୨ ବ୍ରାଉନ୍ ସୁଗର ମାଫିଆ ଗିରଫ
ପୁରୀ/କଣାସ (ବୁ୍ୟରୋ/ଆପ୍ର): ପୁରୀ ହେବ ନିଶାମୁକ୍ତ । ଏହି ଅଭିଯାନକୁ ଶତପ୍ରତିଶତ ସଫଳ କରିବା ଲାଗି ଉଦ୍ୟମ ଜାରି ରଖିଛନ୍ତି ଏସ୍ପି କନୱାର ବିଶାଲ ସିଂ । ବ୍ରାଉନ୍ ସୁଗର ବିକ୍ରି ଅଭିଯୋଗରେ କଣାସ ଥାନା ପୁଲିସ୍ ବୁଧବାର ୨ ମାଫିଆଙ୍କୁ ଗିରଫ କରି କୋର୍ଟଚାଲାଣ କରିଛି । କୋର୍ଟରେ ଜାମିନ ନାମଞ୍ଜୁର ହେବାରୁ ସେମାନଙ୍କୁ ଜେଲ୍ ହାଜତକୁ ପଠାଇ ଦିଆଯାଇଛି । ସେମାନେ ହେଲେ ଖୋର୍ଦ୍ଧା ଟାଉନ୍ ଥାନା ଅନ୍ତର୍ଗତ ସାମନ୍ତରାୟପୁରର ମହେନ୍ଦ୍ର ବେହେରା ଓରଫ କାଇନା ଓ ବେଗୁନିଆ ଥାନା ଅନ୍ତର୍ଗତ ଖଣତି ଚଣ୍ଡୀସାହିର ଶିଶିର ମହାନ୍ତି । ସେମାନଙ୍କଠାରୁ ପୁଲିସ୍ ୧୦୮ ଗ୍ରାମ୍ ପଲିଥିନ୍ ପ୍ୟାକେଟ୍ ବ୍ରାଉନ୍ ସୁଗର, ୯,୭୮୫ ଟଙ୍କା, ୨ଟି ମୋବାଇଲ୍ ଓ ନାଲି ରଙ୍ଗର ଏକ ବାଇକ୍ ଜବତ କରିଛି ।
ଖବରନେବାରୁ ଜଣାଯାଇଛି ପୁରୀ ଏସ୍ପି ଡ. କନୱାର ବିଶାଲ ସିଂହଙ୍କ ନିଦେ୍ର୍ଦଶକ୍ରମେ କଣାସ ଥାନାଧିକାରୀ ସୁଜିତ ଦାସଙ୍କ ନେତୃତ୍ୱରେ ବିଶେଷ ସୂତ୍ରରୁ ଖବରପାଇ କଣାସ ଅଞ୍ଚଳରେ ବ୍ରାଉନ୍ ସୁଗର ଚୋରାଚାଲାଣ କରୁଥିବା ବେଳେ ସ୍ଥାନୀୟ ହଳଦୀପଦର ଛକଠାରେ ୨ ଜଣଙ୍କୁ ଅଟକାଇଥିଲେ । ସେମାନଙ୍କୁ ଯାଞ୍ଚ କରିବାରେ ବ୍ରାଉନ୍ ସୁଗର ଥିବା ଜଣାପଡ଼ିଥିଲା । ଏନେଇ ପୁଲିସ୍ ନିଜଆଡ଼ୁ ୯୬/୨୨ରେ ମାମଲା ରୁଜୁ କରି ଗିରଫ କରି କୋର୍ଟଚାଲାଣ କରିଛି ।
About Author
