶହ ଟଙ୍କାରେ ବିକ୍ରି ହୋଇଛି । ଏହାକୁ ମୁମ୍ବାଇର ଜଣେ ବ୍ୟବସାୟୀ କିଣିଛନ୍ତି ।
About Author
