ଦାୟିତ୍ୱ ନେଲେ ପ୍ରତୀକ ସିଂହ
ଭୁବନେଶ୍ୱର/କଟକ (ବୁ୍ୟରୋ): ଭୁବନେଶ୍ୱର ଡିସିପି ଭାବେ ଦାୟିତ୍ୱ ଗ୍ରହଣ କରିଛନ୍ତି ଆଇପିଏସ୍ ପ୍ରତୀକ ସିଂହ । ଡିସିପି ଅଫିସରେ ବୁଧବାର ତାଙ୍କୁ ଅତିରିକ୍ତ ଡିସିପି, ଏସିପି ଓ ଆଇଆଇସିମାନେ ସ୍ୱାଗତ କରିଛନ୍ତି । ଏହି ଅବସରରେ ଭୁବନେଶ୍ୱରରେ କାମ କରିବାକୁ ଚାଲେଞ୍ଜ ଭାବେ ଗ୍ରହଣ କରିଛନ୍ତି ବୋଲି ଶ୍ରୀ ସିଂହ କହିଛନ୍ତି ।
ଗଣମାଧ୍ୟମକୁ ସୂଚନା ଦେଇ ସେ କହିଛନ୍ତି, ରାଜଧାନୀର ସବୁ ଥାନା ଅଧିକାରୀ ଓ କର୍ମ·ରୀଙ୍କ ସହ ଆଲୋଚନା କରି ସମସ୍ୟାର ସମାଧାନ ଉପରେ ଗୁରୁତ୍ୱ ଦିଆଯିବ । ଭୁବନେଶ୍ୱରରେ ଅପରାଧ ଓ ଅପରାଧୀ ଦମନ, ଆଇନ୍ ଶୃଙ୍ଖଳା ବ୍ୟବସ୍ଥା ଉପରେ ମୁଖ୍ୟତଃ ଫୋକସ୍ ରହିବ ଓ ୫ଟି ଅନୁସାରେ ସେବା ଯୋଗାଇ ଦିଆଯିବ । ପୁଲିସ ଲୋକଙ୍କ ନିକଟତର ହେବା ଉପରେ ପ୍ରାଧାନ୍ୟ ଦିଆଯିବ ଏବଂ ଥାନାକୁ ଆସୁଥିବା ଲୋକେ ନିରାଶ ନ ହେବା ଦିଗରେ ପୁଲିସ କାର୍ଯ୍ୟ କରିବ । ଅପରାଧ ଦମନ ପାଇଁ ସ୍ୱତନ୍ତ୍ର ଯୋଜନା ହୋଇଛି ବୋଲି ଡିସିପି ସିଂହ କହିଛନ୍ତି ।
About Author
