Category Archives: Breaking News

ଅଭିଯୋଗ କପୋଳକଳ୍ପିତ, ଉଦେ୍ଦଶ୍ୟ ପ୍ରଣୋଦିତ

naveen01

ନିର୍ବାଚନ ପାଣ୍ଠି ପ୍ରସଙ୍ଗରେ ନବୀନଙ୍କ ଦୃଢ଼ ଜବାବ
ଭୁବନେଶ୍ୱର, ୨୩ା୭(ବୁ୍ୟରୋ): ୨୦୧୪ ନିର୍ବାଚନରେ ବିଜେଡିର ନିର୍ବାଚନ ପାଣ୍ଠିକୁ ନେଇ ଯେଉଁ ଅଭିଯୋଗ ଆସିଛି, ତାହା କପୋଳକଳ୍ପିତ, ଉଦେ୍ଦଶ୍ୟପ୍ରଣୋଦିତ ଓ ମିଥ୍ୟା ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ କହିଛନ୍ତି । ଶ୍ରୀ ପଟ୍ଟନାୟକ କହିଛନ୍ତି ଯେ ଆବଶ୍ୟକ ପଡିଲେ ଏ ବାବଦରେ ଆଇନଗତ ଆଶ୍ରୟ ନେବୁ । ୫ ଦିନିଆ ନୂଆଦିଲ୍ଲୀ ଗସ୍ତ ସାରି ମୁଖ୍ୟମନ୍ତ୍ରୀ ଆଜି ଭୁବନେଶ୍ୱର ପ୍ରତ୍ୟାବର୍ତ୍ତନ କରିଛନ୍ତି । ନବୀନ ନିବାସରେ ଗଣମାଧ୍ୟମକୁ ଶ୍ରୀ ପଟ୍ଟନାୟକ କହିଥିଲେ ଯେ ଯେଉଁ ଅଭିଯୋଗ ଆସିଛି, ତାହା ଏକ ଷଡଯନ୍ତ୍ର । ଯେଉଁଭଳି ଢଙ୍ଗରେ ଏହାକୁ ପ୍ରତିପାଦନ କରାଯାଉଛି, ତାହା ଷଡଯନ୍ତ୍ର ବୋଲି ଜଣାପଡୁଛି । ଦଳର ଭାବମୂର୍ତ୍ତିକୁ କ୍ଷୁଣ୍ଣ କରିବା ପାଇଁ ଏଭଳି ଉଦ୍ୟମ କରାଯାଇଛି ବୋଲି ଶ୍ରୀ ପଟ୍ଟନାୟକ କହିଛନ୍ତି । ସୂଚନାଯୋଗ୍ୟ, ଏକ ଜାତୀୟ ଗଣମାଧ୍ୟମରେ ବିଜେଡି ନିର୍ବାଚନ ପାଣ୍ଠିକୁ ନେଇ ଏକ ଖବର ପ୍ରସାରିତ ହୋଇଥିଲା । ବିଜେପି ପକ୍ଷରୁ ମଧ୍ୟ ଏହାକୁ ଆଧାର କରି ବିଜେଡିକୁ ଟାର୍ଗେଟ୍ କରାଯାଇଥିଲା ।

ବ୍ରହ୍ମଗିରି ବିଧାୟକଙ୍କ ମାତୃ ବିୟୋଗ

BRAMHA-GIRI--MLA-SANJAYA-DAS-BURMA-NKN-MATRU-BIYOGA-(4)

ଭୁବନେଶ୍ୱର,୨୩ା୭(ବୁ୍ୟରୋ): ବ୍ରହ୍ମଗିରି ବିଧାୟକ ତଥା ପୂର୍ବତନ ମନ୍ତ୍ରୀ ସଞ୍ଜୟ କୁମାର ଦାସବର୍ମାଙ୍କ ମା’ ବିମଳା ଦାସଙ୍କ ପରଲୋକ ହୋଇଯାଇଛି । ମୃତୁ୍ୟବେଳକୁ ତାଙ୍କୁ ୯୫ବର୍ଷ ବୟସ ହୋଇଥିଲା । ସେ ଜଣେ ଧର୍ମପ୍ରାଣା ମହିଳା ଥିଲେ । ସ୍ୱର୍ଗତ ବିମଳା ଦାସ ନିଜକୁ ସମାଜସେବା କାର୍ଯ୍ୟରେ ନିୟୋଜିତ କରିଥିଲେ । ବିଭିନ୍ନ ସାଂସ୍କୃତିକ ତଥା ସାମାଜିକ ସଂଗଠନ ସହ ଜଡ଼ିତ ଥିଲେ । ବାର୍ଦ୍ଧକ୍ୟଜନିତ ଅସୁସ୍ଥତା ଯୋଗୁଁ ସେ ସ୍ଥାନୀୟ ଆମ୍ରି ହସ୍ପିଟାଲରେ ଚିକିତ୍ସିତ ହେଉଥିଲେ । ଶ୍ରୀମତୀ ଦାସଙ୍କ ପରଲୋକରେ ଭୁବନେଶ୍ୱର ତଥା ବ୍ରହ୍ମଗିରି ଅଞ୍ଚଳରେ ଶୋକର ଛାୟା ଖେଳିଯାଇଛି । ତାଙ୍କ ସ୍ୱାସ୍ଥ୍ୟ ଅବସ୍ଥାରେ ଅବନ୍ନତି ଆସିବାରୁ ତାଙ୍କୁ ଆଇସିୟୁରେ ଭର୍ତ୍ତି କରାଯାଇଥିଲା । ଡାକ୍ତରମାନଙ୍କର ଅକ୍ଳାନ୍ତ ଚେଷ୍ଟା ପରେ ବି ସ୍ୱାସ୍ଥ୍ୟାବସ୍ଥାରେ କୌଣସି ଉନ୍ନତି ଆସିନଥିଲା । ଶେଷରେ ପୂର୍ବାହ୍ନ ୧୧ଟାରେ ସେ ଶେଷନିଃଶ୍ୱାସ ତ୍ୟାଗ କରିଥିଲେ ।

୬ ଜିଲ୍ଲାରେ ବନ୍ୟା ଆଶଙ୍କା

hirakud

ଲଘୁଚାପ ଘନୀଭୂତ: ଉତ୍ତର ଓଡିÿଶାରେ ଭୀଷଣ ବର୍ଷା
ଭୁବନେଶ୍ୱର, ୨୩ା୭(ବୁ୍ୟରୋ): ଲଘୁଚାପ ଯୋଗୁଁ ପ୍ରବଳ ବର୍ଷାର ଆଶଙ୍କା ଥିବାରୁ ୬ ଜିଲ୍ଲାରେ ବନ୍ୟା ପରିସ୍ଥିତି ସୃଷ୍ଟି ହେବାର ଆଶଙ୍କା ରହିଛି । ରିଲିଫ୍ କମିଶନରଙ୍କ ପକ୍ଷରୁ ସତର୍କ ରହିବା ପାଇଁ କେନ୍ଦୁଝର, ଯାଜପୁର, ଭଦ୍ରକ, ବାଲେଶ୍ୱର, ମୟୂରଭଞ୍ଜ ଓ ସୁନ୍ଦରଗଡ ଜିଲ୍ଲାର ଜିଲ୍ଲାପାଳମାନଙ୍କୁ ଚିଠି ଲେଖାଯାଇଛି । ଏଥିରେ ଉଲ୍ଲେଖ କରାଯାଇଛି ଯେ ଭାରତୀୟ ପାଣିପାଗ ବିଭାଗର ଆକଳନ ଅନୁଯାୟୀ ସୁନ୍ଦରଗଡ, କେନ୍ଦୁଝର, ମୟୂରଭଞ୍ଜ ଓ ବାଲେଶ୍ୱର ଜିଲ୍ଲାର ଅଧିକାଂଶ ସ୍ଥାନରେ ୨୧ ସେ.ମି.ଠାରୁ ଅଧିକ ବର୍ଷା ହେବାର ସମ୍ଭାବନା ରହିଛି । ଆଗାମୀ ୪୮ ଘଣ୍ଟା ମଧ୍ୟରେ ଏହି ବର୍ଷା ହେବ । ସେହିଭଳି ଭଦ୍ରକ, ଅନୁଗୁଳ, ଦେବଗଡ, ସମ୍ବଲପୁର, ଝାରସୁଗୁଡା, ଯାଜପୁର, ଢେଙ୍କାନାଳ, ବରଗଡ ଓ ସୋନପୁର ଜିଲ୍ଲାରେ ମଧ୍ୟ ପ୍ରବଳରୁ ଅତିପ୍ରବଳ ବର୍ଷା ହେବାର ସମ୍ଭାବନା ରହିଛି । ଫଳରେ ବୈତରଣୀ, ସୁବର୍ଣ୍ଣରେଖା, ବୁଢାବଳଙ୍ଗ ଓ ବ୍ରାହ୍ମଣୀ ନଦୀର ଜଳପତ୍ତନ ବୃଦ୍ଧି ପାଇବାର ସମ୍ଭାବନା ଦେଖାଦେଇଛି ।

ପ୍ରସୂତି ମୃତୁ୍ୟକୁ ନେଇ ନର୍ସିଂହୋମ୍ ଭଙ୍ଗାରୁଜା

photo---1

ଡାକ୍ତରଙ୍କ ଅବହେଳା
ଯାଜପୁର(ଆପ୍ର): ଯାଜପୁରସହର ଗରିଆପୁର ଛକରେ ଥିବା ଶ୍ରୀମା ନର୍ସିଂହୋମ୍ରେ ଜନୈକା ପ୍ରସୂତିର ମୃତୁ୍ୟକୁ ନେଇ ପ୍ରବଳ ଉତ୍ତେଜନା ପ୍ରକାଶ ପାଇଛି । ଏଥିସହ ରୋଗୀର ସମ୍ପର୍କୀୟମାନେ ଚିକିତ୍ସାଳୟରେ ଭଙ୍ଗାରୁଜା କରିଥିବା ଜଣାପଡିଛି । ଘଟଣାରୁ ପ୍ରକାଶ, ଗତ ଶୁକ୍ରବାର ଭଦ୍ରକ ଜିଲ୍ଲା ଷେଣ୍ଢପୁରର ପ୍ରବିଣ ପଣ୍ଡାଙ୍କ ସ୍ତ୍ରୀ ପ୍ରତୀକ୍ଷା (୨୩)ଙ୍କୁ ପ୍ରସବ ନିମନ୍ତେ ଶ୍ରୀମା ନର୍ସିଂହୋମ୍କୁ ଅଣାଯାଇଥିଲା । ରାତିରେ ଡା. ଶାନ୍ତନୁ ସାହୁଙ୍କ ଦ୍ୱାରା ପ୍ରତୀକ୍ଷାଙ୍କ ଅପରେସନ କରାଯାଇ କନ୍ୟାସନ୍ତାନକୁ ଜନ୍ମ ଦିଆଯାଇଥିଲା । ପରେ ପ୍ରତୀକ୍ଷାର ଅବସ୍ଥା ଗୁରୁତର ହେବା ସତ୍ତ୍ୱେ ଡାକ୍ତର ନର୍ସିଂହୋମକୁ ଆସିନଥିଲେ । ରବିବାର ତାଙ୍କ ସ୍ୱାସ୍ଥ୍ୟାବସ୍ଥା ସଙ୍କଟଜନକ ହେବାରୁ ଡାକ୍ତର ନର୍ସିଂହୋମ୍ରେ ପହଞ୍ଚô ରୋଗୀ ଅବସ୍ଥା ଭଲ ଥିବା କହି ଇଂଜେକ୍ସନ ଓ ସାଲାଇନ୍ ଦେଇଥିଲେ ।

ମଦ ବୋତଲ ଭାଙ୍ଗିଲେ, ଦୋକାନ ଓଲଟାଇଲେ

mahila-nka-mada-dokana-bhangile-(2)

ପାଣିକୋଇଲି(ଆପ୍ର): ଡୋଲିପୁର ଅବକାରୀ ବିଭାଗ ଓ ଯାଜପୁର ରୋଡ ଥାନା ଅନ୍ତର୍ଗତ ଲକ୍ଷ୍ମୀନଗର ପଞ୍ଚାୟତ ଶଙ୍ଖଚିଲା-ଲକ୍ଷ୍ମୀନଗର ରାସ୍ତା ମଝିରେ ଥିବା ଏକ ପାନଦୋକାନରେ ବହୁଦିନ ଧରି ଚାଲିଥିବା ଚୋରାମଦ ବେପାରକୁ ବିରୋଧ କରି ସ୍ଥାନୀୟ ଅଞ୍ଚଳର ବହୁ ମହିଳା ଓ ପୁରୁଷ ସଂଘବଦ୍ଧ ଭାବେ ଦୋକାନ ଭଙ୍ଗାରୁଜା କରି ରାସ୍ତା ଅବରୋଧ କରିଥିଲେ । ପରେ ଖବର ପାଇଁ ଅବକାରୀ ଓ ପୁଲିସ୍ ବିଭାଗର ଅଧିକାରୀ ଘଟଣାସ୍ଥଳରେ ପହଞ୍ଚିି ମହିଳାଙ୍କୁ ବୁଝାସୁଝା କରିବା ସହିତ ଅଭିଯୁକ୍ତକୁ ଗିରଫ କରିଥିଲେ । ଘଟଣାରୁ ପ୍ରକାଶ, ଶଙ୍ଖଚିଲା ହାଟ ସ୍ଥିତ ଲକ୍ଷ୍ମୀନାରାୟଣ ମନ୍ଦିର ନିକଟରୁ ମାତ୍ର କେଇ ମିଟର ଦୂରରେ ଏହି ଚୋରାମଦ କାରବାର ହେଉଥିବା ବହୁବାର ସ୍ଥାନୀୟ ପୁଲିସ୍‌ ଓ ଅବକାରୀ ବିଭାଗ ନିକଟରେ ମହିଳାମାନେ ଅଭିଯୋଗ କରିଥିଲେ । ଲକ୍ଷ୍ମୀନଗର ଗ୍ରାମର ବଳରାମ ପାଢୀ ଓ ସୁରେଶ କୁମାର ସାହୁ ମିଳିତ ଭାବେ ଗାଁ ରାସ୍ତା ନିକଟରେ ଏକ ପାନଦୋକାନ କରି ବିହାର ରାଜ୍ୟର ଓକିଲ ଯାଦବ ନାମକ ଯୁବକକୁ ଦୈନିକ ମଜୁରୀଆ ଭାବେ ରଖି ଏହି ଚୋରାମଦ କାରବାର ଚଲାଇଥିବା ଲକ୍ଷ୍ମୀନଗର ସରପଞ୍ଚ ଗାୟତ୍ରୀ ସାହୁ, ଖମଣ ସରପଞ୍ଚ ସୁଶାନ୍ତ କୁମାର ସାହୁ ପ୍ରମୁଖ ଅଭିଯୋଗ କରିଥିଲେ ।

ଚାକିରି ଦେବାକୁ କହି ୯ ଲକ୍ଷ ଠକେଇ: ୨ ବର୍ଷ ପରେ ମହିଳା ସମେତ ୨ ଗିରଫ

photo

ଯାଜପୁର (ଆପ୍ର): ଟାଟା କମ୍ପାନୀରେ ଚାକିରି କରାଇଦେବାକୁ କହି ୯ଲକ୍ଷ ଟଙ୍କା ଠକି ନେଇଥିବା ଜଣେ ମହିଳା ଓ ଜଣେ ପୁରୁଷଙ୍କୁ ଯାଜପୁର ପୁଲିସ୍ ଗିରଫ କରି କୋର୍ଟଚାଲାଣ କରିଛି । ଏତଲାର ଦୁଇ ବର୍ଷ ପରେ ଏହି ଠକ ଯୋଡ଼ିଙ୍କୁ ପୁଲିସ ଗିରଫ କରି ଘଟଣାର ପର୍ଦ୍ଦାଫାସ୍ କରିଥିବା ଜଣାପଡିଛି । ପ୍ରକାଶ, ବରୀ ବ୍ଲକ୍ ଅନ୍ତର୍ଗତ ଅଭିମନୁ୍ୟ ବାଲିଆ ଗ୍ରାମର ସଂଗ୍ରାମ କେଶରୀ ରାୟ ଓ ବାହାଦୂରନଗର (·ରିନଙ୍ଗଳ)ର ସାଧନା ପ୍ରିୟଦର୍ଶନୀ ସାମଲ ନିଜକୁ ସମ୍ପର୍କୀୟ ଭାଇ-ଭଉଣୀ ଦର୍ଶାଇ ଯାଜପୁର ସହର ଦେବୀଗଡ଼ାଘାଟ ନିକଟସ୍ଥ ସନ୍ତୋଷ କୁମାର ସ୍ୱର୍ଣ୍ଣକାରଙ୍କ ଘରେ ଭଡ଼ାରେ ରହୁଥିଲେ । ଭଡ଼ାରେ ରହିବା ସମୟରେ ସନ୍ତୋଷଙ୍କ ସହିତ ମିତ୍ରତା କରିବା ସହ ସନ୍ତୋଷଙ୍କ ବନ୍ଧୁବାନ୍ଧବଙ୍କ ସହିତ ସାଧନା ଓ ସଂଗ୍ରାମ ଘନିଷ୍ଠ ହୋଇଯାଇଥିଲେ ।

୧୫ ଲକ୍ଷ ଟଙ୍କାର ବ୍ରାଉନସୁଗର ଜବତ

Brown-Suger-Ceized-1-arrested

ଭୁବନେଶ୍ୱର-ବାଲେଶ୍ୱରରୁ ୨ ବ୍ୟବସାୟୀ ଗିରଫ
ବାଲେଶ୍ୱର (ଆପ୍ର): ବାଲେଶ୍ୱର ସହଦେବଖୁଣ୍ଟା ପୋଲିସ ରବିବାର ଭୋରରୁ ସହରର ଅରଡ଼ବଜାର ମସଜିଦ ଗଳି ଅଂଚଳରେ ଚଢାଉ କରି ୧୦୦ ଗ୍ରାମ ବ୍ରାଉନସୁଗର ସହ ଜଣେ ଯୁବକକୁ ଗିରଫ କରିଛି । ଜବତ ହୋଇଥିବା ବ୍ରାଉନସୁଗରର ମୂଲ୍ୟ ୧୦ଲକ୍ଷ ଟଙ୍କାରୁ ଊଦ୍ଧ୍ୱର୍ ବୋଲି ସହଦେବଖୁଣ୍ଟା ଥାନା ଅଧିକାରିଣୀ ପ୍ରେମ୍ପ୍ରଜ୍ଞା ମହାନ୍ତି ସୂଚନା ଦେଇଛନ୍ତି । ଗିରଫ ଯୁବକ ହେଲେ ଅରଡ଼ବଜାର ମସଜିଦଗଳି ଅଂଚଳର ରିଣ୍ଟୁ ତରେଇ । ପ୍ରକାଶ ଯେ ବିଶ୍ୱସ୍ତ ସୂତ୍ରରୁ ଖବର ପାଇବା ପରେ ଏସପି ନୀତି ଶେଖରଙ୍କ ନିଦେ୍ର୍ଦଶ କ୍ରମେ ରୁପସା ପୋଲିସ ଏବଂ ସହଦେବଖୁଣ୍ଟା ପୋଲିସ ମିଳିତ ଭାବେ ସହରର ଅରଡ ବଜାରସ୍ଥିତ ମସଜିଦ ଗଳିରେ ରହୁଥିବା ରିଣ୍ଟୁ ତରେଇ ଘରେ ରବିବାର ଭୋର ସମୟରେ ଚଢାଉ କରିଥିବା ବେଳେ ଏହି ସଫଳତା ମିଳିଥିଲା ।

ଡାଆଣୀ ସନେ୍ଦହ: ୨ ବାଳକଙ୍କୁ ହତ୍ୟା

dead

ରାଇରଙ୍ଗପୁର, ୨୨ା୭(ଆପ୍ର): ଅନ୍ଧବିଶ୍ୱାସର କୁପରିଣତି ଆଜି ପ୍ରତିଫଳିତ ହୋଇଛି । ଡାଆଣୀ ସନେ୍ଦହରେ ଦୁଇ କୋମଳମତି ଶିଶୁଙ୍କୁ ହତ୍ୟା କରାଯିବା ସହ ତାଙ୍କ ମା’ଙ୍କ ପତ୍ତା ଏପର୍ଯ୍ୟନ୍ତ ମିଳୁନାହିଁ । ଘଟଣା ସମ୍ପର୍କରେ ଥାନାରେ ମାମଲା ରୁଜୁ ହେବା ସହ ପୁଲିସ୍ ଅନୁସନ୍ଧାନ ଚଳାଇଛି । ଘଟଣାରୁ ପ୍ରକାଶ ଯେ ମୟୂରଭଞ୍ଜ ଜିଲ୍ଲା ବାମନଘାଟୀ ଉପଖଣ୍ଡ ଅନ୍ତର୍ଗତ ବାଦାମପାହାଡ଼ ଥାନା ଅଧିନସ୍ଥ ଝିପାବନ୍ଧ ଗ୍ରାମ ନିକଟସ୍ଥ ଜଳପା ନାଳ ପାଖ ଆମବାଗାନ ଜଙ୍ଗରେ ଦୁଇଟି ଶିଶୁଙ୍କର ମୃତ ଦେହ ପଡ଼ିଥିବା ଦେଖିବାକୁ ମିଳିଥିଲା । ଝିପାବନ୍ଧ ଗ୍ରାମର ମଧୁ ସିଙ୍କୁର ଦ୍ୱିତୀୟ ସ୍ତ୍ରୀ ରିଙ୍କି (୩୫) ମଙ୍ଗଳବାର ସକାଳେ ତା’ର ଦୁଇ ପୁଅ ଜଗନ୍ନାଥ (୧୦) ଓ ଜଶମାତ (୩)କୁ ଧରି ତା’ର ବାପଘର ୩ କିମି ଦୂର ରାଇପଡ଼ା ଗ୍ରାମକୁ ଚାଉଳ ଆଣିବା ପାଇଁ ଯାଇଥିଲା । ଅପରାହ୍ନ ୩/୪ଟା ବେଳେ ବାପଘରୁ ବାହାରିଥିଲା । ହେଲେ ଘରକୁ ଫେରିନଥିଲା । ମଧୁ ଖୋଜାଖୋଜି କରି ନପାଇବାରୁ ବାଧ୍ୟ ହୋଇ ଗୁରୁବାର ବାଦାମପାହାଡ ଥାନାରେ ଏତାଲା ଦେଇଥିଲେ ।