ଟିଫିନ୍ ବୋମା ଉଦ୍ଧାର କଲା ସିଆର୍ପିଏଫ୍
ଫୁଲବାଣୀ (ବୁ୍ୟରୋ): ଗତ କିଛିଦିନ ହେବ ମାଓବାଦୀମାନେ ପୋଷ୍ଟର ବ୍ୟାନର୍ ଜାରି କରି କନ୍ଧମାଳ ଜିଲ୍ଲାରେ ନିଜର ସ୍ଥିତି ଜାହିର କରିଥିବା ବେଳେ ଶନିବାର ବେଲଘର ଥାନା ଅଞ୍ଚଳରୁ ଟିଫିନ ବୋମା ଜବତ କରାଯାଇଛି । ବାଲିଗୁଡ଼ାରେ ମୁତୟନ ସିଆର୍ପିଏଫ୍ ୧୨୭ ବାଟାଲିୟନ୍ର ଯବାନମାନେ ଟିଫିନ୍ ବୋମାକୁ ଅକାମୀ କରିଦେଇଛନ୍ତି ।
ଲଙ୍କାଗଡ଼ ପଞ୍ଚାୟତର ଗାହାଲି ଗ୍ରାମଠାରୁ ୮ଶହ ମିଟର ଦୂରରେ ଏହି ବୋମା ମିଳିଥିଲା । ଜଣେ ବ୍ୟକ୍ତି ବ୍ୟାଗ୍ରେ କିଛି ଜିନିଷ ନେଇ ସନେ୍ଦହଜନକ ଅବସ୍ଥାରେ ଯାଉଥିବା ସମ୍ପର୍କରେ ସିଆର୍ପିଏଫ୍କୁ ଖବର ମିଳିଥିଲା । କମାଣ୍ଡାଣ୍ଟ ଆନନ୍ଦ ଝା ଓ ଆସିଷ୍ଟାଣ୍ଟ କମାଣ୍ଡାଣ୍ଟ କୁମାର ରାଘବେନ୍ଦ୍ରଙ୍କ ନେତୃତ୍ୱରେ ସିଆର୍ପିଏଫ୍ର ଏକ ସ୍ୱତନ୍ତ୍ର ଟିମ୍ ଅପରେସନ୍ ଚଳାଇ ୫ରୁ ୬ କିଲୋଗ୍ରାମ୍ର ମେକାନିଜିମ୍ ଟିଫିନ୍ ବୋମା ଜବତ କରିଥିଲେ । ଯବାନମାନଙ୍କୁ ଟାର୍ଗେଟ୍ କରି ମାଓବାଦୀ ଏହାକୁ ଖଞ୍ଜିଥିବା ଆଶଙ୍କା କରାଯାଉଛି ।
About Author
