ଦିନତମାମ ମାଗଣା ଯାତାୟାତ ସେବା
ଶ୍ରୀକ୍ଷେତ୍ର ଅଟୋ ଚାଳକ ସଙ୍ଘର ଅନନ୍ୟ ସେବା
ପୁରୀ (ବୁ୍ୟରୋ): ଗାନ୍ଧୀ ଜୟନ୍ତୀ ଉପଲକ୍ଷେ ଗାନ୍ଧୀ ଆଦର୍ଶ, ସେବା, ମନୋବୃତ୍ତି ନେଇ ଶ୍ରୀକ୍ଷେତ୍ର ଅଟୋଚାଳକ ୟୁନିଅନ୍ ତରଫରୁ ରବିବାର ଦିନତମାମ ମାଗଣାରେ ଯାତାୟାତ ସେବା ଯୋଗାଇ ଦେଇଛନ୍ତି । କାର୍ଯ୍ୟକ୍ରମରେ ଉପଜିଲ୍ଲାପାଳ ଭବତାରଣ ସାହୁ, ଟାଉନ ଥାନା ଆଇଆଇସି ଗୋକୁଳ ରଞ୍ଜନ ଦାଶ ଅତିଥି ଭାବେ ଯୋଗ ଦେଇ ମାଗଣା ସେବାର ପ୍ରଶଂସା କରିଥିଲେ । ପୁରୀ ଲୋକେ, ଯାତ୍ରୀ, ପର୍ଯ୍ୟଟକ ଯିଏ ଯେଉଁଠିକି ଯିବେ ମାଗଣା ଭାବେ ଉପକୃତ ହୋଇଥିଲେ । ଏହା ଦ୍ୱାରା ରାଜ୍ୟ ବାହାରୁ ପର୍ଯ୍ୟଟକମାନେ ପୁରୀ ଅଟୋମାନଙ୍କ ପ୍ରତି ଓ ପୁରୀ ପ୍ରତି ଭଲ ଧାରଣା ନେଇ ଫେରିଥିଲେ । ପୁରୀର ସୁନାମ ଆହୁରି ଦ୍ୱିଗୁଣିତ ହେବ । ଅଟୋ ଭାଇମାନେ ସାରାଦିନ ହାତରୁ ତେଲ ପକାଇ ନିଜେ ରୋଜଗାର ହରେଇ ଅନ୍ୟକୁ ସେବା ଦେବା ମହତ୍ କାମ ବୋଲି କହିଥିଲେ । ୟୁନିଅନ୍ ସଭାପତି ଆଡ୍ଭୋକେଟ ଶରତ କୁମାର ରାୟଗୁରୁ ଏଥିରେ ଅଧକ୍ଷତା କରିଥିଲେ । ଅନ୍ୟମାନଙ୍କ ମଧ୍ୟରେ ସମ୍ପାଦକ କୃପାସିନ୍ଧୁ ପଣ୍ଡା, ଜଗନ୍ନାଥ ଦେଓ, ପୂର୍ଣ୍ଣ ମୁଦୁଲି, ରାଜକିଶୋର ସାହୁ, ରାଜେଶ ଜେନା, କାଳିଆ ବେହେରା, ନୃସିଂହ ସେଠି, ପ୍ରଫୁଲ ସାହୁ, ଲଡ଼ୁ ସାହୁ, ସୁଶାନ୍ତ ମାର୍ଥା, ରତନ ସାହୁ, ଗୋବିନ୍ଦ ମାନ୍ନା ସମେତ ୟୁନିଅନ୍ର ୨ ଶହରୁ ଊଦ୍ଧ୍ୱର୍ ଅଟୋ ଡ୍ରାଇଭର୍ ମାଗଣା ସେବା ଦେବାପାଇଁ ଆଗେଇ ଆସିଥିଲେ ।
About Author
