ପରଲୋକରେ ଗୀତା ମେହେଟ୍ଟା
ଭୁବନେଶ୍ୱର, ୧୬ା୯: କିମ୍ବଦନ୍ତୀ ପୁରୁଷ ବିଜୁ ପଟ୍ଟନାୟକ ଓ ଜ୍ଞାନ ପଟ୍ଟନାୟକଙ୍କ ଏକମାତ୍ର କନ୍ୟା ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ବଡ ଭଉଣୀ ଗୀତା ମେହେଟ୍ଟାଙ୍କର ଶନିବାର ଦିଲ୍ଲୀରେ ପରଲୋକ ଘଟିଛି । ମୃତୁ୍ୟ ବେଳକୁ ତାଙ୍କୁ ୮୦ ବର୍ଷ ବୟସ ହୋଇଥିଲା । ଗତ କିଛିଦିନ ହେଲା ସେ ଅସୁସ୍ଥ ଥିଲେ । ୧୯୪୩ରେ ଦିଲ୍ଲୀରେ ସେ ଜନ୍ମ ଗ୍ରହଣ କରିଥିଲେ । ପ୍ରଖ୍ୟାତ ଲେଖିକା, ସମ୍ବାଦିକା ତଥା ବୃତ୍ତଚିତ୍ର ନିର୍ମାତ୍ରୀ ଗୀତା ଆମେରିକାର ଜଣାଶୁଣା ପୁସ୍ତକ ପ୍ରକାଶକ ସ୍ୱର୍ଗୀୟ ସୋନୀ ମେହେଟ୍ଟାଙ୍କୁ ବିବାହ କରିଥିଲେ । ମେହେଟ୍ଟା ଦମ୍ପତିଙ୍କର ଏକମାତ୍ର ପୁତ୍ର ଆଦିତ୍ୟ ସିଂହ ମେହେଟ୍ଟା । ଗୀତା ଭାରତ ଏବଂ ୟୁକେର କେମ୍ବ୍ରିଜ୍ ବିଶ୍ୱ ବିଦ୍ୟାଳୟରେ ଅଧ୍ୟୟନ କରିଥିଲେ । ତାଙ୍କ ରଚିତ ୬ଟି ପୁସ୍ତକ ହେଉଛି କର୍ମା କୋଲା,ସ୍ନେକ୍ସ୍ ଆଣ୍ଡ୍ ଲ୍ୟାଡର୍ସ, ଏ ରିଭର ସୂତ୍ର, ରାଜ୍, ଲା ମହାରାଣୀ ଓ ଇଟର୍ନାଲ୍ ଗଣେଶ : ଫ୍ରମ୍ ବାର୍ଥ ଟୁ ରିବାର୍ଥ । ଏଗୁଡିକ ୨୧ଟି ଭାଷାରେ ଅନୂଦିତ ହୋଇଛି । ୟୁକେ ଏବଂ ୟୁରିପୀୟ ଓ ଓ ୟୁଏସ ନେଟୱର୍କ ପାଇଁ ଗୀତା ୧୪ଟି ଟିଭି ଡକ୍ୟୁମେଣ୍ଟାରୀର ମ୍ବ୍ରେର୍ଶନା ଦେଇଥିଲେ । ୧୯୭୦ ଦଶକରେ ସେ ସାମ୍ବାଦିକା ରୂପେ ଏନଡିସି ପାଇଁ ଯୁଦ୍ଧ ରିପୋର୍ଟିଂ କରିଥିଲେ ।
About Author
