ମାଟି ଅତଡ଼ା ଖସି ୨ ମହିଳା ମୃତ
କୋରାପୁଟ, ୨୮ା୩(ଆପ୍ର): ଲେଞ୍ଜିପୁଟ ନାଳକୁ ମାଟି ଆଣିବା ପାଇଁ ଯାଇଥିବା ବେଳେ ଅତଡ଼ା ଖସି ଦୁଇ ମହିଳା ପ୍ରାଣ ହରାଇଛନ୍ତି ଏବଂ ଦୁଇ ଜଣ ଗୁରୁତରଭାବେ ଆହତ ହୋଇଛନ୍ତି । ଆହତଙ୍କୁ ନନ୍ଦପୁର ମେଡିକାଲରେ ଭର୍ତ୍ତି କରାଯାଇଛି । ମୃତ ଦୁଇ ଜଣଙ୍କ ଘର ଘାଗଡା ପଣ୍ଡି ଗ୍ରାମରେ ।
ଗାଗଡାପଣ୍ଡି ଗାଁର ୧୦ ଜଣ ମହିଳା ନିକଟବର୍ତ୍ତୀ ଲେଞ୍ଜିପୁଟ ନାଳକୁ ମାଟି ଆଣିବାକୁ ଯାଇଥିଲେ । ସେମାନଙ୍କ ମଧ୍ୟରୁ ୬ ଜଣ ଘରକୁ ଫେରୁଥିବା ବେଳେ ୪ ଜଣ ମହିଳା ମାଟି ତଳେ ଚାପି ହୋଇଯାଇଥିଲେ । ଘଟଣା ସ୍ଥଳରେ ଦୁଇ ଜଣଙ୍କ ମୃତୁ୍ୟ ହୋଇଥିଲା । ଆଉ ଦୁଇ ଜଣଙ୍କୁ ଗୁରୁତର ଅବସ୍ଥାରେ ନନ୍ଦପୁର ଅଗ୍ନିଶମ ବିଭାଗ ବିଭାଗ ମାଟି ତଳୁ କାଢ଼ି ନନ୍ଦପୁର ଗୋଷ୍ଠୀ ସ୍ୱାସ୍ଥ୍ୟକେନ୍ଦ୍ରରେ ଭର୍ତ୍ତି କରିଥିଲେ । ଦୁଇ ମହିଳାଙ୍କ ଅବସ୍ଥା ସଙ୍କଟାପନ୍ନ ହେବାରୁ ସେମାନଙ୍କୁ କୋରାପୁଟ ମେଡିକାଲ କଲେଜ ହସ୍ପିଟାଲକୁ ସ୍ଥାନାନ୍ତର କରାଯାଇଛି ।
ଆଗାମୀ ଦିନରେ ଆଦିବାସୀଙ୍କ ଚଇତି ପର୍ବ ପଡୁଥିବାରୁ ଗାଁ ପାଖ ନାଳକୁ ମହିଳାମାନେ ମାଟି ଆଣିବାକୁ ଯାଇଥିଲେ । ଦୁଇ ମୃତକ ମହିଳା ହେଲେ ଗାଗଡାପଣ୍ଡି ଗ୍ରାମର ଦୈମତି ହେନ୍ତାଳ ଓ ଶୋଷି ହନ୍ତାଳ ।
About Author
