ସ୍କୁଲରେ ତାଲା ପକାଇଲେ ଅଭିଭାବକ
ପ୍ରଧାନ ଶିକ୍ଷୟିତ୍ରୀଙ୍କ ବଦଳି ଦାବି
କୋଟଗଡ଼ (ଆପ୍ର): କୋଟଗଡ଼ ବ୍ଲକ୍ ମାଦାଗୁଡ଼ା ସରକାରୀ ଉଚ୍ଚ ବିଦ୍ୟାଳୟରେ ଅଭିଭାବକ ଓ ଗ୍ରାମବାସୀ ତାଲା ପକେଇଲେ । ବିଦ୍ୟାଳୟର ପ୍ରଧାନ ଶିକ୍ଷୟିତ୍ରୀ ଚନ୍ଦ୍ରିକା ଦେଶୀନାୟକଙ୍କ କାର୍ଯ୍ୟକଳାପ ଉପରେ ଅସନ୍ତୁଷ୍ଟ ହୋଇ ଅଭିଭାବକ ସ୍କୁଲରେ ତାଲା ପକେଇଛନ୍ତି । ପ୍ରଧାନଶିକ୍ଷୟତ୍ରୀ ଠିକ ଭାବେ ପିଲାଙ୍କୁ ପାଠ ପଢ଼ାଉ ନ ଥିବା ଅଭିଭାବ୍ୱାନେ ଅଭିଯୋଗ କରିଛନ୍ତି । ଏଥିସହ ଅନ୍ୟ ଶିକ୍ଷକଙ୍କ ସହ ଝଗଡ଼ା କରିବା, ଅଭିଭାବକଙ୍କୁ ଅସଦାଚରଣ କରିବା, ମଧ୍ୟାହ୍ନ ଭୋଜନ ଠିକ ସେ ନ ଦେବା ଭଳି ଅନେକ ଅଭିଯୋଗ ନେଇ ଅଭିଭାବକମାନେ ଗୋଷ୍ଠୀ ଶିକ୍ଷା ଅଧିକାରଙ୍କୁ ଲିଖିତ ଅଭିଯୋଗ କରିଥିଲେ । କିନ୍ତୁ କାର୍ଯ୍ୟାନୁଷ୍ଠାନ ନ ହବାରୁ ମଙ୍ଗଳବାର ସ୍କୁଲ ମୁଖ୍ୟ ଫାଟକ ଆଗରେ ଅନଶନରେ ବସିଥିଲେ । ପ୍ରଧାନ ଶିକ୍ଷୟିତ୍ରୀଙ୍କ ବଦଳି ଦାବି କରି ଅଭିଭାବକମାନେ ତାଲା ପକାଇଥିଲେ ।
About Author
