Category Archives: Breaking News

ପୂର୍ବ ଭାରତରେ ବିଜେପିର ଉତ୍ଥାନ ଦେଖୁନି

20-Naveen-Patnaik

‘ଦି ଉଇକ୍’ରେ ନବୀନଙ୍କ ସ୍ୱତନ୍ତ୍ର ସାକ୍ଷାତକାର
ଭୁବନେଶ୍ୱର, ୨୨ା୧୧(ବୁ୍ୟରୋ): ପୂର୍ବ ଭାରତରେ ବିଜେପିର ଦ୍ରୁତ ଅଗ୍ରଗତି ଦେଖୁନାହିଁ । ସହଭାଗୀ ସଂଘୀୟ ବ୍ୟବସ୍ଥା ହେଉଛି ସବୁଠୁ ଗୁରୁତ୍ୱପୂର୍ଣ୍ଣ । ଯୋଜନା କମିଶନ ଉଚ୍ଛେଦ ପରେ ଓଡିଶାକୁ କେନ୍ଦ୍ରର ବଜେଟ୍ ବରାଦ ଅର୍ଥ ହ୍ରାସ ପାଇଛି । ଯାହାର ଏବେ ସଂଶୋଧନ ହେବା ଆବଶ୍ୟକ ରହିଛି । ବିଜୁ ଜନତା ଦଳ ହେଉଛି ଏକ ଆଞ୍ଚଳିକ ଦଳ । ରାଜ୍ୟର ସ୍ୱାର୍ଥ ବଜାୟ ରଖିବା ହେଉଛି ଆମର ପ୍ରାଥମିକତା ବୋଲି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଇଂରାଜୀ ସାପ୍ତାହିକୀ ‘ଦ ଉଇକ୍’ ସାକ୍ଷାତକାରରେ ପ୍ରକାଶ କରିଛନ୍ତି । ଭୁବନେଶ୍ୱରରେ ‘ଦି ଉଇକ୍’ର ବାର୍ଷିକ ସମାବେଶରେ ମୁଖ୍ୟମନ୍ତ୍ରୀ ଶ୍ରୀ ପଟ୍ଟନାୟକ ଯୋଗଦେଇଥିଲେ । ଏହି ଅବସରରେ ଓଡିଶାରେ ଦୀର୍ଘ ୧୭ ବର୍ଷ ମଧ୍ୟରେ ହୋଇଥିବା ଦ୍ରୁତ ବିକାଶ ସମ୍ପର୍କରେ ସେ ତାଙ୍କ ବକ୍ତବ୍ୟ ରଖିଥିଲେ । ତେବେ ‘ଦି ଉଇକ୍’ର ନଭେମ୍ବର ୨୬ ସଂସ୍କରଣରେ ଶ୍ରୀ ପଟ୍ଟନାୟକଙ୍କର ଏକ ବିସ୍ତୃତ ସାକ୍ଷାତକାର ପ୍ରକାଶ ପାଇଛି । ସେଥିରେ ବିଭିନ୍ନ ପ୍ରସଙ୍ଗରେ ସେ ତାଙ୍କ ମତ ରଖିଛନ୍ତି । ଓଡିଶାର ଦାରିଦ୍ର୍ୟତାକୁ ୫୯%ରୁ ୩୪%କୁ ହ୍ରାସ ହେବା ପ୍ରସଙ୍ଗରେ ସେ କହିଛନ୍ତି ଯେ ପ୍ରାୟ ୮୦ ଲକ୍ଷ ଲୋକଙ୍କୁ ଆମେ ଦାରିଦ୍ର୍ୟ ସୀମାରେଖା ଉପରକୁ ଆଣିଛୁ । ଏଥିଲାଗି ଅନେକ ପଦକ୍ଷେପ ସରକାର ନେଇଛନ୍ତି । ବିଶେଷକରି ଖାଦ୍ୟ ସୁରକ୍ଷାକୁ ଗୁରୁତ୍ୱ ଦିଆଯାଇଛି । ଗରିବ ଲୋକଙ୍କୁ ମାସିକ ୧ ଟଙ୍କା କେଜିରେ ୨୫ କି.ଗ୍ରା. ଚାଉଳ ଦିଆଯାଇ ସେମାନଙ୍କୁ ଖାଦ୍ୟର ନିରାପତ୍ତା ଯୋଗାଇ ଦିଆଯାଇଛି ।

ପ୍ରତିଥର ବଦଳିବ ପୌର ନିର୍ବାଚନ ସଂରକ୍ଷଣ

CABINET-BRIFING-(2)

ଭୁବନେଶ୍ୱର, ୨୨ା୧୧(ବୁ୍ୟରୋ): ପଞ୍ଚାୟତିରାଜ ସଂସ୍ଥା ଭଳି ଏଣିକି ପୌରପରିଷଦ ନିର୍ବାଚନଗୁଡିକରେ ପ୍ରତି ପାଳିରେ ସଂରକ୍ଷଣ ବ୍ୟବସ୍ଥା ବଦଳିବ । ପ୍ରତି ୫ ବର୍ଷରେ ଥରେ ୱାର୍ଡଗୁଡିକରେ କରାଯାଉଥିବା ସଂରକ୍ଷଣ ବ୍ୟବସ୍ଥା ପରିବର୍ତ୍ତନ କରିବା ନିଷ୍ପତ୍ତିକୁ କ୍ୟାବିନେଟ୍ ଅନୁମୋଦନ କରିଛନ୍ତି । ସେହିଭଳି ଜଳସେଚନକୁ ପ୍ରାଧାନ୍ୟ ଦେଇ ଅତିରିକ୍ତ ୮,୭୧୯ ହେକ୍ଟର ଚାଷ ଜମି ପାଇଁ ଜଳସେଚନ ସୁବିଧା କରାଯିବ । ନବକୃଷ୍ଣ ଚୌଧୁରୀ ସେଚ ଉନ୍ନୟନ ଯୋଜନା ନାମରେ ଏହାକୁ ନାମିତ କରାଯାଇଛି । କ୍ୟାବିନେଟ୍ ଉପରୋକ୍ତ ପ୍ରସ୍ତାବ ସମେତ ଆଜି ୧୧ଟି ପ୍ରସ୍ତାବକୁ ଅନୁମୋଦନ କରିଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ୍ ବୈଠକର ନିଷ୍ପତ୍ତି ସମ୍ପର୍କରେ ସୂଚନା ଦେଇ ଆଇନମନ୍ତ୍ରୀ ପ୍ରତାପ ଜେନା ଓ ଅର୍ଥମନ୍ତ୍ରୀ ଶଶିଭୂଷଣ ବେହେରା କହିଲେ ଯେ ୨୦୧୧ ଜନଗଣନା ରିପୋର୍ଟ ଅନୁସାରେ ପୌରପରିଷଦଗୁଡିକରେ ଜନସଂଖ୍ୟା ବୃଦ୍ଧି ଘଟିଛି । ଯେହେତୁ ପ୍ରତି ୱାର୍ଡରେ ଜନସଂଖ୍ୟା ଓ ବିଭିନ୍ନ ବର୍ଗର ଜନସଂଖ୍ୟାର ପ୍ରତିଶତ ପରିବର୍ତ୍ତନ ହୋଇଥାଏ, ତେଣୁ ସଂରକ୍ଷଣ ବ୍ୟବସ୍ଥାକୁ ଅତୁଟ ରଖିବା ଯୁକ୍ତିଯୁକ୍ତ ହୋଇନପାରେ । ତେଣୁ ପ୍ରତି ୫ ବର୍ଷରେ ଏହି ସଂରକ୍ଷଣ ବ୍ୟବସ୍ଥା ପରିବର୍ତ୍ତନ କରାଯିବ । ପୂର୍ବରୁ ୨ଟି ପାଳିରେ ଏହି ପରିବର୍ତ୍ତନ ହେଉଥିଲା । ସେହିଭଳି ରାଜ୍ୟ ସରକାର ନବକୃଷ୍ଣ ଚୌଧୁରୀ ସେଚ ଉନ୍ନୟନ ଯୋଜନା କାର୍ଯ୍ୟକାରୀ କରିବେ ।

ମୂଲ୍ୟ ନପୋଷାଇଲେ ଖୋଲାବଜାରରେ ବିକ

BJD-PRESS-MEET-(3)

ଓଡିÿଶା ଚାଷୀଙ୍କୁ ପୁଣି ତାଚ୍ଛଲ୍ୟ
ଭୁବନେଶ୍ୱର,୨୨ ।୧୧ (ବୁ୍ୟରୋ): ଧାନର ସର୍ବନିମ୍ନ ସହାୟକ ମୂଲ୍ୟ ବୃଦ୍ଧି ଦାବିରେ ଆଜି ବିଜୁ ଜନତା ଦଳ ପୁଣିଥରେ କେନ୍ଦ୍ରକୁ ଟାର୍ଗେଟ୍ କରିଛି । ଚାଷୀଙ୍କର ଦୁରାବସ୍ଥା ସମୟରେ କେନ୍ଦ୍ର ସରକାର ସହାୟକ ମୂଲ୍ୟ ବୃଦ୍ଧି ନକରିବା ଓଡ଼ିଶା ପ୍ରତି କେନ୍ଦ୍ରର ଆଭିମୁଖ୍ୟକୁ ସ୍ପଷ୍ଟ କରୁଛି ବୋଲି ବିଜୁ ଜନତା ଦଳର ସାଧାରଣ ସମ୍ପାଦକ ବିଧାୟକ ସଞ୍ଜୟ କୁମାର ଦାସବର୍ମା କହିଛନ୍ତି । ଏକ ସାମ୍ବାଦିକ ସମ୍ମିଳନୀରେ ସେ ଅଭିଯୋଗ କରିଛନ୍ତି ଧାନର ସର୍ବନିମ୍ନ ସହାୟକ ମୂଲ୍ୟ ୨୯୩୦ ଟଙ୍କା କରିବାକୁ ବାଚସ୍ପତିଙ୍କ ଅଧ୍ୟକ୍ଷତାରେ ଗଠିତ ଗୃହ କମିଟି କେନ୍ଦ୍ର ନିକଟରେ ଦାବି ରଖିଥିଲେ । ଏନେଇ ପ୍ରଧାନମନ୍ତ୍ରୀଙ୍କୁ ମଧ୍ୟ ପତ୍ରମାଧ୍ୟମରେ ଜଣାଇ ଦିଆଯାଇଛି । ଧାନର ସହାୟକ ମୂଲ୍ୟ ବୃଦ୍ଧି ପାଇଁ ବିଜେଡି କୃଷକ ସାମ୍ମୁଖ୍ୟ ପୂର୍ବରୁ ରାଜ୍ୟବ୍ୟାପି ଅନେ୍ଦାଳନ ମଧ୍ୟ କରିଥିଲା । ଏଥିସହ ରାଷ୍ଟ୍ରପତିଙ୍କ ମଧ୍ୟ ଏନେଇ ଦାବିପତ୍ର ପ୍ରଦାନ କରାଯାଇଥିଲା । ରାଷ୍ଟ୍ରପତି ଏନେଇ ବିଚାର କରିବା ପାଇଁ କେନ୍ଦ୍ର ସରକାରଙ୍କ କୃଷି କୃଷକ ମନ୍ତ୍ରାଳୟକୁ ନିଦେ୍ର୍ଦଶ ଦେଇଥିଲେ । ମନ୍ତ୍ରାଳୟ ଏନେଇ ରାଷ୍ଟ୍ରପତିଙ୍କୁ ଯେଉଁ ପତ୍ର ଦେଇଛି ତାହା ଦୁର୍ଭାଗ୍ୟଜନକ ବୋଲି ବିଜେଡି କହିଛି ।

ଫଟୋ, ଭିଡିଓ ଭାଇରାଲ୍ କଲେ ଜେଲ୍

IMG_8452

ଭୁବନେଶ୍ୱର,୨୨ ।୧୧(ବୁ୍ୟରୋ): ସୋସିଆଲ ମିଡିଆରେ ଅଶ୍ଲୀଳ ଭିଡିଓ ଓ ଫଟୋ ଭାଇରାଲ ହେଉଥିବାରୁ ଏହାକୁ ରୋକିବା ଦିଗରେ ପୁଲିସ ପ୍ରୟାସ ଆରମ୍ଭ କରିଛି । ଲୋକଙ୍କୁ ସଚେତନ ଲାଗି ଆଡଭାଇଜରି ଜାରି କରାଯାଇଛି । ସେହିପରି ଭିଡିଓ ଭାଇରାଲକାରିଙ୍କ ବିରୋଧରେ ଦୃଢ କାର୍ଯ୍ୟାନୁଷ୍ଠାନ ଗ୍ରହଣ କରାଯିବା ସହ ଜେଲଦଣ୍ଡ ଭୋଗିବାକୁ ପଡିବ ବୋଲି ପୁଲିସ ଡିଜି ଡାକ୍ତର ରାଜେନ୍ଦ୍ର ପ୍ରସାଦ ଶର୍ମା କହିଛନ୍ତି । ଏଥିସହିତ ଭାଇରାଲ ଭିଡିଓ ରୋକିବା ସହ ଅଭିଯୁକ୍ତଙ୍କ ବିରୋଧରେ କାର୍ଯ୍ୟାନୁଷ୍ଠାନ ଲାଗି ନିୟମାବଳୀ ଜାରି କରିଛନ୍ତି । ଭାଇରାଲ ଘଟଣାରେ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଜିଲ୍ଲା ଏସ୍ପି ଓ ଡିସିପିଙ୍କୁ ନିଦେ୍ର୍ଦଶ ଦିଆଯାଇଛି ବୋଲି ଡିଜିପି କହିଛନ୍ତି । ଭୁବନେଶ୍ୱରଠାରେ ସାଇବର ଫରେନସିକ ଡିଭିଜନ ଉଦଘାଟନ କରିବା ଅବସରରେ ଡିଜିପି ଡାକ୍ତର ଶର୍ମା କହିଥିଲେ ଯେ ସୋସିଆଲ ମିଡିଆରେ ଆପତ୍ତିଜନକ ଭିଡିଓ ଭାଇରାଲ ରୋକିବା ପୋଲିସର ଦାୟିତ୍ୱ । ଏଥିପାଇଁ ସମସ୍ତ ଜିଲ୍ଲା ଏସପିଙ୍କୁ ନିଦେ୍ର୍ଦଶ ଦିଆଯାଇଛି । ଯେଉଁମାନେ ଏହି ଭିଡିଓ ଭାଇରାଲ କରୁଛନ୍ତି ତାହା ସମ୍ପୃର୍ଣ୍ଣ ବେନିୟମ ।

ବିଶ୍ୱର ସମକକ୍ଷ ହେବାକୁ ମୌଳିକ ଗବେଷଣା ଜରୁରୀ

Pranab-Mukherjee-at-SoA-university--Convocation-(2)

ସୋଆ ବିଶ୍ୱବିଦ୍ୟାଳୟର ୫ମ ସମାବର୍ତ୍ତନ ଉତ୍ସବ
ଭୁବନେଶ୍ୱର, (ବୁ୍ୟରୋ): ଦେଶରେ ମେଧାବୀ ଛାତ୍ରଛାତ୍ରୀ ଓ ଉଚ୍ଚକୋଟୀର ଶିକ୍ଷକଙ୍କ ଅଭାବ ନାହିଁ । ଆଇଆଇଟି ପରି ପ୍ରମୁଖ ଶିକ୍ଷାନୁଷ୍ଠାନର ଛାତ୍ରଛାତ୍ରୀମାନେ ପୃଥିବୀର ବିଭିନ୍ନ କ୍ଷେତ୍ରରେ ଚାକିରୀ ନିମନ୍ତେ ଯୋଗ୍ୟ ବିବେଚିତ ହେଉଛନ୍ତି । କିନ୍ତୁ ମୌଳିକ ଗବେଷଣା ଉପରେ ଯଥେଷ୍ଟ ଗୁରୁତ୍ୱ ଦିଆଯାଇନାହିଁ । ଏହି କାରଣରୁ ଭାରତର କୌଣସି ବିଶ୍ୱବିଦ୍ୟାଳୟ ପୃଥିବୀର ଶ୍ରେଷ୍ଠ ୨୦୦ ଉଚ୍ଚ ଶିକ୍ଷାନୁଷ୍ଠାନ ତାଲିକାରେ ସ୍ଥାନ ପାଇ ପାରୁନାହାନ୍ତି । ବିଶ୍ୱର ଅନ୍ୟାନ୍ୟ ଦେଶ ସହ ସମକକ୍ଷ ହେବାକୁ ହେଲେ ଉଚ୍ଚଶିକ୍ଷାରେ ମୌଳିକ ଗବେଷଣା ଉପରେ ଗୁରୁତ୍ୱ ଦେବାକୁ ହେବ ବୋଲି ପୂର୍ବତନ ରାଷ୍ଟ୍ରପତି ପ୍ରଣବ ମୁଖାର୍ଜୀ କହିଛନ୍ତି । ଶିକ୍ଷା ଓ ଅନୁସନ୍ଧାନ (ସୋଆ) ଡିମଡ୍ ବିଶ୍ୱବିଦ୍ୟାଳୟର ୫ମ ସମାବର୍ତ୍ତନ ଉତ୍ସବରେ ମୁଖ୍ୟ ଅତିଥି ଭାବେ ଯୋଗ ଦେଇ ଶ୍ରୀ ମୁଖାର୍ଜୀ କହିଛନ୍ତି, ମୌଳିକ ଗବେଷଣା କ୍ଷେତ୍ରରେ ଆଇଆଇଟିଗୁଡ଼ିକର ଉପଲବ୍ଧି ମଧ୍ୟ ଯଥେଷ୍ଟ ନୁହେଁ । ଏଥିପାଇଁ ଅଧିକ ଗବେଷଣା ଲୋଡ଼ା । ଡକ୍ଟର ସି.ଭି ରମଣଙ୍କ ବିଷୟ ଉଲ୍ଲେଖ କରି ସେ କହିଛନ୍ତି, ରମଣଙ୍କ ପରେ କୌଣସି ଭାରତୀୟ ବୈଜ୍ଞାନିକ ନୋବେଲ ପୁରସ୍କାର ପାଇବାକୁ ସମର୍ଥ ହୋଇନାହାନ୍ତି । ତେବେ ଭାରତରେ ଯୋଗ୍ୟ ଶିକ୍ଷକ ଓ ବୁଦ୍ଧିମାନ ଛାତ୍ରଛାତ୍ରୀଙ୍କର ଅଭାବ ଅଛି ତାହା ନୁହେଁ ।

ମନ ସଫା କରି ମନ୍ କି ବାତ୍ କୁହ: ଆନ୍ନା

KASTURBA-NARI-MAHAL-RE-NABA-NIRMAN-KRUSAKA-SANGATHANA-RA-KARMAKARTA-NKU-ANNA-HAZAR-NKN-MARGADARSAN--UDBODHAN-(21)

୨୨ବର୍ଷରେ ୧୨ଲକ୍ଷ ଚାଷୀଙ୍କ ମୃତୁ୍ୟ
ଭୁବନେଶ୍ୱର (ବୁ୍ୟରୋ): ରାଜ୍ୟ ତଥା ଦେଶରେ ଦୁର୍ନୀତି ଭ୍ରଷ୍ଟାଚାର ଦିନକୁ ଦିନ ବୃଦ୍ଧି ପାଇବାରେ ଲାଗିଛି । ଦୁର୍ନୀତି ଓ ଭ୍ରଷ୍ଟ୍ରାଚାରର ମୂଳୋତ୍ପାଟନ କରିବା ଲାଗି ଲୋପପାଳ ବିଲ୍ ଆଗତ କରିବା ଲାଗି ସଂଗ୍ରାମ ଜାରି ରଖିଛି । ଶେଷରେ କେନ୍ଦ୍ର ସରକାର ଚାପରେ ଲୋକପାଳ ବିଲ୍କୁ ତିନି ଦିନ ମଧ୍ୟରେ ଆଇନରେ ପ୍ରଣୟନ କରିଥିଲେ । ହେଲେ ଏହି ବିଲ୍ କେନ୍ଦ୍ର ସରକାରଙ୍କ ଉପରେ ଭାରି ପଡ଼ୁଥିବାରୁ ଜାଣିଶୁଣି ଏହି ବିଲକୁ ଦୁର୍ବଳ କରାଯାଇଛି । ମନ ପରିଷ୍କାର ନକରି ମୋଦି ମନ୍ କି ବାତ୍ କହୁଛନ୍ତି । ତେବେ ମନ ସଫା କରି ମନ୍ କି ବାତ୍ କହିବା ଆବଶ୍ୟକ ବୋଲି ବିଶିଷ୍ଠ ଗାନ୍ଧିବାଦୀ ନେତା ତଥା ସମାଜସେବୀ ଆନ୍ନା ହଜାରେ କହିଛନ୍ତି । ତିନି ଦିନିଆ ଓଡ଼ିଶା ଗସ୍ତରେ ଆସି ବୁଧବାର ଭୁବେନଶ୍ୱରରେ ପହଞ୍ଚିବା ପରେ ଓଡ଼ିଶା ନାଗରିକ ସମାଜ ସହ ଆଲୋଚନା କରି ଆନ୍ନା ହଜାରେ କହିଛନ୍ତି, ୨୦୧୬ ନଭେମ୍ବର ୨୭ରେ ଏହି ବିଲକୁ କେନ୍ଦ୍ର ସରକାର ଲୋକସଭାରେ ଆଗତ କରିଥିଲେ । ନଭେମ୍ବର ୨୮ରେ ରାଜ୍ୟସଭା ଏହି ବିଲକୁ ସବୁଜ ସଙ୍କେତ ଦେବା ପରେ ୨୯ ରେ ବିଲ୍ଟି ରାଷ୍ଟ୍ରପତିଙ୍କ ଅନୁମୋଦିନ ପାଇଥିଲା । ହେଲେ କେନ୍ଦ୍ର ଓ ରଜ୍ୟ ସରକାର ଲୋକପାଳ ଗଠନ କରିବାରେ ଜାଣିଶୁଣି ଉଦେ୍ଦଶ୍ୟମୂଳକ ଏହାକୁ କାର୍ଯ୍ୟକାରୀ ନକରି ଭାବେ ଦୁର୍ବଳ କରିବାରେ ଲାଗିପଡିଛନ୍ତି । ଏହି ବିଲ୍ କାର୍ଯ୍ୟକାରୀ ହୋଇଥିଲେ ଦେଶର ୯୦ରୁ ୯୫ % ଦୁର୍ନୀତି ଓ ଭ୍ରଷ୍ଟାଚାର ଦୂର ହୋଇପାରିଥାନ୍ତା ।

ରାସ୍ତାରେ ଲୋକଙ୍କୁ ଗୋଡ଼ାଇଲା

Danta-Hati2

ଅଧିକ ହିଂସ୍ର ହେଉଛି ଦନ୍ତା
ବେତନଟୀ (ଆପ୍ର): ବେତନଟୀ ରେଞ୍ଜର ସାରିଆରେ ଥିବା ଏକୁଟିଆ ଝାଡଖଣ୍ଡି ମଣିଷମରା ଦନ୍ତାଟି ଗତକାଲି ରାତ୍ରିରେ ବାହାରି ଗୁଡିସାହି, ଦହିକୋଟି, ଛଚିନାପଦା ହୋଇ ବେଙ୍ଗଚୁଆ ଦେଇ ଦଲକୀ ରିଜର୍ଭରେ ପହଞ୍ଚି ଥିଲା । ଏହି ହାତୀଟି ସର୍ବଣା ନୂଆଗାଁର କରୁଣାକର ମୁର୍ମୁଙ୍କ ଘରକୁ ଭାଙ୍ଗି ଦେଇଥିବାର ଜଣାପଡିଛି । ହାତୀଟି ଆଗ୍ରିଆ ମାଣତ୍ରୀ ରାସ୍ତା ଦେଇ ଆଗକୁ ବଢ଼ିବାର ସମ୍ଭାବନା ଥିବାରୁ ବନରକ୍ଷୀ ପଦ୍ମାବତୀ ବେହେରା, ସାଇସ୍ମିତା ସେନାପତି, ଶ୍ରୀଧର ମହାକୁଡ଼ ପ୍ରମୁଖ ରାସ୍ତାଟିକୁ କୃଷ୍ଣଚନ୍ଦ୍ରପୁର ନଡପୁର ମାତା ହିଙ୍ଗୁଳା ପୀଠ ନିକଟରେ ଜଗି ରହି ଥିଲେ । ଜଙ୍ଗଲ ଆଖପାଖ ଗ୍ରାମଗୁଡିକର ଲୋକମାନଙ୍କୁ ଏହି ଉଗ୍ର ହାତୀ ବାବଦରେ ସୂଚନା ପ୍ରଦାନ କରାଯାଇଥିଲା ।

ଖୋଲା ଆକାଶ ତଳେ ପରିବାର

22-11

ଗରିବ ନିରାଶ୍ରୟଙ୍କ ପ୍ରତି ପ୍ରଶାସନର ଉଦାସୀନତା
କୁଆଖିଆ (ଆପ୍ର): ପ୍ରଶାସନର ଉଦାସୀନତା ମନୋଭାବ ଯୋଗୁ ଗୋଟିଏ ପରିବାର ଖୋଲା ଆକାଶ ତଳକୁ ଚାଲି ଆସିଛି । ସରକାରୀ ଜମିରେ ଦୀର୍ଘବର୍ଷ ହେବ ଘର କରି ମୁଣ୍ଡ ଗୁଞ୍ଜିଥିବା ଏହି ଗରିବ ପରିବାରକୁ ବେଘର କରିଦେଇଛି ପ୍ରଶାସନ । ଏକ ସଙ୍ଗରେ ଅନେକ ଜବରଦଖଲ ଉଚ୍ଛେଦ ପାଇଁ ନୋଟିସ୍ ଜାରି ହୋଇଥିବା ବେଳେ ଅନ୍ୟ ଘରକୁ ନଭାଙ୍ଗି ନିର୍ଦ୍ଧିଷ୍ଟ ଭାବେ ଗୋଟିଏ ଘରକୁ ଭାଙ୍ଗିବାକୁ ନେଇ ସ୍ଥାନୀୟ ଅଞ୍ଚଳରେ ପ୍ରଶାସନର କାର୍ଯ୍ୟକୁ ନେଇ ସନେ୍ଦହ ପ୍ରକଟ ହୋଇଛି । ତେଣୁ ଏହି ପରିବାର ଅନ୍ୟ ଉପାୟ ନପାଇ ଶେଷରେ ତହସିଲ୍ କାର୍ଯ୍ୟାଳୟ ସମ୍ମୁଖରେ ଧାରଣାରେ ବସିଛି । ତେଣୁ ଏହି ପରିବାର ପ୍ରତି ଉଚିତ୍ ନ୍ୟାୟ ପ୍ରଦାନ କରିବାକୁ ବରିଷ୍ଠ ମହଲରେ ଦାବି ହୋଇଛି । ଘଟଣାଟି ହେଉଛି ରସୁଲପୁର ବ୍ଲକ ଗନ୍ଧଣ ଗ୍ରାମର ନିର୍ମଳ ବେହେରାଙ୍କର । ନିର୍ମଳ ବେହେରା ଦୀର୍ଘ ୨୫ବର୍ଷ ହେବ ଗନ୍ଧଣ ଗ୍ରାମରେ ଏକ ସରକାରୀ ଗୋଚର ଜମିରେ କୁଡ଼ିଆଟିଏ କରି ଆଶ୍ରୟ ନେଇଥିଲେ । ଜମିଟି ଗୋଚର ହୋଇଥିବାର ପ୍ରଶାସନର ଦୃଷ୍ଟି ଆକର୍ଷଣ ହେବାରେ ଗତ ନଭେମ୍ବର ୮ ତାରିଖରେ ନିର୍ମଳଙ୍କ ଘର ସହ ସେହି ଗ୍ରାମର ୨୫ଟି ଗୃହକୁ ଭାଙ୍ଗିବା ପାଇଁ ନୋଟିସ ଜାରି କରିଥିଲେ । କିନ୍ତୁ ବୁଧବାର ରସୁଲପୁର ତହସିଲ୍ଦାର୍ ଓ ପୁଲିସ ପ୍ରଶାସନ ପୂର୍ବାହ୍ଣ ୧୦ଟା ବେଳକୁ କିଛି ନଜଣାଇ ଅନ୍ୟ କାହାର ଘର ନଭାଙ୍ଗି ଡୋଜର ଲଗାଇ ନିର୍ମଳଙ୍କ ଘରକୁ ଉଦେ୍ଦଶ୍ର ମୂଳକ ଭାବେ ଭାଙ୍ଗି ଦେଇଥିବା ସ୍ଥାନୀୟ ଲୋକେ କହିଛନ୍ତି ।