ତୃତୀୟ ବିଶ୍ୱଯୁଦ୍ଧ ଆରମ୍ଭ!
ମସ୍କୋ,୧୫ ।୪: କୃଷ୍ଣ ସାଗରରେ ମୁତୟନ ଥିବା ରୁଷିଆର ପ୍ରମୁଖ ଯୁଦ୍ଧ ଜାହାଜ ମସ୍କୋବା କ୍ଷେପଣାସ୍ତ୍ର ଆକ୍ରମଣରେ ବୁଡ଼ି ଯାଇଛି । ଏହି ପରିପେକ୍ଷୀରେ ରୁଷର ସରକାରୀ ମିଡିଆ ରୋଷିଆ-୧ ପାଶ୍ଚାତ୍ୟ ଦେଶମାନଙ୍କୁ ଦାୟୀ କରିଛି । ଏହାର ଆଙ୍କର କହିଛନ୍ତି, ଏହା ସହିତ ତୃତୀୟ ବିଶ୍ୱଯୁଦ୍ଧ ଆରମ୍ଭ ହୋଇଯାଇଛି । ପାଶ୍ଚାତ୍ୟ ଦେଶମାନେ ରୁଷକୁ ସମ୍ପୂର୍ଣ୍ଣ ଧ୍ୱଂସ କରିବାକୁ ଚାହୁଁଛନ୍ତି । ଦିନକ ପୂର୍ବରୁ ଅନ୍ୟ ଏକ ରୁଷୀୟ ଟିଭି ସୋ’ରେ କୁହାଯାଇଥିଲା ଯେ, ପାଶ୍ଚାତ୍ୟ ଦେଶମାନେ ୟୁକ୍ରେନ୍କୁ କୋଟି କୋଟି ଡଲାର ମୂଲ୍ୟର ଯୁଦ୍ଧାସ୍ତ୍ର ଦେଉଛନ୍ତି । ଏହି କାରଣରୁ ୟୁକ୍ରେନ୍ ଏବେବି ରୁଷିଆକୁ ଉସୁକାଇବାରେ ସକ୍ଷମ । ନାଟୋ ମେଣ୍ଟ ବହୁବର୍ଷ ହେଲା ରୁଷ ବିରୋଧରେ ଯୁଦ୍ଧ ପାଇଁ ପ୍ରସ୍ତୁତି ଜାରି ରଖିଛି ।
ରୁଷର ପ୍ରତିରକ୍ଷା ମନ୍ତ୍ରାଳୟ ଚେତାବନୀ ଦେଇ କହିଛି, ଆଗାମୀ ଦିନରେ କିବ୍ ସମେତ ସମଗ୍ର ୟୁକ୍ରେନ୍କୁ କ୍ଷେପଣାସ୍ତ୍ର ମାଧ୍ୟମରେ ଟାର୍ଗେଟ କରାଯିବ ।
About Author
