ଦୁର୍ଘଟଣାରେ ଦୁଇ ଭାଇଙ୍କ ମୃତୁ୍ୟ
ଫୁଲବାଣୀ (ବୁରୋ): କନ୍ଧମାଳ ଜିଲା ଫିରିଙ୍ଗିଆ ଥାନା ଡ଼୍ରିଡ଼୍ରିଗାଁ ନିକଟସ୍ଥ ଆଦର୍ଶ ବିଦ୍ୟାଳୟ ସମ୍ମୁୁଖରେ ମର୍ମନ୍ତୁଦ ଦୃର୍ଘଟଣା ଘଟିଛି । ଏଥିରେ ଦୁଇ ଭାଇ ପ୍ରାଣ ହରାଇଛନ୍ତି ଓ ମା’ଙ୍କୁ ଗୁରୁତର ଅବସ୍ଥାରେ ପ୍ରଥମେ ଫିରିଙ୍ଗିଆ ମେଡ଼ିକାଲରେ ପ୍ରାଥମିକ ଚିକିତ୍ସା କରାଯିବା ପରେ ଫୁଲବାଣୀ ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତର କରାଯାଇଛି ।
ଫିରିଙ୍ଗିଆ ଜଜେସପାଙ୍ଗା ପଞ୍ଚାୟତ ଦାମିଙ୍ଗିଆର ପ୍ରଶାନ୍ତ ଦିଗାଳଙ୍କ ବଡ଼ ପୁଅ ଚନ୍ଦନ ଦିଗାଲ ( ୧୫ ), ସାନପୁଅ ଆୟୁଷ ଦିଗାଲ (୪) ଓ ମା’ ଜୋହ୍ନା ଦିଗାଳ ଫୁଲବାଣୀ ମେଡ଼ିକାଲରେ ଚିକିତ୍ସିତ ହେଉଥିବା ଜେଜେ ମା’ଙ୍କୁ ଦେଖି ବାଇକ୍ରେ ଫେରୁଥିବା ସମୟରେ ଆଦର୍ଶ ବିଦ୍ୟାଳୟ ନିକଟରେ ସମ୍ମୁଖରୁ ଦୃତ ଗତିରେ ଆସୁଥିବା ଏକ ଟ୍ରକ ସେମାନଙ୍କୁ ଧକ୍କା ଦେଇଥିଲା । ଘଟଣା ସ୍ଥଳରେ ଦୁଇ ଭାଇ ପ୍ରାଣ ହରାଇଥିଲେ ।
ଦୁର୍ଘଟଣାକୁ କେନ୍ଦ୍ରକରି ଉତ୍ତେଜନା ପ୍ରକାଶ ପାଇବା ସହିତ ସ୍ଥାନୀୟ ଲୋକେ ରାସ୍ତା ରୋକ କରିଥିଲେ । ବାରମ୍ବାର ଦୁର୍ଘଟଣା ଘଟୁଥିବାରୁ ଆଦର୍ଶ ବିଦ୍ୟାଳୟ ଆଗରେ ହମ୍ପସ୍ ନିର୍ମାଣ ପାଇଁ ଲୋକେ ଦାବି କରିଥିଲେ । ପ୍ରାୟ ୩ ଘଣ୍ଟା ରାସ୍ତା ରୋକ ହେବାରୁ ଉଭୟ ପାଶ୍ୱର୍ରେ ଯାନବାହନ ଅଟକି ରହିଥିଲା । ଫିରିଙ୍ଗିଆ ଥାନା ଅଧିକାରୀ ଶ୍ୟାମ ସୁନ୍ଦର ରାଓ ଲୋକଙ୍କୁ ବୁଝାସୁଝା ପରେ ପରିସ୍ଥିତି ସ୍ୱାଭାବିକ ହୋଇଥିଲା । ହସ୍ପିଟାଲରେ ସ୍ଥାନୀୟ ଲୋକେ ପ୍ରବଳ ଭିଡ଼ କରିଥିଲେ ।
About Author
