ଭିଟିଏସ୍ ଅଛି, ‘ଟ୍ରାଭେଲ୍ ସ୍ମାର୍ଟ’ ଭେଳିକି

ବିପିଟିଏସ୍ର ଅଜବ ଯୋଜନା ଭୁବନେଶ୍ୱର,(ବୁ୍ୟରୋ): ଭୁବନେଶ୍ୱର-ପୁରୀ ଟ୍ରାନ୍ସପୋର୍ଟ ସର୍ଭିସେସ୍(ବିପିଟିଏସ୍) ଦ୍ୱାରା ପରିଚାଳିତ ସିଟି ବସ୍ ସେବାକୁ ନେଇ ଯାତ୍ରୀଙ୍କ ମଧ୍ୟରେ ନାନା ପ୍ରଶ୍ନ ଉଙ୍କି ମାରିଲାଣି । ଖାସ୍ କରି ଗତ ଦୁଇଦିନ ତଳେ ଚଳନ୍ତା ବସ୍ରେ ନିଆଁ ଲାଗିବା ପରେ ଏହାର ସୁରକ୍ଷା More »

ଗର୍ଭଗୃହରେ ଦର୍ଶନ ମନା

ଏହା ଶ୍ରୀମନ୍ଦିର ପରମ୍ପରା ବିରୋଧୀ: ସେବାୟତ ପୁରୀ, ୧୬ା୧୨(ଆପ୍ର): ଶ୍ରୀମନ୍ଦିର ଗର୍ଭଗୃହରେ ପ୍ରବେଶ କରି ଶ୍ରୀଜିଉଙ୍କ ଦର୍ଶନକୁ ରାଜ୍ୟ ସରକାର ବାରଣ କରିଛନ୍ତି । ଏହା ସାଧାରଣ ଭକ୍ତଙ୍କଠାରୁ ଆରମ୍ଭକରି ଭିଭିଆଇପିମାନଙ୍କ ପାଇଁ ମଧ୍ୟ ଲାଗୁ କରାଯିବ । ଏପରିକି ସାହଣ ମେଳା ଓ More »

କଂଗ୍ରେସରେ ରାହୁଲ ଯୁଗ

ନୂଆଦିଲ୍ଲୀ, ୧୬ା୧୨: ଅଖିଳ ଭାରତ କଂଗ୍ରେସ କମିଟି (ଏଆଇସିସି) ଅଧ୍ୟକ୍ଷଭାବେ ଆଜି ରାହୁଲ ବିଧିବଦ୍ଧଭାବେ ଦାୟିତ୍ୱ ନେଇଛନ୍ତି । ଦଳର ମୁଖ୍ୟାଳୟ ୨୪ ଅକ୍ବର ରୋଡ୍ରେ ଅନୁଷ୍ଠିତ ଏକ ସମାରୋହରେ ଏଆଇସିସିର ଅଧ୍ୟକ୍ଷା ସୋନିଆ ଗାନ୍ଧିଙ୍କଠାରୁ ରାହୁଲ ଦାୟିତ୍ୱ ନେଇଛନ୍ତି । ହଜାର ହଜାର More »

ବିହାରରେ ୩୫ ଓଡ଼ିଆ ଦାଦନ ନଜରବନ୍ଦୀ

୪ ଦିନ କାମ କରାଇ ଠିକାଦାର ଚମ୍ପଟ ତିହିଡି ୧୬ା୧୨(ଆପ୍ର): ଭଦ୍ରକ ଜିଲ୍ଲା ବିଭିନ୍ନ ବ୍ଲକର ୩୫ଜଣ ଓଡ଼ିଆ ଦାଦନ ବିହାର ଷ୍ଟିଲ୍ କମ୍ପାନୀର ନଜରବନ୍ଦୀରେ ଥିବା ସୂଚନା ମିଳିଛି । ସମ୍ପୃକ୍ତ ଠିକାଦାର ସେମାନଙ୍କୁ ମାତ୍ର ୪ ଦିନ କାମଦେଇ ଚମ୍ପଟ ମାରିଥିବା More »

ପ୍ରତିଷ୍ଠା ଦିବସରେ ବିଜେଡିର ନିର୍ବାଚନ ବିଗୁଲ୍

ପୁରୀରୁ ମନ୍ତ୍ର ଭୁବନେଶ୍ୱର, (ବୁ୍ୟରୋ): ଆଗାମୀ ବର୍ଷ ନିର୍ବାଚନର ବର୍ଷ ହେବ ବୋଲି ରାଜନୈତିକ ପଣ୍ଡିତମାନେ ଭବିଷ୍ୟବାଣୀ କରିବା ଆରମ୍ଭ କରିଛନ୍ତି । ଅବଶ୍ୟ ଓଡିଶା ପରିପ୍ରେକ୍ଷୀରେ ନୂଆବର୍ଷ (୨୦୧୮) ପ୍ରାରମ୍ଭରୁ ସମଗ୍ର ରାଜ୍ୟରେ ନିର୍ବାଚନୀ ବାତାବରଣ ସୃଷ୍ଟି ହେବ । ନୂଆ ବର୍ଷରେ More »

ଫାଇନାଲ୍ରେ ସିନ୍ଧୁ

ବିଶ୍ୱ ସୁପର୍ସିରିଜ୍ ଫାଇନାଲ୍ସ ଦୁବାଇ, ୧୬ା୧୨ (ଏଜେନ୍ସି): ଅଲିମ୍ପିକ୍ ଓ ବିଶ୍ୱ ଚାମ୍ପିଅନ୍ସିପ୍ ରୌପ୍ୟବିଜୟିନୀ ପିଭି ସିନ୍ଧୁ ଉଲ୍ଲେଖନୀୟ ପ୍ରଦର୍ଶନ କରି ଶନିବାର ବିଡବ୍ଲୁ୍ୟଏଫ୍ ବିଶ୍ୱ ସୁପର୍ସିରିଜ୍ ଫାଇନାଲ୍ସର ମହିଳା ସିଙ୍ଗଲ୍ସ ଫାଇନାଲ୍ରେ ପ୍ରବେଶ କରିଛନ୍ତି । ସେ ଭାରତର ଏକମାତ୍ର ଖେଳାଳି ଭାବେ More »

ବାର୍ହା ଉପଦ୍ରବରେ ଫସଲ ହାନି

ବାଣପୁର (ଆପ୍ର): ଚାଷୀ ମୁଣ୍ଡରେ ଚଡ଼କ । ଲଘୁଚାପ ବର୍ଷା, ଚକଡ଼ା ପୋକ ଓ କୋହଲା ପବନ ଭଳି ଦୈବ ଦୁର୍ବିପାକରୁ ବଞ୍ଚô ଯାଇଥିବା ଫସଲକୁ ବାର୍ହା ଦଳ ଦଳାଚକଟା କରି ନଷ୍ଟ କରିଦେଇଛନ୍ତି । ଚଳିତ ବର୍ଷ ଅନୁକୂଳ ପାଗଯୋଗୁଁ ବାଣପୁର ବ୍ଲକ More »

୨ଠ କୋଟିରୁ ଊଦ୍ଧ୍ୱର୍ ବ୍ୟବସାୟ ଲକ୍ଷ୍ୟ

ଦ୍ୱାଦଶ ତୋଷାଳୀ ଜାତୀୟ କ୍ରାଫ୍ଟସ୍ ମେଳା ଆରମ୍ଭ ଭୁବନେଶ୍ୱର, (ବୁ୍ୟରୋ): ଭାରତର ପ୍ରତ୍ୟେକ ରାଜ୍ୟର ରହିଛି ନିଜସ୍ୱ ପାରମ୍ପରିକ ହସ୍ତତନ୍ତ ଓ ହସ୍ତଶିଳ୍ପ । ଯାହା ଉପରେ ଲକ୍ଷ ଲକ୍ଷ ବୁଣାକାର ଏବଂ କାରିଗରଙ୍କ ଜୀବିକା ନିର୍ଭରଶୀଳ । ସେମାନଙ୍କ ହାତର କଳା ନୈପୁଣ୍ୟ, More »

 

ଭିଟିଏସ୍ ଅଛି, ‘ଟ୍ରାଭେଲ୍ ସ୍ମାର୍ଟ’ ଭେଳିକି

16oriCITYbus_193101

ବିପିଟିଏସ୍ର ଅଜବ ଯୋଜନା
ଭୁବନେଶ୍ୱର,(ବୁ୍ୟରୋ): ଭୁବନେଶ୍ୱର-ପୁରୀ ଟ୍ରାନ୍ସପୋର୍ଟ ସର୍ଭିସେସ୍(ବିପିଟିଏସ୍) ଦ୍ୱାରା ପରିଚାଳିତ ସିଟି ବସ୍ ସେବାକୁ ନେଇ ଯାତ୍ରୀଙ୍କ ମଧ୍ୟରେ ନାନା ପ୍ରଶ୍ନ ଉଙ୍କି ମାରିଲାଣି । ଖାସ୍ କରି ଗତ ଦୁଇଦିନ ତଳେ ଚଳନ୍ତା ବସ୍ରେ ନିଆଁ ଲାଗିବା ପରେ ଏହାର ସୁରକ୍ଷା ପ୍ରତି ସିଧାସଳଖ ଅଙ୍ଗୁଳି ଉଠାଉଛନ୍ତି ଯାତ୍ରୀ । ଅନ୍ୟପକ୍ଷରେ ସିଟି ବସ୍ ସମ୍ପର୍କିତ ସମସ୍ୟା ପାଇଁ ଗତ ୬ ମାସ ତଳେ ‘ଟ୍ରାଭେଲ୍ ସ୍ମାର୍ଟ’ ମୋବାଇଲ୍ ଆପ୍ ଆରମ୍ଭ କରାଯିବ ବୋଲି ବିପିଟିଏସ୍ ସ୍ୱପ୍ନ ଦେଖିଥିଲା । ହେଲେ ଏହା ବାସ୍ତବତାଠୁ ବହୁ ଦୂରରେ ଭଳି ମନେ ହେଉଛି । ବିଡିଏ, ଭୁବନେଶ୍ୱର ସ୍ମାର୍ଟସିଟି ଲିଃ ଓ ବିପିଟିଏସ୍ ଜନ ପରିବହନ ଓ ଗମନାଗମନକୁ ନେଇ ବହୁ ଯୋଜନା କରିଛି । ହେଲେ ସେଥିରୁ କୌଣସି ବି ଗୋଟିଏ ଯୋଜନା ଏପର୍ଯ୍ୟନ୍ତ ପୂର୍ଣ୍ଣାଙ୍ଗ ହୋଇନି । ସିଟିବସ୍‌ ସେବାକୁ ତ୍ୱରାନ୍ୱିତ କରିବା ପାଇଁ ଏକ ସ୍ୱତନ୍ତ୍ର ମୋବାଇଲ୍‌ ଆପ୍‌ ‘ଟ୍ରାଭେଲ୍‌ ସ୍ମାର୍ଟ’ ପ୍ରସ୍ତୁତ ହୋଇଥିଲା । ତେବେ ଏହି ଆପ୍‌ ଅଗଷ୍ଟ ମାସ ସୁଦ୍ଧା ଲୋକାର୍ପଣ ହେବାକୁ ଥିଲେ ମଧ୍ୟ ଏପର୍ଯ୍ୟନ୍ତ ହୋଇନାହିଁ ।

ଗର୍ଭଗୃହରେ ଦର୍ଶନ ମନା

srimandira

ଏହା ଶ୍ରୀମନ୍ଦିର ପରମ୍ପରା ବିରୋଧୀ: ସେବାୟତ
ପୁରୀ, ୧୬ା୧୨(ଆପ୍ର): ଶ୍ରୀମନ୍ଦିର ଗର୍ଭଗୃହରେ ପ୍ରବେଶ କରି ଶ୍ରୀଜିଉଙ୍କ ଦର୍ଶନକୁ ରାଜ୍ୟ ସରକାର ବାରଣ କରିଛନ୍ତି । ଏହା ସାଧାରଣ ଭକ୍ତଙ୍କଠାରୁ ଆରମ୍ଭକରି ଭିଭିଆଇପିମାନଙ୍କ ପାଇଁ ମଧ୍ୟ ଲାଗୁ କରାଯିବ । ଏପରିକି ସାହଣ ମେଳା ଓ ପରମାଣିକ ଦର୍ଶନ ବେଳେ ମଧ୍ୟ ଭକ୍ତଙ୍କୁ ଗର୍ଭଗୃହକୁ ଛଡାଯିବନାହିଁ । ରନôସିଂହାସନ ନିକଟକୁ କୌଣସି ଭକ୍ତ ଯାଇପାରିବେନାହିଁ ବୋଲି ସରକାରଙ୍କ ପକ୍ଷରୁ ପୁରୀ ଶ୍ରୀଜଗନ୍ନାଥ ମନ୍ଦିର ପ୍ରଶାସନକୁ ନିଦେ୍ର୍ଦଶ ଦିଆଯାଇଛି । ଅପରପକ୍ଷରେ ଶ୍ରୀମନ୍ଦିର ମୁଖ୍ୟ ପ୍ରଶାସକ ପ୍ରଦୀପ ଜେନା କହିଛନ୍ତି ଯେ ସରକାରଙ୍କ ନିଦେ୍ର୍ଦଶ ସମ୍ପର୍କରେ ପରିଚାଳନା ପରିଷଦ ବୈଠକରେ ଆଲୋଚନା ହେବ । ବୈଠକରେ ଯାହା ସ୍ଥିର ହେବ ତଦନୁଯାୟୀ ପଦକ୍ଷେପ ନିଆଯିବ ବୋଲି ସେ କହିଛନ୍ତି । ଶ୍ରୀମନ୍ଦିର ସଂସ୍କାର କମିଶନଙ୍କ ସୁପାରିସକୁ ଆଧାର କରି ରାଜ୍ୟ ସରକାର ଏହି କଟକଣା କରିଛନ୍ତି । ଭକ୍ତମାନେ ଶ୍ରୀଜିଉଙ୍କଠାରୁ ଥିବା ୩୫ ମିଟରେ ଦୂରତାରେ ରହି ବାହାର କାଠ ନିକଟରୁ ଦର୍ଶନ କରିବେ ।

କଂଗ୍ରେସରେ ରାହୁଲ ଯୁଗ

633665-rahul-sonia

ନୂଆଦିଲ୍ଲୀ, ୧୬ା୧୨: ଅଖିଳ ଭାରତ କଂଗ୍ରେସ କମିଟି (ଏଆଇସିସି) ଅଧ୍ୟକ୍ଷଭାବେ ଆଜି ରାହୁଲ ବିଧିବଦ୍ଧଭାବେ ଦାୟିତ୍ୱ ନେଇଛନ୍ତି । ଦଳର ମୁଖ୍ୟାଳୟ ୨୪ ଅକ୍ବର ରୋଡ୍ରେ ଅନୁଷ୍ଠିତ ଏକ ସମାରୋହରେ ଏଆଇସିସିର ଅଧ୍ୟକ୍ଷା ସୋନିଆ ଗାନ୍ଧିଙ୍କଠାରୁ ରାହୁଲ ଦାୟିତ୍ୱ ନେଇଛନ୍ତି । ହଜାର ହଜାର ସମର୍ଥକଙ୍କ ଗହଣରେ ରାହୁଲ ଏହି ଦାୟିତ୍ୱ ନେଲାପରେ କଂଗ୍ରେସର ଏକ ନୂଆ ଯୁଗ ଆରମ୍ଭ ହେବ ବୋଲି ଦଳୀୟ କର୍ମୀ ଓ ନେତାମାନେ ମତପୋଷଣ କରିବା ସହ ଏଥର ପରିବର୍ତ୍ତନ ଆସିବ ବୋଲି ସୂଚନା ଦେଇଛନ୍ତି । ଅପରପକ୍ଷରେ ରାହୁଲ ସଭାପତିଭାବେ ଦାୟିତ୍ୱ ନେଲାପରେ ତାଙ୍କ ଅଭିଭାଷଣରେ ବିଜେପି ଓ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଉପରେ ବର୍ଷିଛନ୍ତି । ରାହୁଲ କହିଛନ୍ତି ଯେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭାରତକୁ ମଧ୍ୟଯୁଗକୁ ନେଇଯାଇଛନ୍ତି । ସୋନିଆ ଗାନ୍ଧିଙ୍କ ବିଦାୟୀ ଅଭିଭାଷଣ ବେଶ୍ ଭାବବିହ୍ୱଳ ଥିଲା । ଶ୍ରୀମତୀ ଗାନ୍ଧି କହିଥିଲେ ଯେ ରାହୁଲ ମୋ ପୁଅ, ତେଣୁ ତାଙ୍କର ମୁଁ ପ୍ରଶଂସା କରିବିନାହିଁ । ବିନା ଭୟରେ ସେ କାର୍ଯ୍ୟ କରିବେ ବୋଲି ସେ ଆଶାବ୍ୟକ୍ତ କରିଥିଲେ । ଦଳୀୟ କାର୍ଯ୍ୟାଳୟରେ ଅନୁଷ୍ଠିତ ଏହି ସମାରୋହରେ ପ୍ରିୟଙ୍କା ଗାନ୍ଧି, ରବର୍ଟ ଭଦ୍ରା, ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହ ଓ ଅନ୍ୟାନ୍ୟ ବରିଷ୍ଠ କଂଗ୍ରେସ ନେତାମାନେ ଉପସ୍ଥିତ ଥିଲେ ।

ଅର୍ଥନୈତିକ ଅପରାଧ ମାମଲାରେ ଖସୁଛନ୍ତି ୮୮%

ଭୁବନେଶ୍ୱର, ୧୬ା୧୨(ତଥ୍ୟ): ଅର୍ଥନୈତିକ ଅପରାଧ ସଂକ୍ରାନ୍ତୀୟ ମାମଲାରେ ଓଡିଶାରେ ଦଣ୍ଡବିଧାନ ହାର ଅତ୍ୟନ୍ତ ନୈରାଶ୍ୟଜନକ । ରାଜ୍ୟରେ ଏବେ ଏ ସଂକ୍ରାନ୍ତୀୟ ୧୪ ହଜାରରୁ ଅଧିକ ମାମଲା ବିଚାର ପ୍ରତୀକ୍ଷାରେ ଥିବାବେଳେ ବର୍ଷକୁ ଦେଢ ହଜାର ମାମଲାର ଫଏସଲା ବି ହେଉନାହିଁ । ଜାତୀୟ କ୍ରାଇମ୍‌ ରେକର୍ଡ ବୁ୍ୟରୋ (ଏନ୍‌ସିଆରବି)ର ପ୍ରକାଶିତ ସର୍ବଶେଷ ରିପୋର୍ଟରୁ ଏହି ତଥ୍ୟ ଜଣାପଡିଛି । ୨୦୧୬ ପୂର୍ବରୁ ଅର୍ଥନୈତିକ ଅପରାଧ ସଂକ୍ରାନ୍ତୀୟ ୧୨,୭୬୫ ଟି ମାମଲା ବିଚାର ପ୍ରତୀକ୍ଷାରେ ଥିବାବେଳେ ୨୦୧୬ରେ ଏଥିରେ ଯୋଡି ହୋଇଥିଲା ଆଉ ୨୪୬୩ଟି ମାମଲା । ମୋଟାମୋଟି ଭାବେ ୨୦୧୬ ବର୍ଷ ବେଳକୁ ଅର୍ଥନୈତିକ ଅପରାଧ ସଂକ୍ରାନ୍ତୀୟ ୧୫,୨୨୮ ଟି ମାମଲା ବିଚାରପାଇଁ ପଡି ରହିଥିବାବେଳେ ସେଥିରୁ ସରକାର ୨୧ଟି ମାମଲା ପ୍ରତ୍ୟାହାର କରିନେଇଥିଲେ । ତେବେ ଉକ୍ତ ବର୍ଷରେ ମାତ୍ର ୧୨୦୬ଟି ଅର୍ଥନୈତିକ ଅପରାଧ ସଂକ୍ରାନ୍ତୀୟ ମାମଲାର ଶୁଣାଣି ସରିଥିଲା ।

ବିହାରରେ ୩୫ ଓଡ଼ିଆ ଦାଦନ ନଜରବନ୍ଦୀ

TIHIDI_35-LABOURS-IN-DETAINED-IN-BIHAR

୪ ଦିନ କାମ କରାଇ ଠିକାଦାର ଚମ୍ପଟ
ତିହିଡି ୧୬ା୧୨(ଆପ୍ର): ଭଦ୍ରକ ଜିଲ୍ଲା ବିଭିନ୍ନ ବ୍ଲକର ୩୫ଜଣ ଓଡ଼ିଆ ଦାଦନ ବିହାର ଷ୍ଟିଲ୍ କମ୍ପାନୀର ନଜରବନ୍ଦୀରେ ଥିବା ସୂଚନା ମିଳିଛି । ସମ୍ପୃକ୍ତ ଠିକାଦାର ସେମାନଙ୍କୁ ମାତ୍ର ୪ ଦିନ କାମଦେଇ ଚମ୍ପଟ ମାରିଥିବା ଜଣାଯାଇଛି । ଦାଦନମାନେ ଘରକୁ ଫେରିବାକୁ ·ହୁଁଥିବା ବେଳେ କମ୍ପାନୀ ସେମାନଙ୍କୁ ନଜରବନ୍ଦୀରେ କମ୍ପାନୀରେ କାମ କରାଉଥିବା ଅଭିଯୋଗ ହୋଇଛି । ଏନେଇ ପ୍ରତାପ ଦାସ କୌଣସି ଉପାୟରେ ସେମାନଙ୍କର ଭିଜୁଆଲ ପଠାଇଥିବା ଏବଂ ସେମାନଙ୍କୁ ମୁକୁଳାଇବାରେ ରାଜ୍ୟ ସରକାର ସହଯୋଗ କରିବାକୁ ନିବେଦନ କରିଛନ୍ତି । ପ୍ରକାଶ ଥାଉକି, ଭଦ୍ରକ ଜିଲ୍ଲା ତିହିଡି ବ୍ଲକର କାଁପଡା, ଦହପାଣିଆ, ନୂଆବନ୍ଧ, ବଙ୍ଗାଳିଦପା, ନୂଆାସାହି, ବାସୁଦେବପୁର, ବଡକିଆରି ତଥା ଅନ୍ୟ ବ୍ଲକର ମୋଟ୍ ୩୫ ଜଣ ଗତ ୧୮ ନଭେମ୍ବର ୨୦୧୭ରେ ତିହିଡି ବ୍ଲକ ଗୋବିନ୍ଦପୁର ପଞ୍ଚାୟତ ଅଧିନ କୁଆଁରଚତର ଗ୍ରାମର ଜନୈକ ଠିକାଦାରଙ୍କ ସହ ବିହାର ରାଜ୍ୟର ମୁଜାଫରପୁର ଜିଲ୍ଲା କାନ୍ତି ମାର୍କେଟ ସ୍ଥିତ ଭାଗବତୀ ଷ୍ଟିଲ୍ କମ୍ପାନୀରେ ଶ୍ରମିକ ଭାବେ କାମ କରିବାକୁ ନେଇଥିଲେ । ୨୦ ତାରିଖରୁ କାମ କରିବା ପରେ ୨୪ ତାରିଖରେ ସଂପୃକ୍ତ ଠିକାଦାର ଚମ୍ପଟ ମାରିଥିବା ଜଣା ପଡିଥିଲା । କମ୍ପାନୀର ମାଲିକ ୩୫ଜଣ ଦାଦନଙ୍କ ସହ ଆଲୋଚନା କରି ମଜୁରୀ ବାବଦକୁ ମାସିକ ୩.୪୫ ଲକ୍ଷ ଟଙ୍କା ପ୍ରଦାନ କରିବାକୁ ନିଷ୍ପତ୍ତି ହୋଇଥିଲା ।

ପ୍ରତିଷ୍ଠା ଦିବସରେ ବିଜେଡିର ନିର୍ବାଚନ ବିଗୁଲ୍

naveen-clip

ପୁରୀରୁ ମନ୍ତ୍ର
ଭୁବନେଶ୍ୱର, (ବୁ୍ୟରୋ): ଆଗାମୀ ବର୍ଷ ନିର୍ବାଚନର ବର୍ଷ ହେବ ବୋଲି ରାଜନୈତିକ ପଣ୍ଡିତମାନେ ଭବିଷ୍ୟବାଣୀ କରିବା ଆରମ୍ଭ କରିଛନ୍ତି । ଅବଶ୍ୟ ଓଡିଶା ପରିପ୍ରେକ୍ଷୀରେ ନୂଆବର୍ଷ (୨୦୧୮) ପ୍ରାରମ୍ଭରୁ ସମଗ୍ର ରାଜ୍ୟରେ ନିର୍ବାଚନୀ ବାତାବରଣ ସୃଷ୍ଟି ହେବ । ନୂଆ ବର୍ଷରେ ବିଜେପୁରରେ ଉପନିର୍ବାଚନ ହେବା ପ୍ରାୟ ସ୍ପଷ୍ଟ । ଏହାପରେ ପୌରପରିଷଦ ନିର୍ବାଚନ ପ୍ରକ୍ରିୟା ଆରମ୍ଭ ହେବ । ପୌରପରିଷଦ ନିର୍ବାଚନ ପ୍ରକ୍ରିୟା ଶେଷ ହେବାର ମାତ୍ର କେତେଟା ମାସ ପରେ ସାଧାରଣ ନିର୍ବାଚନ ଲାଗି ବିଗୁଲ୍ ବାଜିବ । ଯଦି ଲୋକସଭା ନିର୍ବାଚନ ଆଗୁଆ ନହୁଏ, ତା’ହେଲେ ୨୦୧୯ ପ୍ରଥମାର୍ଦ୍ଧରେ ସମଗ୍ର ଦେଶରେ ସାଧାରଣ ନିର୍ବାଚନ ହେବ ଓ ଓଡିଶା ବିଧାନସଭା ନିର୍ବାଚନ ସେହି ସମୟରେ ହେବ । ନିର୍ବାଚନ ଗଣିତକୁ ଆଖିଆଗରେ ରଖି ବିଜେଡି ତା’ର ସମ୍ପୂର୍ଣ୍ଣ ପ୍ରସ୍ତୁତି ଆରମ୍ଭ କରିସାରିଛି । ଦଳର ୨୦ତମ ପ୍ରତିଷ୍ଠା ଦିବସରେ ନିର୍ବାଚନ ବିଗୁଲ ବଜାଇବା ପାଇଁ ପ୍ରସ୍ତୁତି ଚୂଡାନ୍ତ ହୋଇଛି । ଦଳର ଏହି ପ୍ରତିଷ୍ଠା ଦିବସ ଏଥର ଭୁବନେଶ୍ୱର ମୁଖ୍ୟ କାର୍ଯ୍ୟାଳୟ ପରିବର୍ତ୍ତେ ପୁରୀରେ ପାଳନ ହେବ । ପୁରୀରେ ହେବାକୁ ଥିବା ଏହି ଭବ୍ୟ ସମାବେଶରେ ଦଳର କର୍ମୀ, ନେତାଙ୍କ ପାଇଁ ନୂଆ ବାର୍ତ୍ତା ଆସିବ ବୋଲି ସୂଚନା ମିଳିଛି । ୧୯୯୭ ଡିସେମ୍ବର ୨୬ରେ ବିଜୁ ପଟ୍ଟନାୟକଙ୍କ ଆବର୍ତ୍ତମାନ ପରେ ତାଙ୍କ ନାମରେ ବିଜୁ ଜନତା ଦଳ (ବିଜେଡି) ଗଠନ ହୋଇଥିଲା ।

ଫାଇନାଲ୍ରେ ସିନ୍ଧୁ

Sindhu

ବିଶ୍ୱ ସୁପର୍ସିରିଜ୍ ଫାଇନାଲ୍ସ
ଦୁବାଇ, ୧୬ା୧୨ (ଏଜେନ୍ସି): ଅଲିମ୍ପିକ୍ ଓ ବିଶ୍ୱ ଚାମ୍ପିଅନ୍ସିପ୍ ରୌପ୍ୟବିଜୟିନୀ ପିଭି ସିନ୍ଧୁ ଉଲ୍ଲେଖନୀୟ ପ୍ରଦର୍ଶନ କରି ଶନିବାର ବିଡବ୍ଲୁ୍ୟଏଫ୍ ବିଶ୍ୱ ସୁପର୍ସିରିଜ୍ ଫାଇନାଲ୍ସର ମହିଳା ସିଙ୍ଗଲ୍ସ ଫାଇନାଲ୍ରେ ପ୍ରବେଶ କରିଛନ୍ତି । ସେ ଭାରତର ଏକମାତ୍ର ଖେଳାଳି ଭାବେ ପ୍ରତିଯୋଗିତାରେ ତିଷ୍ଠି ରହିଛନ୍ତି । ସେମିଫାଇନାଲ୍ ମୁକାବିଲାରେ ବିଶ୍ୱର ତିନି ନମ୍ବର ଖେଳାଳି ସିନ୍ଧୁ ଆଠ ନମ୍ବର ଖେଳାଳି ଚୀନା ତରୁଣୀ ଚେନ୍ ୟୁଫେଇଙ୍କୁ ୨୧-୧୫, ୨୧-୧୮ରେ ପରାସ୍ତ କରିଥିଲେ । ଏହି ସଂଘର୍ଷପୂର୍ଣ୍ଣ ମ୍ୟାଚ୍ ୫୯ ମିନିଟ୍ ଧରି ଚାଲିଥିଲା । ସେ ଫାଇନାଲ୍ରେ ଜାପାନ୍ର ଅକାନେ ୟାମାଗୁଚିଙ୍କୁ ଭେଟିବେ । ବିଶ୍ୱ ମାନ୍ୟତାର ଦୁଇ ନମ୍ବର ଖେଳାଳିଙ୍କୁ ଭାରତୀୟ ତାରକା ଗ୍ରୁପ୍ ପର୍ଯ୍ୟାୟରେ ମାତ୍ର ୩୬ ମିନିଟ୍ରେ ପରାଜିତ କରିଥିଲେ । ଏହାଫଳରେ ସିନ୍ଧୁଙ୍କ ଟାଇଟଲ୍ ଆଶା ଉଜ୍ଜ୍ୱଳ ହୋଇଛି ।

ବାର୍ହା ଉପଦ୍ରବରେ ଫସଲ ହାନି

banpur-(1)

ବାଣପୁର (ଆପ୍ର): ଚାଷୀ ମୁଣ୍ଡରେ ଚଡ଼କ । ଲଘୁଚାପ ବର୍ଷା, ଚକଡ଼ା ପୋକ ଓ କୋହଲା ପବନ ଭଳି ଦୈବ ଦୁର୍ବିପାକରୁ ବଞ୍ଚô ଯାଇଥିବା ଫସଲକୁ ବାର୍ହା ଦଳ ଦଳାଚକଟା କରି ନଷ୍ଟ କରିଦେଇଛନ୍ତି । ଚଳିତ ବର୍ଷ ଅନୁକୂଳ ପାଗଯୋଗୁଁ ବାଣପୁର ବ୍ଲକ ଅଞ୍ଚଳରେ ଭଲ ଧାନ ଫସଲ ହୋଇଥିଲା । ମାତ୍ର ଅମଳ ସମୟରେ କୋହଲାପାଗ ଓ ଦୁଇ ଦୁଇ ଧର ଲଘୁଚାପ ବର୍ଷା ପ୍ରଭାବରେ ଧାନଗୁଡିକ ଜମିରେ ଶୋଇଯିବା ସହ ପାଣିରେ ବୁଡି ପଚିଯାଇଥିଲା । ଏଥିରୁ ଅମଳ କମ୍ ହେବା ଆଶଙ୍କାରେ ଚାଷୀକୁଳ ହତାଶ ହୋଇପଡିଥିଲେ । ଏପରି ସ୍ଥଳେ ପ୍ରତାପ ଓ ବେଙ୍ଗରାଜପଲ୍ଲୀ ଗ୍ରାମର ଧାନ ଫସଲକୁ ବାର୍ହା ଦଳ ଦଳାଚକଟା କରି ନଷ୍ଟ କରିଦେଇଛନ୍ତି ।