ଉଡ଼ିଲା ଛପର, ଗଛ ପଡ଼ି ରାସ୍ତା ଅବରୋଧ
କାଳବୈଶାଖୀ ତାଣ୍ଡବ
ବେତନଟୀ (ଆପ୍ର): ବେତନଟୀ ଅଞ୍ଚଳରେ ମଙ୍ଗଳବାର ଅପରାହ୍ଣରେ କାଳ ବୈଶାଖୀ ସହିତ ବଜ୍ରପାତ ଓ ପ୍ରବଳ ବେଗରେ ପବନ ଅନୁଭୂତ ହୋଇଛି । ଏହି ପବନ ବୋହିବା ଫଳରେ ପୁରୁଣା ଗଛ ସବୁ ପଡ଼ି ଥିବା ଦେଖା ଯାଇଛି । ବେତନଟୀ କାଳିକା ଛକରୁ ରେଣୁଗାଁ ରାସ୍ତାର ରାଜକିଶୋର ସାହାଙ୍କ ଘର ନିକଟରେ ଗଛ ଉପୁଡ଼ି ପଡ଼ିବା ଫଳରେ ଏହି ରାସ୍ତାଟି ଦୀର୍ଘ ସମୟ ଧରି ଅବରୋଧ ହୋଇଥିଲା । ବେତନଟୀ ଦମକଳ ବାହିନୀକୁ ଯୋଗାଯୋଗ କରିବାକୁ ପ୍ରଚେଷ୍ଟା କରିବା ପରେ ଲ୍ୟାଣ୍ଡ ଲାଇନଟି କାର୍ଯ୍ୟ କରୁ ନ ଥିବା ଜଣାପଡ଼ିଛି । ଅନ୍ୟ ପକ୍ଷରେ ଜରୁରିକାଳୀନ ନମ୍ବର ମଧ୍ୟ ସବୁବେଳେ ବ୍ୟସ୍ତ ରହୁଥିବା ଦେଖାଉଛି । ବେତନଟୀରେ ଗ୍ରୁପ୍ ଏକ୍ସଚେଞ୍ଜ ରହିଛି ଓ ଏଠାରେ କର୍ମଚାରୀ ମାନେ ନିୟୋଜିତ ଅଛନ୍ତି । ହେଲେ ଦୁଃଖ ଓ ପରିତାପର ବିଷୟ ଯେ ଲ୍ୟାଣ୍ଡ ଲାଇନ ଫୋନ୍ଗୁଡ଼ିକ କାର୍ଯ୍ୟ କରୁ ନାହିଁ । ଫଳ ସ୍ୱରୂପ ଜରୁରିକାଳୀନ ସେବା ବିପର୍ଯ୍ୟସ୍ତ ହୋଇଛି । କେତେକ ସ୍ଥାନରେ କଚ୍ଚା ଓ ଛପର ଘର ଉଡ଼ି ଯାଇଛି ।
About Author
