ମଦ ଦୋକାନ ଅନ୍ୟତ୍ର ସ୍ଥାନାନ୍ତର ହେଉ
କେନ୍ଦୁଝର (ଆପ୍ର): କେନ୍ଦୁଝର ସହରର ମୋଚିବନ୍ଧ ନୋଡାଲ୍ ହାଇସ୍କୁଲ୍ ନିକଟରେ ଚାଲିଛି ଅବାଧରେ ମଦ କାରବାର । ହାଇସ୍କୁଲ୍ ଠାରୁ ମାତ୍ର ୫୦ ମିଟର ଦୂରରେ ଏକ ଠିପି ବନ୍ଦ ମଦ ଦୋକାନ ରହିଛି । ବିଦ୍ୟାଳୟ ନିକଟରେ ମଦ ଦୋକାନ ନ ଖୋଲିବା ନିୟମ ଥିଲେ ହେଁ ଏହି ନିୟମକୁ ଖୁଲମଖୁଲା ଉଲ୍ଲଂଘନ କରାଯାଇ ମଦ ଦୋକାନ ଖୋଲାଯାଇଛି । ମଧୁବନ ଠିପି ବନ୍ଦ ଦୋକାନରୁ ମଦୁଆମାନେ ମଦ କିଣି ପାଖରେ ଥିବା ଚାଖଣା ଦୋକାନରେ ମଦ ପିଉଛନ୍ତି । ବିଦ୍ୟାଳୟ ନିକଟରେ ମଦ ଦୋକାନ ଥିବାରୁ ଛାତ୍ରଛାତ୍ରୀଙ୍କ ଉପରେ ଏହାର କୁପ୍ରଭାବ ପଡୁଛି । ମଦ୍ୟପ ମଦ କିଣି ଚାଖଣା ଦୋକାନରେ ମଦ ପିଉଛନ୍ତି । ଏହି ମଦ ଦୋକାନ ରାସ୍ତା ଦେଇ ଶହ ଶହ ଛାତ୍ରଛାତ୍ରୀ ଅଧ୍ୟୟନ ନିମନ୍ତେ ମୋଚିବନ୍ଧ ନୋଡାଲ୍ ଉଚ୍ଚ ବିଦ୍ୟାଳୟକୁ ଯାଇଥାନ୍ତି । ମଦ ବୋତଲ ଖୋଲି ଗ୍ଲାସ୍ରେ ରାସ୍ତାରେ ମଦ୍ୟପ ମଦ ପିଉଛନ୍ତି । ମଦ୍ୟପଙ୍କ ଉତ୍ପାତ ଓ ବିଶୃଙ୍ଖଳିତ ଆଚରଣ ଯୋଗୁ ସ୍ପଷ୍ଟ ଦିବାଲୋକରେ ଝିଅ ବୋହୂ ମୁଣ୍ଡଟେକି ଯିବା ଆସିବା କରିପାରୁନାହାନ୍ତି । ସ୍ଥାନୀୟ ଲୋକ ଅବକାରୀ ବିଭାଗ ଏବଂ ଟାଉନ ପୁଲିସକୁ ଜଣାଇଲେ ମଧ୍ୟ ପଦକ୍ଷେପ ନିଆଯାଉନାହିଁ ।
ସରକାରୀ ମୋଚିବନ୍ଧ ନୋଡାଲ୍ ସ୍କୁଲ୍କୁ ୫-ଟି ଅଧୀନରେ ରୂପାନ୍ତରୀକରଣ କରି ଉନ୍ନତିକରଣ କରିଯାଇଛି । ଗୋଟିଏ ପଟେ ଶିକ୍ଷାର ବିକାଶ ପାଇଁ ପଦକ୍ଷେପ ନେଉଥିବା ବେଳେ ଅନ୍ୟପଟରେ ମଦ ଦୋକାନ ସ୍ଥାନାନ୍ତର ପାଇଁ ପଦକ୍ଷେପ ନେଉନଥିବାରୁ ଅସନ୍ତୋଷ ଦେଖାଦେଇଛି । ସ୍କୁଲ୍ ନିକଟରେ ମଦ ଦୋକାନ ଖୋଲିବା ନେଇ କଟକଣା ରହିଥିଲେ ହେଁ ମଦ ଦୋକାନ ଖୋଲିବା ଅନୁମତି ଦିଆଯାଇଥିବାରୁ ବେଧଡକ ମଦ କାରବାର ହେଉଛି । ଉପଯୁକ୍ତ ତଦାରଖ ଅଭାବରୁ ଉକ୍ତ ସ୍ଥାନରେ ଠିପି ଖୋଲି ମଦୁଆମାନେ ମଦ ପିଉଛନ୍ତି । ଏହାର କୁପ୍ରଭାବ ଛୋଟ ଛୋଟ ପିଲାଙ୍କ ଉପରେ ପଡୁଛି । ଅବକାରୀ ବିଭାଗ ଜାଣି ଚୁପ୍ ବସୁଥିବାରୁ ଜିଲ୍ଲାପାଳ କାର୍ଯ୍ୟାନୁଷ୍ଠାନ ନେବାକୁ ଦାବି ହୋଇଛି । ବିଦ୍ୟାଳୟ ନିକଟରୁ ଠିପି ମନ୍ଦ ମଦ ଦୋକାନ ସ୍ଥାନାନ୍ତର ନ କଲେ ସ୍ଥାନୀୟ ଲୋକ ବାଧ୍ୟ ହୋଇ ଆନେ୍ଦାଳନକୁ ଓହ୍ଲାଇବେ ବୋଲି ଚେତାବନୀ ଦେଇଛନ୍ତି ।
About Author
