ହାଇକୋର୍ଟରେ ହେବ ସ୍ଥାନୀୟ ଭାଷାର ପ୍ରୟୋଗ
ଚେନ୍ନାଇ, ୨୩ା୪: ଦେଶବାସୀଙ୍କ ସୁବିଧା ପାଇଁ ଭାରତୀୟ ନ୍ୟାୟ ପ୍ରଣାଳୀର ଭାରତୀୟକରଣ କରାଯିବା ଉଚିତ୍ । ଲୋକଙ୍କୁ ଅଦାଲତର ପ୍ରଥା, ପ୍ରକ୍ରିୟା ସହିତ ମୋକଦ୍ଦମା କେଉଁ ଦିଗକୁ ଆଗଉଛୁ ଏ ସମ୍ପର୍କରେ ଅବଗତ କରାଯିବା ଆବଶ୍ୟକ । ଆଇନ ପ୍ରକ୍ରିୟା ବାହାବେଦୀରେ ଦୁର୍ବୋଧ୍ୟ ମନ୍ତ୍ର ଉଚ୍ଚାରଣ ଭଳି ଜଟିଳ ହେବା ଅନୁଚିତ । ଏକଥା କହିଛନ୍ତି ସୁପ୍ରିମ୍କୋର୍ଟର ପ୍ରଧାନବିଚାରପତି ଏନ୍.ଭି.ରମଣା ।
ଶନିବାର ମାଡ୍ରାସ ହାଇକୋର୍ଟର ନୂଆ ପ୍ରଶାସନିକ କୋଠାର ଶିଳାନ୍ୟାସ ସମାରୋହରେ ପ୍ରଧାନବିଚାରପତି କହିଲେ ବିଭିନ୍ନ ରାଜ୍ୟରେ ସମ୍ବିଧାନର ଅନୁଚ୍ଛେଦ ୩୪୮ ଅନୁଯାୟୀ ହାଇକୋର୍ଟରେ ସ୍ଥାନୀୟ ଭାଷାରେ କାର୍ଯ୍ୟ କରିବା ଲାଗି ଅନୁମତି ଦେବା ପାଇଁ ବିଭିନ୍ନ ସମୟରେ ଦାବି ହେଉଛି । ଏହା ଉପରେ ବହୁତ ବିତର୍କ ମଧ୍ୟ ହୋଇଛି । ମୋର ବିଶ୍ୱାସ ଖୁବ୍ ଶୀଘ୍ର ଏହା ଉପରେ ନିଷ୍ପତ୍ତି ନିଆଯିବ । ହାଇକୋର୍ଟରେ ସ୍ଥାନୀୟ ଭାଷା ପ୍ରଚଳନ ନେଇ କେତେକ ପ୍ରତିବନ୍ଧକ ଥିଲା । ନିକଟ ଭବିଷ୍ୟତରେ ରୋବର୍ଟ (ଆର୍ଟିଫିସିଆଲ୍ ଇଣ୍ଟେଲିଜେନ୍ସ) ସହିତ ବୈଜ୍ଞାନିକ ପଦ୍ଧତିରେ ଏହି ସବୁ ବାଧା ଦୂର ହୋଇପାରିବା ବିଶ୍ୱାସ କରାଯାଉଛି ।
ଉଲ୍ଲେଖଯୋଗ୍ୟ ଯେ ଚେନ୍ନାଇ ହାଇକୋର୍ଟରେ ତାମିଲ ଭାଷା ପ୍ରୟୋଗ ଅନୁମତି ଦେବା ତାମିଲନାଡୁ ମୁଖ୍ୟମନ୍ତ୍ରୀ ଏମ୍.କେ.ଷ୍ଟାଲିନ୍ ଉକ୍ତ ଉତ୍ସବରେ ଭାଷଣ ପ୍ରସଙ୍ଗରେ ଅନୁରୋଧ କରିଥିଲେ । ପ୍ରଧାନ ବିଚାରପତି ମୁଖ୍ୟମନ୍ତ୍ରୀଙ୍କ ଅନୁରୋଧ ପରିପ୍ରେକ୍ଷୀରେ ତାଙ୍କର ପୂର୍ବୋକ୍ତ ମତବ୍ୟକ୍ତ କରିବା ସହ କହିଥିଲେ ଯେ ନ୍ୟାୟିକ ସଂସ୍ଥାଗୁଡିକୁ ମଜବୁତ୍ କରିବା ତାଙ୍କର ସର୍ବୋଚ୍ଚ ପ୍ରାଥମିକତା ରହିଆସିଛି ।
About Author
