ମୁକୁଳା ଡ୍ରେନ୍ ନେଲା ଯୁବକଙ୍କ ଜୀବନ
ମାର୍କେଟ୍ ଛକରେ ଅଘଟଣ
ପୁରୀ (ବୁ୍ୟରୋ): ବଡ଼ଦାଣ୍ଡସ୍ଥିତ ମାର୍କେଟଛକଠାରେ ଘଟିଛି ଅଭାବନୀୟ ଘଟଣା । ମୁକୁଳା ଡ୍ରେନ୍ ନେଇଛି ଜଣେ ଯୁବକଙ୍କ ଜୀବନ । ଡ୍ରେନ୍ ନାଳରେ ପଡ଼ି ମୃତୁ୍ୟବରଣ କରିଥିବା ଯୁବକ ଜଣଙ୍କ ହେଲେ ନିଧି ଭୋଇ । ସେ ବଳଙ୍ଗା ଥାନା ଅନ୍ତର୍ଗତ ବିଦ୍ୟାଧରପୁର ହୋଇଥିବା ବେଳେ ଚନ୍ଦନପୁର ବୀରନରସିଂହପୁରରେ ରହୁଥିଲେ । ମାତ୍ର ସେ ପୁରୀରେ ରିକ୍ସା ଚାଳକ ଭାବେ କାର୍ଯ୍ୟ କରୁଥିଲେ । ଘଟଣାସ୍ଥଳରେ କୁମ୍ଭାରପଡ଼ା ଥାନା ପୁଲିସ ପହଞ୍ଚି ଶବକୁ ଜବତ କରି ବ୍ୟବଚ୍ଛେଦ କରି ପରିବାର ସଦସ୍ୟଙ୍କୁ ହସ୍ତାନ୍ତର କରିଛି । ଏନେଇ ଏକ ଅପମୃତୁ୍ୟ ମାମଲା ରୁଜୁ କରାଯାଇଥିବା ପୁଲିସ ସୂଚନା ଦେଇଛି ।
ସୂଚନାଯୋଗ୍ୟ ମଙ୍ଗଳବାର ବିଳମ୍ବିତ ରାତିରେ ନିଧି ରିକ୍ସା ଚଲାଇ ଘରକୁ ଫେରୁଥିବା ବେଳେ ମାର୍କେଟଛକଠାରେ ଥିବା ମୁକୁଳା ଡ୍ରେନ୍ରେ ପଡ଼ି ଯାଇଥିଲେ । ମାତ୍ର ସେ ଡ୍ରେନ୍ରୁ ଆଉ ଉଠିପାରି ନ ଥିଲେ । ଆଜି ସକାଳୁ ସ୍ଥାନୀୟ ଲୋକେ ଦେଖି ପୁଲିସକୁ ଖବର ଦେଇଥିଲେ । କୁମ୍ଭାରପଡ଼ା ଥାନା ଅଧିକାରୀ ବିଚିତ୍ରାନନ୍ଦ ସେଠୀ ଘଟଣାସ୍ଥଳରେ ପହଞ୍ଚି ଶବକୁ ଉଦ୍ଧାର କରି ବ୍ୟବଚ୍ଛେଦ ଲାଗି ମେଡିକାଲରେ ଭର୍ତ୍ତି କରିଥିଲେ । ତେବେ ନିଧି ଅତ୍ୟଧିକ ମଦ୍ୟପାନ କରିବାରୁ ଡ୍ରେନ୍ରେ ପଡ଼ି ଯାଇଥିବା ଜଣାପଡିଛି । ଏନେଇ ପୁଲିସ ଏକ ଅପମୃତୁ୍ୟ ମାମଲା ରୁଜୁ କରି ତଦନ୍ତ ଜାରି ରଖିଛି ।
About Author
