ଗ୍ରାମବାସୀଙ୍କ ୧୬ ନଂ ରାଜପଥ ଅବରୋଧ
ଓଭରବି୍ରଜ୍ ନିର୍ମାଣ ଦାବି
ଖଲ୍ଲିକୋଟ(ଆପ୍ର): ରମ୍ଭା ଥାନା ଅନ୍ତର୍ଗତ ସବୁଲିଆ ପଞ୍ଚାୟତର ଗଣ୍ଡାପଲ୍ଲୀ ଠାରେ ଏକ ଓଭରବ୍ରିଜ୍ ନିର୍ମାଣ କରିବା ଦାବି ଗଣ୍ଡାପଲ୍ଲୀ ଗ୍ରାମବାସୀ ୧୬ ନଂ ଜାତୀୟ ରାଜପଥ ଅବରୋଧ କରିଥିବା ଜଣାପଡ଼ିଛି । ଗ୍ରାମବାସୀମାନଙ୍କ ଅଭିଯୋଗ ଅନୁଯାୟୀ, ଜି.ଗଣ୍ଡାପଲ୍ଲୀ ଗ୍ରାମର ପ୍ରାୟ ୪୫୦ ପରିବାର ଦକ୍ଷିଣ ପାଶ୍ୱର୍ରେ ଥିବା ଗ୍ରାମ ଉପରେ ନିର୍ଭର କରି ଚଳନ୍ତି । ଜାତୀୟ ରାଜପଥର ଅପରପାଶ୍ୱର୍ରେ ଥିବା ପ୍ରାଥମିକ ବିଦ୍ୟାଳୟ ହାଇସ୍କୁଲରେ ପାଠ ପଢ଼ିବା ପାଇଁ ନିର୍ଭର କରିବା, ୧ ହଜାର ଭରଣ ଚାଷଜମି ଉଷ୍ମତା ଗ୍ରାମବାସୀ ରହିବା ସହ ପୋଖରୀ ଓ ଶ୍ମଶାନ ଉପରେ ନିର୍ଭର କରନ୍ତି । ତେଣୁ ଏହିସବୁ କାମ ପାଇଁ ଜାତୀୟ ରାଜପଥ ଅତିକ୍ରାନ୍ତ କରିବା ବେଳେ ଏହି ଗଣ୍ଡାପଲ୍ଲୀ ଗ୍ରାମର ବହୁ ଧନଜୀବନ ଦୁର୍ଘଟଣାରେ କ୍ଷତି ଘଟିଲାଣି । ତେଣୁ ଗ୍ରାମବାସୀମାନେ ଏଠାରେ ଏକ ଓଭରବି୍ରଜ୍ ନିର୍ମାଣ ପାଇଁ ଦାବି କରିବା ସହ ଗତ ୧୩ ତାରିଖରେ ସ୍ଥାନୀୟ ବିଧାୟିକା ଜାତୀୟ ରାଜପଥ ନିଦେ୍ର୍ଦଶକ ବ୍ରହ୍ମପୁରକୁ ଲିଖିତ ଭାବେ ଜଣାଇଥିଲେ ମଧ୍ୟ ଜାତୀୟ ରାଜପଥ କର୍ତ୍ତୃପକ୍ଷ କୌଣସି କାର୍ଯ୍ୟାନୁଷ୍ଠାନ ଗ୍ରହଣ କରି ନଥିଲେ । ଫଳରେ ଗ୍ରାମବାସୀ ଓଭରବି୍ରଜ୍ ନିର୍ମାଣ ଦାବିରେ ଜାତୀୟ ରାଜପଥ ୧୬କୁ ଗଣ୍ଡାପଲ୍ଲୀ ପାଖରେ ରାସ୍ତା ଅବରୋଧ କରିବା ଫଳରେ କିଛି ସମୟ ପାଇଁ ରାସ୍ତା ଉପରେ ବହୁ ଯାନବାହାନ ଅଟକି ରହିଥିବା ଦେଖିବାକୁ ମିଳିଥିଲା ।
About Author
