ଅଟୋ-ହାଇୱା ଧକ୍କା: ୩ ମୃତ
ସମ୍ବଲପୁର, ୪ା୬(ଆପ୍ର): ସ୍ଥାନୀୟ ପ୍ରଧାନପାଲିରେ ମର୍ମନ୍ତୁଦ ସଡ଼କ ଦୁର୍ଘଟଣାରେ ତିନିଜଣ ପ୍ରାଣ ହରାଇଛନ୍ତି । ଜଣେ ସମ୍ପର୍କୀୟଙ୍କ ମୃତୁ୍ୟ ଖବର ପାଇ ସେମାନେ ଅଟୋ ଯୋଗେ ଘରକୁ ଫେରୁଥିଲେ । ଅଟୋଟି ପ୍ରଧାନପାଲି ଠାରେ ଏକ ହାଇୱା ପଛରେ ପିଟିହେବା ଯୋଗୁ ତିନିଜଣ ପ୍ରାଣ ହରାଇଥିଲେ । ମୃତକମାନେ ହେଲେ ବେଣୁଧର ବାଗ(୧୮), ପୁନମ ବାଗ(୧୩) ଓ ଲିନସୀ ବାଗ(୮ ମାସ) ।
ସେମାନେ ସମ୍ବଲପୁର ଖୁରୀ ଗାଁରେ ଏକ ରାଇସ୍ ମିଲ୍ରେ କାମ କରୁଥିଲେ । ଶନିବାର ସମ୍ପର୍କୀୟଙ୍କ ମୃତୁ୍ୟ ଖବର ମିଳିଥିଲା । ରବିବାର ସକାଳୁ ସେମାନେ ଅଟୋ ଭଡା କରି ଝାରସୁଗୁଡା ପଟରୁ ୧୦ ନମ୍ବର ରାଜ୍ୟ ରାଜପଥ ଦେଇ ସମ୍ବଲପୁର ଆଡକୁ ଆସୁଥିଲେ । ପ୍ରଧାନପାଲୀ ନିକଟରେ ଅଚାନକ ଅଟୋଟି ଏକ ହାଇୱାକୁ ପଛରେ ପିଟି ହୋଇଥିଲା । ଅଟୋରେ ଥିବା ଅନ୍ୟ ଯାତ୍ରୀମାନେ ଗୁରୁତର ଭାବେ ଆହତ ହୋଇଛନ୍ତି । ସମସ୍ତଙ୍କୁ ବୁର୍ଲା ମେଡିକାଲରେ ଭର୍ତ୍ତି କରାଯାଇଛି । ଖବର ପାଇ ଶାସନ ଥାନା ପୁଲିସ୍ ଆହତମାନଙ୍କୁ ବୁର୍ଲା ମେଡିକାଲକୁ ପଠାଇବା ବ୍ୟବସ୍ଥା କରିଥିଲା । ମେଡିକାଲରେ ହିଁ ତିନିଜଣଙ୍କର ମୃତୁ୍ୟ ହୋଇଛି । ଡ୍ରାଇଭର ସମେତ ଅଟୋରେ ୧୦ ଜଣ ଥିଲେ । ସମସ୍ତ ଯାତ୍ରୀ କଳାହାଣ୍ଡି ଜିଲ୍ଲା କେସିଙ୍ଗା ଥାନା ଭରମାଲ ଗାଁର ।
About Author
