Category Archives: Breaking News

୪ ଜିଲ୍ଲାରେ ହୋଇଛି ଶତପ୍ରତିଶତ

aadhar

ସ୍କୁଲ୍ ଛାତ୍ରଛାତ୍ରୀଙ୍କ ଆଧାର ଲିଙ୍କ୍
ଭୁବନେଶ୍ୱର, ୧୭ା୧୧(ବୁ୍ୟରୋ): ସ୍କୁଲ୍ ଛାତ୍ରଛାତ୍ରୀଙ୍କ ଆଧାର ସଂଯୋଗକୁ ରାଜ୍ୟ ସରକାର ବାଧ୍ୟତାମୂଳକ କରିଛନ୍ତି । ଆଧାର ସଂଯୋଗ ନହେଲେ ମଧ୍ୟାହ୍ନ ଭୋଜନ ମିଳିବନାହିଁ ବୋଲି ନିଦେ୍ର୍ଦଶନାମା ରହିଛି । ହେଲେ ଆଧାର ସଂଯୋଗୀକରଣ କାର୍ଯ୍ୟ ଧିମେଇଯାଇଥିବା ନେଇ ଗଣଶିକ୍ଷା ବିଭାଗ ପକ୍ଷରୁ ଚିନ୍ତା ପ୍ରକଟ କରାଯାଇଛି । ଓପେପା ପକ୍ଷରୁ ଏହାକୁ ଅତ୍ୟନ୍ତ ଗୁରୁତର ସହ ନିଆଯାଇ ନଭେମ୍ବର ୩୦ ସୁଦ୍ଧା ଆଧାର ସଂଯୋଗୀକରଣ ଶେଷ କରିବାକୁ ସମସ୍ତ ଜିଲ୍ଲା ଶିକ୍ଷା ଅଧିକାରୀ, ଜିଲ୍ଲା ପ୍ରକଳ୍ପ ସଂଯୋଜକ, ବ୍ଲକ୍ ଶିକ୍ଷା ଅଧିକାରୀଙ୍କୁ ଚିଠି ଲେଖାଯାଇଛି । ୩୧୪ ବ୍ଲକ୍ରେ ଆଧାର ସଂଯୋଗ କରିବା ପାଇଁ ଓପେପା ପକ୍ଷରୁ ଗଣଶିକ୍ଷା ବିଭାଗ ସଚିବଙ୍କ ନିଦେ୍ର୍ଦଶକ୍ରମେ ସବୁ ଜିଲ୍ଲା ଶିକ୍ଷା ଅଧିକାରୀ ଓ ବ୍ଲକ୍ ଶିକ୍ଷା ଅଧିକାରୀଙ୍କୁ ନିଦେ୍ର୍ଦଶ ଦିଆଯାଇଥିଲା । ରାଜ୍ୟର ୩୧୩ ବ୍ଲକ୍ ମଧ୍ୟରୁ ମାତ୍ର ୪ଟି ବ୍ଲକ୍ରେ ଶତ ପ୍ରତିଶତ ଆଧାର ପଞ୍ଜିକରଣ ହୋଇଥିବା ଜଣାପଡିଛି । ଅନ୍ୟ ୩୧୦ ବ୍ଲକ୍ରେ ସ୍ଥିତି ଅତ୍ୟନ୍ତ ଦୟନୀୟ ।

ପ୍ରଧାନମନ୍ତ୍ରୀଙ୍କୁ ସମୟ ମାଗିବ ଗୃହ କମିଟି

speaker

ଧାନର ଏମ୍ଏସ୍ପି ବୃଦ୍ଧି ପ୍ରସଙ୍ଗ
ଭୁବନେଶ୍ୱର, ୧୭ା୧୧(ବୁ୍ୟରୋ): ଧାନର ସର୍ବନିମ୍ନ ସହାୟକ ମୂଲ୍ୟ ବୃଦ୍ଧି କରିବା ଦାବିରେ ବିଧାନସଭାର ଗୃହ କମିଟି ପୁଣି ପ୍ରଧାନମନ୍ତ୍ରୀଙ୍କୁ ସାକ୍ଷାତ କରିବ । ବିଧାନସଭାର ଶୀତ ଅଧିବେଶନ ଅର୍ଥାତ୍ ନଭେମ୍ବର ୨୮ ପୂର୍ବରୁ ଏହି ସାକ୍ଷାତ କରାଯିବ ବୋଲି ଆଜି ଅନୁଷ୍ଠିତ ଗୃହ କମିଟି ବୈଠକରେ ଏହି ନିଷ୍ପତ୍ତି ନିଆଯାଇଛି । ପ୍ରଧାନମନ୍ତ୍ରୀ ସମୟ ନଦେଲେ ଏ ପ୍ରସଙ୍ଗରେ ଗୃହରେ ଆଲୋଚନା କରାଯିବ ବୋଲି ବିରୋଧୀ ଦଳ ନେତା ନରସିଂହ ମିଶ୍ର କହିଛନ୍ତି । ସୂଚନାଯୋଗ୍ୟ, ଧାନର ସର୍ବନିମ୍ନ ସହାୟକ ମୂଲ୍ୟକୁ କ୍ୱିଣ୍ଟାଲ ପିଛା ୨,୯୩୦ ଟଙ୍କାକୁ ବୃଦ୍ଧି କରିବା ପାଇଁ ବିଧାନସଭାରେ ସର୍ବସମ୍ମତ ପ୍ରସ୍ତାବ ପାରିତ ହୋଇଥିଲା । ଏ ସମ୍ପର୍କରେ ପ୍ରଧାନମନ୍ତ୍ରୀଙ୍କୁ ସାକ୍ଷାତ କରିବା ଲାଗି ଏକ ଗୃହ କମିଟି ଗଠନ କରାଯାଇଥିଲା । ଗୃହ କମିଟିରେ ସବୁ ଦଳର ସଭ୍ୟ ରହିଥିଲେ । ବାଚସ୍ପତିଙ୍କ ଅଧ୍ୟକ୍ଷତାରେ ଗଠିତ ଗୃହ କମିଟି ପ୍ରଧାନମନ୍ତ୍ରୀଙ୍କୁ ଭେଟିବା ଲାଗି ସମୟ ମାଗିଥିଲା । ମାତ୍ର ପ୍ରଧାନମନ୍ତ୍ରୀ ସମୟ ଦେଇନଥିଲେ । ଗୃହ କମିଟିର ଦାବିକୁ ବିଚାର ନକରି କେନ୍ଦ୍ର ସରକାର ମାତ୍ର ୮୦ ଟଙ୍କା କ୍ୱିଣ୍ଟାଲ ପିଛା ବଢାଇଥିଲେ ।

ଦିବ୍ୟାଙ୍ଗଙ୍କୁ ଉପହାସ: ମିଳୁନି ସରକାରୀ ସହାୟତା

DIBYANGA

ନିଶ୍ଚିନ୍ତକୋଇଲି (ଆପ୍ର): ଦିବ୍ୟାଙ୍ଗଙ୍କୁ ସମାଜର ମୁଖ୍ୟ ସ୍ରୋତରେ ସାମିଲ କରିବା ନିମନ୍ତେ କେନ୍ଦ୍ର ଓ ରାଜ୍ୟ ସରକାର ଯୋଜନା ଉପରେ ଯୋଜନା କାର୍ଯ୍ୟକାରୀ କରୁଛନ୍ତି । ଏଥି ନିମନ୍ତେ ସରକାରୀ ରାଜକୋଷରୁ ଲକ୍ଷ ଲକ୍ଷ ଟଙ୍କା ବିନିଯୋଗ କରାଯାଉଛି । ଦିବ୍ୟାଙ୍ଗଙ୍କୁ ଭତ୍ତା, ମାସିକ ଦଶ କିଗ୍ରା ଦିବ୍ୟାଙ୍ଗ ଚାଉଳ, ତିନି ଚକିଆ ଗାଡି, ଶ୍ରବଣ ଯନ୍ତ୍ର, ଆଶା ବାଡି ଯୋଗାଇ ଦିଆଯାଉଛି । ଏପରି ସ୍ଥଳେ ନିଶ୍ଚିନ୍ତକୋଇଲି ବ୍ଲକ ତରତ ଶାସନ ଗ୍ରାମ ପଞ୍ଚାୟତ ଦେବରାଳ ଗ୍ରାମର ଜଣେ ଦିବ୍ୟାଙ୍ଗ ପାଇଁ ସରକାରୀ ସହାୟତା ବହୁ ଦୂରରେ ରହିଯାଇଥିବାର ଅଭିଯୋଗ ହୋଇଛି । ଦେବରାଳ ଗ୍ରାମର ଶଙ୍କର ଲେଙ୍କାଙ୍କର ମନୋଜ କୁମାର ଲେଙ୍କା (୪୦ ) ଜଣେ ଦିବ୍ୟାଙ୍ଗ ହୋଇଥିବା ବେଳେ ଗୋଟିଏ ଗୋଡ ସମ୍ପୂର୍ଣ୍ଣ ଅଚଳ ହୋଇ ଯାଇଥିବାରୁ କୌଣସି କାମ ଧନ୍ଦା କରି ପାରନ୍ତି ନାହିଁ । ଦିବ୍ୟାଙ୍ଗ ମନୋଜଙ୍କୁ କଟକ ଜିଲ୍ଲା ମୁଖ୍ୟ ଚିକିସôାଧିକାରୀ ୬୦ ଶତକଡା ଦିବ୍ୟାଙ୍ଗ ପ୍ରମାଣ ପତ୍ର ପ୍ରଦାନ କରିଛନ୍ତି । ମନୋଜଙ୍କର ପରିବାର ପତ୍ନୀ ଗାୟତ୍ରୀ ଓ ଚାରି ବର୍ଷର ଶିଶୁ ପୁତ୍ର ନିହାର ରଞ୍ଜନକୁ ନେଇ ଗଠିତ । ମନୋଜ ଜଣେ ଭୂମିହୀନ ହୋଇଥିବା ବେଳେ ଆୟ କରିବାର କୌଣସି ଉପାୟ ନଥିବାରୁ ବହୁ ସମୟରେ ପେଟକୁ ଗଣ୍ଡେ ଦାନା ଠିକ ଭାବେ ଦେଇପାରନ୍ତି ନାହିଁ । ସରକାରଙ୍କ ତରଫରୁ ଦିବ୍ୟାଙ୍ଗ ମନୋଜଙ୍କୁ ମାସିକ ତିନି ଶହ ଟଙ୍କା ଭତ୍ତା ପ୍ରଦାନ କରାଯାଉଛି ।

ସର୍ବନିମ୍ନ ମୌଳିକ ସେବାକୁ ଧାର୍ଯ୍ୟ ସମୟରେ ଦିଅ

maheswar

ଭୁବନେଶ୍ୱର (ବୁ୍ୟରୋ): ରାଜସ୍ୱ ପ୍ରଶାସନକୁ ସ୍ୱଚ୍ଛ ଓ ଲୋକାଭିମୁଖୀ କରିବା ସହିତ ସର୍ବସାଧାରଣ ପ୍ରସଙ୍ଗଜଡ଼ିତ ସେବାଗୁଡ଼ିକୁ ନିର୍ଦ୍ଦିଷ୍ଟ ସମୟସୀମା ମଧ୍ୟରେ ଯୋଗାଇଦେବା ପାଇଁ ସଚିବାଳୟରେ ଅନୁଷ୍ଠିତ ଅତିରିକ୍ତ ଜିଲ୍ଲାପାଳମାନଙ୍କ ସମ୍ମିଳନୀରେ ରାଜସ୍ୱ ଓ ବିପର୍ଯ୍ୟୟ ପରିଚାଳନା ମନ୍ତ୍ରୀ ମହେଶ୍ୱର ମହାନ୍ତି ପ୍ରକାଶ କରିଛନ୍ତି । ସମସ୍ତ ତହସିଲରେ ସିସିଟିଭି ଓ ବାୟୋମେଟ୍ରିକ୍ସ ସ୍ଥାପନ କାର୍ଯ୍ୟ ଡିସେମ୍ବର ସୁଦ୍ଧା ସଂପୂର୍ଣ୍ଣ କରି କାର୍ଯ୍ୟକ୍ଷମ କରିବା ପାଇଁ ମନ୍ତ୍ରୀ ଶ୍ରୀ ମହାନ୍ତି ନିଦେ୍ର୍ଦଶ ଦେଇଥିଲେ । ଏଥିସହିତ ତହସିଲ ପକ୍ଷରୁ ସମସ୍ତ ଦାଖଲ ଖାରଜ ମାମଲା ଏବଂ ଓଏଲ୍ଆର୍ ୮(ଏ) ମାମଲାର କଜ୍ଲିଷ୍ଟ ନୋଟିସ୍ ବୋର୍ଡ଼ରେ ପ୍ରଦର୍ଶନ କରାଯିବା ସହିତ ୱେବ୍ସାଇଟ୍ରେ ଉଲ୍ଲେଖ କରାଯିବା ଦ୍ୱାରା ଜନସାଧାରଣ ଉପକୃତ ହେବେ ଏବଂ ରାଜସ୍ୱ ପ୍ରଶାସନ ଅଧିକ ଲୋକାଭିମୁଖୀ ହୋଇପାରିବ ବୋଲି ମନ୍ତ୍ରୀ କହିଥିଲେ । ଇ-ରେଜିଷ୍ଟ୍ରେସନକୁ ତ୍ୱରାନ୍ୱିତ କରାଯିବା ଦ୍ୱାରା ୩ ଦିନ ମଧ୍ୟରେ ସେଲ୍ଡିଡ୍ ମିଳିପାରୁଛି ବୋଲି ମନ୍ତ୍ରୀ କହିଥିଲେ । ରାଜସ୍ୱ ପ୍ରଶାସନକୁ ଅଧିକ କ୍ରିୟାଶୀଳ କରିବା ପାଇଁ ଏନ୍ଆଇସି ପକ୍ଷରୁ ତହସିଲ ୱେବ୍ସାଇଟ୍ ନିମନ୍ତେ ଏକ କମନ୍ ୱେବ୍ ପ୍ଲାଟଫର୍ମ ପ୍ରସ୍ତୁତ କରାଯିବା ସହିତ ରାଜସ୍ୱ ମାମଲା ପରିଚାଳନା ପଦ୍ଧତି ପ୍ରସ୍ତୁତ କରାଯାଉଛି ବୋଲି ବୈଠକରେ ସୂଚନା ଦିଆଯାଇଥିଲା ।

୩୯,୬୦୯ ହିତାଧିକାରୀଙ୍କ ତଥ୍ୟ ଦିଅ

pds_food_subsidies

ଭୂତ ଖାଉଛି ପିଡିଏସ୍ ଚାଉଳ ପ୍ରସଙ୍ଗ
ଭୁବନେଶ୍ୱର (ବୁ୍ୟରୋ): ଜାତୀୟ ଖାଦ୍ୟ ନିରାପତ୍ତା ଆଇନରେ ମୃତବ୍ୟକ୍ତିଙ୍କ ନାମରେ ବ୍ୟାପକ ପିଡିଏସ୍ ସାମଗ୍ରୀ ବାଟମାରଣା ହେବା ଘଟଣା ପଦାକୁ ଆସିବା ପରେ ଏବେ ଖାଦ୍ୟ ଯୋଗାଣ ଓ ଖାଉଟୀ କଲ୍ୟାଣ ବିଭାଗ ଚେଇଁ ଉଠିଛି । ସମସ୍ତ ମୃତ ବ୍ୟକ୍ତିଙ୍କ ନାମକୁ ତାଲିକାରୁ ବାଦ୍ ଦେବା ଲାଗି ବିଭାଗ ପକ୍ଷରୁ ପ୍ରକ୍ରିୟା ଆରମ୍ଭ ହୋଇଛି । ଏନେଇ ସମସ୍ତ ଜିଲ୍ଲାପାଳଙ୍କୁ ନିଦେ୍ର୍ଦଶ ଦିଆଯାଇଛି । ରାଜ୍ୟରେ ୩୯ ହଜାର ୬୦୯ ମୃତ ବ୍ୟକ୍ତିଙ୍କ ନାମରେ ଦୀର୍ଘଦିନ ଧରି ପିଡିଏସ୍ ସାମଗ୍ରୀ ଉଠାଣ ହେଉଥିବା ରାଜ୍ୟ ସରକାରଙ୍କ ନଜରକୁ ଆସିବା ପରେ ଏହି ଘଟଣାକୁ ଗୁରୁତ୍ୱର ସହ ଗ୍ରହଣ କରିଛନ୍ତି ରାଜ୍ୟ ସରକାର । ତୁରନ୍ତ ସମସ୍ତ ଜିଲ୍ଲାର ମୃତ ବ୍ୟକ୍ତିଙ୍କ ନାମ ତାଲିକାରୁ ବାଦ୍ ଦେବା ସହ ସେମାନଙ୍କ ପରିବାର ବ୍ୟକ୍ତି ବିଶେଷଙ୍କ ନାମ ରାସନ୍ କାର୍ଡରେ ସ୍ଥାନିତ କରିବା ଲାଗି ଯୋଗାଣ ବିଭାଗର ସଚିବ ଭି.ଭି.ୟାଦବ ନିଦେ୍ର୍ଦଶନାମା ଜାରି କରିଛନ୍ତି ।

ଚୁନା ହୋଇଗଲା ସୁନା ଫସଲ

bilare-pachuchhi-dhana-2-(2)

ଦଶରଥପୁର(ଆପ୍ର): ଲଘୁଚାପ ଜନିତ ବର୍ଷା ଦଶରଥପୁର ଅଞ୍ଚଳରେ ବ୍ୟାପକ ଧାନ ଫସଲ କ୍ଷତିଗ୍ରସ୍ତ ହୋଇଛି । ବ୍ଲକର ୩୫ଟି ପଞ୍ଚାୟତରେ ୧୨ ହଜାର ୭୬୦ ହେକ୍ଟର ଧାନ ଜମିରେ ଧାନ ଚାଷ କରାଯାଇଥିବା ବେଳେ ୯ ହଜାର ୨୦ ହେକ୍ଟର ଜମିରେ ଧାନ ଚାଷ କ୍ଷତି ଗ୍ରସ୍ତ ହୋଇଥିବା ଚାଷୀଙ୍କ ଠାରୁ ଅଭିଯୋଗ ହୋଇଛି । ଶତାଧିକ ପାଚିଲା ଧାନ ଜମିରେ ବର୍ଷା ପାଣି ବୁଡ଼ି ରହିଥିବା ବେଳେ ଏହା ଗଜା ହେବାର ଆଶଙ୍କା ରହିଛି । ପ୍ରତ୍ୟେକ ପଞ୍ଚାୟତର ଚାଷୀଙ୍କୁ ଧାନ କ୍ଷେତକୁ ସୁରକ୍ଷା ରଖିବା ପାଇଁ ବ୍ଲକର ଶହକୃଷି ଅଧିକାରୀ ସମରେଶ ଚନ୍ଦ୍ର ବେହେରାଙ୍କ ନେତୃତ୍ୱରେ ୭ ଜଣ ଗ୍ରାମ ସେବକ ସଚେତନତା ଉଦେ୍ଦଶ୍ୟରେ ଚାଷୀଙ୍କୁ ୧୨ ତାରିଖରୁ ୧୪ ତାରିଖ ପର୍ଯ୍ୟନ୍ତ ଗାଁକୁ ଯାଇଥିବା ବେଳେ ୧୫ ତାରିଖ ଦିନ ପାଚିଲା ଧାନକୁ ଗଜାରୁ ରକ୍ଷା କରିବା ପାଇଁ ଲୁଣ ସିଞ୍ଚନ କରିବାକୁ ମାଇକ ଯୋଗେ ପ୍ରଚାର କରାଯାଇଥିଲା । ତେବେ ବ୍ଲକର କ୍ଷତି ଗ୍ରସ୍ତ ଧାନ ଚାଷିଙ୍କୁ କୃଷି ରୁଣ ଛାଡ କରିବା ଓ ସରକାରୀ ସହାୟତା ଯୋଗାଇ ଦେବାକୁ ଚାଷୀଙ୍କ ପକ୍ଷରୁ ପ୍ରଶାସନ ନିକଟରେ ଦାବି କରାଯାଇଛି । ତେବେ ଏ ଘଟଣାକୁ ଓଡ଼େଇର ଚାଷୀ ସୁରେନ୍ଦ୍ର ସେଠୀ କହିଛନ୍ତି ଯେ ଲଗାଣ ବର୍ଷା ଚାଷୀଙ୍କର ସୁନାର ଧାନ ଫସଲକୁ ଚୁନା କରିଦେଇଛି । ଦଶରଥପୁରର ମଙ୍ଗୁଳି ମୁଣ୍ଡା କହିଛନ୍ତି ବର୍ଷକର ଆହାର ପାଇଁ ଚାଷି ଅକ୍ଳାନ୍ତ ପରିଶ୍ରମ କରି ଅମଳକୁ ଅପେକ୍ଷା କରିଥିବାବେେଳେ ଏହି ଅଦିନିଆ ବର୍ଷା ଚାଷି ମେରୁଦଣ୍ଡରେ ପାହାର ଦେବା ଭଳି ଅବସ୍ଥା ସୃଷ୍ଟି କରିଛି ।

ଟୀକାକରଣ ଅଭିଯାନ ଲାଗି ଟାସ୍କ ଫୋର୍ସ

News-7

କେନ୍ଦୁଝର,୧୭ ।୧୧(ଆପ୍ର): ମିଳିମିଳା ଓ ରୁବେଲା ଟୀକାକରଣ ଅଭିଯାନ କାର୍ଯ୍ୟକ୍ରମରେ ୯ ମାସରୁ ୧୫ ବର୍ଷ ବୟସ ପର୍ଯ୍ୟନ୍ତ ସମସ୍ତ ପିଲାଙ୍କୁ ଟୀକା ଦେବାର ବ୍ୟବସ୍ଥା କରାଯାଉଛି । ଏହା ଆଗାମୀ ଜାନୁଆରୀ ୨୯ ତାରିଖରୁ ଆରମ୍ଭ ହୋଇ ୫ ସପ୍ତାହ ପର୍ଯ୍ୟନ୍ତ ଚାଲୁ ହେବ ବୋଲି ସ୍ଥିରୀକୃତ ହୋଇଛି । ଶତପ୍ରତିଶତ ଟୀକାକରଣ ଅଭିଯାନର ସଫଳତା ପାଇଁ ଜିଲ୍ଲାପାଳ ସରକାରୀ କର୍ମଚାରୀ, ଲୋକପ୍ରତିନିଧି, ସ୍ୱଚ୍ଛେସେବୀ ସଂଗଠନର କର୍ମକର୍ତ୍ତା ଓ ଗଣମାଧ୍ୟମର ପ୍ରତିନିଧିମାନଙ୍କ ସହଯୋଗ କାମନା କରିଛନ୍ତି । ଜିଲ୍ଲାରେ ମିଳିମିଳା ଓ ରୁବେଲା ଟୀକାକରଣ ଅଭିଯାନ ନିମନ୍ତେ ଚୂଡାନ୍ତ କାର୍ଯ୍ୟ ଖସଡା ପ୍ରସ୍ତୁତି ପାଇଁ ଚଳିତ ନଭେମ୍ବର ୧୭ ତାରିଖରେ ଜିଲ୍ଲା ମୁଖ୍ୟ ଚିକିତ୍ସାଳୟର ଡିଟିୟୁ ହଲ୍ଠାରେ ଅନୁଷ୍ଠିତ ଜିଲ୍ଲା ଟାସ୍କ୍ ଫୋର୍ସ ବୈଠକରେ ଅଧ୍ୟକ୍ଷତା କରି ବିଭିନ୍ନ କାର୍ଯ୍ୟକ୍ରମର ସମୀକ୍ଷା କରିବା ସହିତ ନିର୍ଦ୍ଧାରିତ ସମୟ ଅବଧି ମଧ୍ୟରେ ଟୀକାକରଣ ଅଭିଯାନ ସମାପ୍ତ କରିବାକୁ ଜିଲ୍ଲାପାଳ ଡଃ ଏନ୍. ତିରୁମାଲା ନାୟକ ନିଦେ୍ର୍ଦଶ ଦେଇଥିଲେ ।

ଭୂତକୋଠି ପାଲଟିଛି ଡାକ୍ତରଖାନା

2-Buguda--karchule-medical

ବୁଗୁଡ଼ା (ଆପ୍ର): କରଚୁଲି ଡାକ୍ତରଖାନା ପାଲଟିଛି ଭୂତକୋଠି । ସେଠାରେ ଡାକ୍ତର କିମ୍ବା ଫାର୍ମାସିଷ୍ଟ କେହି ନଥିବା ଯୋଗୁଁ ଚାବିପଡ଼ିଛି । ୧୯୯୭ ମସିହାରେ ଡିସ୍ପେନ୍ସରି ଭାବେ ଏହା ଆରମ୍ଭ ହୋଇଥିବାବେଳେ ପରବର୍ତ୍ତୀ ସମୟରେ ସ୍ୱାସ୍ଥ୍ୟ କେନ୍ଦ୍ରଟି ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରର ମାନ୍ୟତା ପାଇଛି । ନିୟମାନୁସାରେ ଡାକ୍ତରଖାନାରେ ଜଣେ ଏମ୍ବିବିଏସ୍ ଡାକ୍ତର ଓ ଜଣେ ଆୟୁଷ ଡାକ୍ତରଙ୍କ ସମେତ ଜଣେ ଫାର୍ମାସିଷ୍ଟ, ଜଣେ ଟେକ୍ନିସିଆନ୍, ଜଣେ ମହିଳା ସ୍ୱାସ୍ଥ୍ୟକର୍ମୀ ଓ ଜଣେ ଚତୁର୍ଥ ଶ୍ରେଣୀ କର୍ମଚାରୀ ରହିବା କଥା । ହେଲେ ଡାକ୍ତରଖାନାରେ ପ୍ରାୟ ୧୦ବର୍ଷରୁ ଊଦ୍ଧ୍ୱର୍ ହେବ କେହି ଏମ୍ବିବିଏସ ଡାକ୍ତର ନାହାନ୍ତି । ପ୍ରାଥମିକ ସ୍ୱାସ୍ଥ୍ୟ କେନ୍ଦ୍ରଟି ହୋମିଓପ୍ୟାଥିକ, ଆୟୁଷ ଡାକ୍ତର ଓ ଫାର୍ମାସିଷ୍ଟଙ୍କ ଦ୍ୱାରା ପରିଚାଳିତ ହୋଇଆସୁôଥିଲା । ଦୁଇ ବର୍ଷ ହେଲା କାର୍ଯ୍ୟରତ ଫାର୍ମାସିଷ୍ଟ ଜଣଙ୍କ ଅବସର ଗ୍ରହଣ କରିଥିବାବେଳେ କେବଳ ଜଣେ ହୋମିଓପ୍ୟାଥିକ ଆୟୁଷ ଡାକ୍ତରଙ୍କ ଦ୍ୱାରା ଡାକ୍ତରଖାନା ଚାଲୁଥିଲା ।