କାଜୁ ଜଙ୍ଗଲରେ ମହିଳାଙ୍କୁ ସଂଘବଦ୍ଧ ଆକ୍ରମଣ
ପୁରୀ (ବୁ୍ୟରୋ): ଏକ କାଜୁ ଜଙ୍ଗଲରେ କାଜୁ ସଂଗ୍ରହ କରୁଥିବା ବେଳେ କେତେଜଣ ମହିଳାଙ୍କୁ ସଙ୍ଘବଦ୍ଧ ଆକ୍ରମଣ ହୋଇଛି । ଏଥିରେ ୨ରୁ ଊଦ୍ଧ୍ୱର୍ ଗୁରୁତର ହୋଇ ଜିଲ୍ଲା ମୁଖ୍ୟ ଚିକିତ୍ସାଳୟରେ ଚିକିତ୍ସିତ ହେଉଛନ୍ତି । ସେମାନେ ହେଲେ ସଦରଥାନା ଅନ୍ତର୍ଗତ ଗିରଳ ଗ୍ରାମର ମମତା ଭୋଇ, ସୋବି ଭୋଇ । ଖବରପାଇ ସଦରଥାନା ପୁଲିସ ପହଞ୍ଚି ତଦନ୍ତ ଆରମ୍ଭ କରିଛି । ଖବରନେବାରୁ ଜଣାଯାଇଛି ଯେ, ଉକ୍ତ ଥାନା ଅନ୍ତର୍ଗତ ଗିରଳ ନିକଟ କାଜୁ ଜଙ୍ଗଲରୁ ଆଜି ସେମାନେ କାଜୁ ମଞ୍ଜି ସଂଗ୍ରହ କରିଥିଲେ । ଏହି ସମୟରେ ସେଠାରେ ୮ରୁ ୧୦ଜଣ ଲୋକ ପହଞ୍ଚି ସେମାନଙ୍କୁ ଖଣ୍ଡାରେ ଆକ୍ରମଣ କରିବା ସହ କାଜୁ କାହିଁକି ସଂଗ୍ରହ କରୁଛ ବୋଲି କହିଥିଲେ । ଏଥିରେ କେତେଜଣ ମହିଳା ଆହତ ହୋଇଥିବା ବେଳେ ୩ ଜଣଙ୍କ ଅବସ୍ଥା ଗୁରୁତର ଥିବା ଜଣାପଡ଼ିଛି ।
About Author
