କ୍ରମାଗତ ବିଜୟ ସହ ଭାରତକୁ ଯୋଗ୍ୟତା
ଅଗଷ୍ଟ ୨୧ରୁ ଫିବା ଏସିଆନ୍ ଚାମ୍ପିଅନ୍ସିପ୍
ଭୁବନେଶ୍ୱର, ୪ା୬ (ବୁ୍ୟରୋ): କଟକର ଜବାହରଲାଲ୍ ନେହରୁ ଇଣ୍ଡୋର ଷ୍ଟାଡିୟମ୍ରେ ଚାଲିଥିବା ଫିବା ୧୮ ବର୍ଷରୁ କମ୍ ଏସୀୟ ଚାମ୍ପିଅନ୍ସିପ୍ ୨୦୨୨ ସାବା କ୍ୱାଲିଫାୟର୍ସରେ ଆୟୋଜକ ଭାରତ ଫାଇନାଲ୍ ରାଉଣ୍ଡ ରବିନ୍ ମୁକାବିଲାରେ ବାଂଲାଦେଶକୁ ୧୧୧-୪୭ରେ ପରାସ୍ତ କରିଛି । ତିନି ଟିମ୍କୁ ନେଇ ଖେଳାଯାଇଥିବା ଏହି ପ୍ରତିଯୋଗିତାରେ ଭାରତୀୟ ଟିମ୍ କ୍ରମାଗତ ଦ୍ୱିତୀୟ ବିଜୟ ସହ ଇରାନ୍ର ତେହରାନଠାରେ ଅଗଷ୍ଟ ୨୧ରୁ ଆରମ୍ଭ ହେବାକୁ ଥିବା ଫିବା ୧୮ ବର୍ଷରୁ କମ୍ ଏସିଆନ୍ ଚାମ୍ପିଅନ୍ସିପ୍ ପାଇଁ ଯୋଗ୍ୟତା ହାସଲ କରିଛି । ଭାରତ ସାବା ସବ୍ ଜୋନ୍ରୁ ପ୍ରତିନିଧିତ୍ୱ କରିବ ।
ମାଳଦ୍ୱୀପ ବିପକ୍ଷ ପ୍ରଥମ ମୁକାବିଲା ୬୪-୩୭ରେ ଜିତିବା ପରେ ଦୃଢ଼ ମନୋବଳ ନେଇ ଦ୍ୱିତୀୟ ମ୍ୟାଚ୍କୁ ଓହ୍ଲାଇଥିଲା ଭାରତ । ଟିମ୍ ପକ୍ଷରୁ ଲୋକେନ୍ଦ୍ର ସିଂହ ୧୬, କୁଶଲ ସିଂହ ୨୦, ଜୟଦୀପ ରାଥୋଡ଼ ୧୨, ହର୍ଷ ଡଗର ୧୧, ଜନ୍ମେଜୟ ସିଂହ ୯ ଓ ଉଦିତ ରାଭିଶ ୧୧ ସ୍କୋର୍ କରିଥିଲେ । ଅନ୍ୟପଟେ, ବାଂଲାଦେଶ ପକ୍ଷରୁ ଏନ୍ଦାଦୁଲ ହକ୍ ପିଆଶ ୧୭, ମାନିକ ହସନ ୧୧ ସ୍କୋର୍ କରିଥିଲେ ।
About Author
