ସୁହାଗ ନଳିନୀ ଦାସଙ୍କୁ ‘ଶ୍ରୀକ୍ଷେତ୍ର ମାହାରୀ’ ସମ୍ମାନ
ଶ୍ରୀକ୍ଷେତ୍ର ମାହାରୀ ଉତ୍ସବ
ପୁରୀ (ବୁ୍ୟରୋ): ସ୍ଥାନୀୟ ଅନ୍ନପୂର୍ଣ୍ଣା ରଙ୍ଗମଞ୍ଚରେ ଆଖଣ୍ଡଳମଣି ନବପ୍ରତିଭା ସଂଗୀତ ଶିକ୍ଷା କେନ୍ଦ୍ର ପକ୍ଷରୁ ଶ୍ରୀକ୍ଷେତ୍ର ମାହାରୀ ଉତ୍ସବ ଅନୁଷ୍ଠିତ ହୋଇଛି । ଉକ୍ତ ଉତ୍ସବରେ ମୁଖ୍ୟ ଅତିଥି ଭାବେ ବିଧାୟକ ଜୟନ୍ତ କୁମାର ଷଡ଼ଙ୍ଗୀ, ରାଜ୍ୟ ଯୁବ ବିଜେଡି ଉପସଭାପତି ଶୁଭାଶିଷ ଖୁଣ୍ଟିଆ, ଜିଲ୍ଲା ସଂସ୍କୃତି ଅଧିକାରୀ ହେମନ୍ତ କୁମାର ବେହେରା, ସଙ୍ଗୀତଜ୍ଞ ସତ୍ୟନାରାୟଣ ଗୁରୁ, ଶଙ୍ଖମିତ୍ର ସିଂଘାରୀ, ବିଭୁପ୍ରସାଦ ସ୍ୱାଇଁ, ଆର୍ତ୍ତତ୍ରାଣ ଶତପଥୀ, ଗୋବିନ୍ଦ ଚନ୍ଦ୍ର ପାଳ, ବୈକୁଣ୍ଠ ନନ୍ଦ ପ୍ରମୁଖ ଅତିଥି ଭାବେ ଯୋଗ ଦେଇଥିଲେ । ଏଥିରେ ସଭାପତିତ୍ୱ କରିଥିଲେ ଅନୁଷ୍ଠାନର ସଭାପତି ତଥା ପୂର୍ବତନ ନଗରପାଳ ସୁରେନ୍ଦ୍ରନାଥ ଦାସ ।
ଉତ୍ସବରେ ଗୁରୁ ଅଶୋକ କୁମାର ଦାସ ଓ କବିତା ଦାସଙ୍କ ନୃତ୍ୟ ନିଦେ୍ର୍ଦଶନାରେ ଅନୁଷ୍ଠାନର ଛାତ୍ରଛାତ୍ରୀମାନେ ମାହାରୀ ନୃତ୍ୟ ପରିବେଷଣ କରିଥିଲେ । କାର୍ଯ୍ୟକ୍ରମକୁ ପରିଚାଳନା କରିଥିଲେ ସୁରେନ୍ଦ୍ର ନାୟକ ଓ ଶକ୍ତିଭୂଷଣ ମିଶ୍ର । ସେହିପରି ଶ୍ୟାମପ୍ରକାଶ ସେନାପତି ଓ ଭରତ ନାୟକ ସହାୟତା କରିଥିଲେ । ଏହି ଅବସରରେ ଗୁରୁ ସୁହାଗ ନଳିନୀ ଦାସଙ୍କୁ ‘ଶ୍ରୀକ୍ଷେତ୍ର ମାହାରୀ’ ସମ୍ମାନରେ ସମ୍ମାନିତ କରାଯାଇଥିଲା । ତତ୍ସହିତ ନୃତ୍ୟଶଳ୍ପୀଙ୍କୁ ସମ୍ମାନିତ କରାଯାଇଥିଲା ।
About Author
