ବିଜେଡିରେ ସ୍ୱାଧୀନ କର୍ପୋରେଟର
ଭୁବନେଶ୍ୱର (ବୁ୍ୟରୋ): ବିଏମ୍ସିର ୯ ନମ୍ବର ୱାର୍ଡର ସ୍ୱାଧୀନ କର୍ପୋରେଟର ସୁଷମା ସାହୁ ବିଜେଡିରେ ମିଶିଛନ୍ତି । ବିଜେଡିରୁ ଟିକେଟ୍ ନ ପାଇ ସେ ସ୍ୱାଧୀନ ଭାବେ ନିର୍ବାଚନ ଲଢ଼ି ଜିତିଥିଲେ । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଯାହା ବି ନିଦେ୍ର୍ଦଶ ଦେବେ, ତାକୁ ପାଳନ କରି କାମ କରିବେ ବୋଲି ସୁଷମା କହିଛନ୍ତି । ଏହି ମିଶ୍ରଣ ଅବସରରେ ବିଜେଡି ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ଓ ବିଧାୟକ ସୁଶାନ୍ତ ରାଉତ ଉପସ୍ଥିତ ଥିଲେ ।
ଅନ୍ୟପକ୍ଷରେ ବିଜୁ ଯୁବ ଜନତା ଦଳ କାର୍ଯ୍ୟାଳୟରେ ଆୟୋଜିତ ମିଶ୍ରଣ ପର୍ବରେ ବିଜେଡିରେ ମିଶିଛନ୍ତି ଖୋର୍ଦ୍ଧା ପୌର ପରିଷଦର ୫ ଜଣ ସ୍ୱାଧୀନ କାଉନ୍ସିଲର୍ । ୮ ନମ୍ବର ୱାର୍ଡର ସୁଶାନ୍ତ ଜେନା, ୯ ନମ୍ବର ୱାର୍ଡର ରଶ୍ମିତା ବେହେରା, ୧୦ ନମ୍ବର ୱାର୍ଡର ମୋନାଲିସା ସିଂ, ୧୪ ନମ୍ବର ୱାର୍ଡର ନର୍ମଦା ଦାସ ଓ ୨୦ ନମ୍ବର ୱାର୍ଡର ଅନୀଲ କୁମାର ରାମ ବିଧିବଦ୍ଧ ଭାବେ ବିଜେଡିରେ ଯୋଗ ଦେଇଛନ୍ତି । ସାଂସଦ ମୁନା ଖାଁ, ଖୋର୍ଦ୍ଧା ଜିଲ୍ଲା ସଭାପତି ବିଭୂତି ବଲବନ୍ତରାୟ, ଖୋର୍ଦ୍ଧା ବିଧାୟକ ଜିତୁ ମିତ୍ରଙ୍କ ଉପସ୍ଥିତିରେ ବିଜେଡିରେ ସାମିଲ୍ ହୋଇଛନ୍ତି ।
About Author
