ମାଲକାନଗିରିରେ ବଡ଼ ଧରଣର ମାଓ କ୍ୟାମ୍ପ ଠାବ
ମାଲକାନଗିରି, ୧୦ା୭(ଆପ୍ର): କାଲିମେଳା ଥାନା ଅନ୍ତର୍ଗତ ଗୋମ୍ଫାକୋଣ୍ଡା ଜଙ୍ଗଲରୁ ମାଓ ସାମଗ୍ରୀ ଜବତ କଲା ବିଏସ୍ଏଫ୍ ବାହିନୀ । ମାରିଗାଟା ଓ ବଡିଗାଟା ଗାଁ ନିକଟସ୍ଥ ଜଙ୍ଗଲ ଭିତରେ ୧୪୨ ବାଟାଲିଆନର ବିଏସ୍ଏଫ୍ ଯବାନମାନେ ସୋମବାର କମ୍ବିଂ ଅପରେସନ ପାଇଁ ଯାଇଥିବା ବେଳେ ଜଙ୍ଗଲ ଭିତରେ ମାଓବାଦୀଙ୍କ ଏକ କ୍ୟାମ୍ପ୍ ଥିବା ସନେ୍ଦହ ହୋଇଥିଲା ।
ପରେ ସେଠାରୁ ବିପୁଳ ପରିମାଣର ମାଓ ସାମଗ୍ରୀ ଜବତ କରିଛନ୍ତି ସୁରକ୍ଷା କର୍ମୀ । ସେଗୁଡିକ ହେଲା ୨୫ଟି ଇଲେକ୍ଟ୍ରିକ୍ ଡିଟୋନେଟର, ୪ ବଣ୍ଡଲ ସିଫ୍ଟ ଫୁ୍ୟଜ୍, ୧୦୮ ଜିଲୋଟିନ ଷ୍ଟିକ୍, ୨୦ଟି ହାତ ବୋମା, ନକ୍ସଲଙ୍କ ପୋଷାକ ଓ ପ୍ରଚାରପତ୍ର । ଆଗକୁ ନକ୍ସଲଙ୍କ ସହିଦ ସପ୍ତାହ ରହିଥିବା ବେଳେ ସୁରକ୍ଷା କର୍ମୀଙ୍କ ପାଇଁ ଏହା ଏକ ବଡ ସଫଳତା ବୋଲି କୁହାଯାଉଛି ।
About Author
