Category Archives: Breaking News

ବଢିÿଲା ବୈଜୟନ୍ତଙ୍କ ଅଡୁଆ: ଅଭିଯୋଗ ଆଣିଲା ମହାକାଳପଡ଼ା ବିଜେଡି

IMG-20180116-WA0079

ଅନୁଧ୍ୟାନ କରିବେ ଉଷା ଓ ପ୍ରମିଳା
ଭୁବନେଶ୍ୱର, ୧୬ା୧(ବୁ୍ୟରୋ): ସାଂସଦ ବୈଜୟନ୍ତ ପଣ୍ଡାଙ୍କ ବିରୋଧରେ ଦଳୀୟ କର୍ମୀଙ୍କ ଅସନ୍ତୋଷ ବୃଦ୍ଧି ପାଇବାରେ ଲାଗିଛି । ନିଶ୍ଚିନ୍ତକୋଇଲି ବ୍ଲକ୍ ପରେ ଆଜି ମହାକାଳପଡା ନିର୍ବାଚନମଣ୍ଡଳୀର ବିଜୁ ଜନତା ଦଳ କର୍ମୀମାନେ ବୈଜୟନ୍ତଙ୍କ ବିରୋଧରେ ଦଳର ରାଜ୍ୟ ସଭାପତି ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନିକଟରେ ଫେରାଦ ହୋଇଛନ୍ତି । ଶ୍ରୀ ପଟ୍ଟନାୟକ କର୍ମୀମାନେ ଉଠାଇଥିବା ଅଭିଯୋଗର ଅନୁଧ୍ୟାନ କରାଯିବ ବୋଲି କହିଛନ୍ତି । ନିଶ୍ଚିନ୍ତକୋଇଲି ବ୍ଲକ୍ କର୍ମୀମାନେ ଉଠାଇଥିବା ଅଭିଯୋଗ ସମ୍ପର୍କରେ ମନ୍ତ୍ରୀ ଉଷା ଦେବୀ ଅନୁଧ୍ୟାନ କରି ରିପୋର୍ଟ ଦେବାକୁ ସ୍ଥିର ହୋଇଥିଲାବେଳେ ମହାକାଳପଡା ଅଭିଯୋଗର ଅନୁଧ୍ୟାନ ବିଧାୟିକା ପ୍ରମିଳା ମଲ୍ଲିକ କରିବେ । ଦଳୀୟ କର୍ମୀଙ୍କୁ ଅଣଦେଖା କରିବା ସାଂସଦ ଶ୍ରୀ ପଣ୍ଡାଙ୍କ ପାଇଁ ମହଙ୍ଗା ପଡିପାରେ ବୋଲି ଜଣାପଡିଛି । ଆଜି ମହାକାଳପଡା ନିର୍ବାଚନମଣ୍ଡଳୀର ଶତାଧିକ କର୍ମୀ ସଭାପତି ଶ୍ରୀଧର ଚନ୍ଦ୍ର ସାମଲଙ୍କ ନେତୃତ୍ୱରେ ନବୀନ ନିବାସ ଆସିଥିଲେ । ସେମାନେ ଦଳର ରାଜ୍ୟ ସଭାପତି ଶ୍ରୀ ପଟ୍ଟନାୟକଙ୍କୁ ସାକ୍ଷାତ କରି ସ୍ମାରକପତ୍ର ଦେଇଛନ୍ତି ।

ଚନ୍ଦ୍ରକଳ୍ପେଶ୍ୱର ପୀଠକୁ ମିଳିବ ପର୍ଯ୍ୟଟନସ୍ଥଳୀ ମାନ୍ୟତା

Aska-Chandra-kalpeswar-mandir-copy

ଆସିକା (ଆପ୍ର): ଆସିକା ବ୍ଲକ ଅନ୍ତର୍ଗତ ଗଙ୍ଗାପୁର ଗ୍ରାମପଞ୍ଚାୟତର ଚନ୍ଦ୍ରକଳ୍ପେଶ୍ୱର ପୀଠକୁ ମିଳିବ ପର୍ଯ୍ୟଟନସ୍ଥଳୀର ମାନ୍ୟତା । ଏହି ଐତିହ୍ୟ ସମ୍ପନ୍ନ ପୀଠର ପ୍ରାକୃତିକ ସୌନ୍ଦର୍ଯ୍ୟକୁ ଅକ୍ଷୁର୍ଣ୍ଣ ରଖିବା ଲାଗି ପ୍ରଶାସନ ପକ୍ଷରୁ ପ୍ରସ୍ତୁତି ଆରମ୍ଭ ହୋଇଛି । ଚନ୍ଦ୍ରକଳ୍ପେଶ୍ୱର ପୀଠକୁ ପର୍ଯ୍ୟଟନସ୍ଥଳୀର ମାନ୍ୟତା ପ୍ରଦାନ ପାଇଁ ପ୍ରଶାସନ ପକ୍ଷରୁ ସବୁଜ ସଙ୍କେତ ମିଳିବା ପରେ ସ୍ଥାନୀୟ ଅଞ୍ଚଳରେ ଆନନ୍ଦର ଲହରୀ ଖେଳିଯାଇଛି । ଆସିକା ବ୍ଲକ ଅନ୍ତର୍ଗତ ଗଙ୍ଗାପୁର ଓ ମଙ୍ଗଳପୁର ଗ୍ରାମପଞ୍ଚାୟତଠାରୁ କିଛି ମିଟର ଦୂରରେ କେଉଁ ଆବାହମାନ କାଳରୁ ପୂଜା ପାଇ ଆସୁଥିବା ଚନ୍ଦ୍ରକଳ୍ପେଶ୍ୱରଙ୍କ ପୀଠକୁ ପର୍ଯ୍ୟଟନସ୍ଥଳୀର ମାନ୍ୟତା ପ୍ରଦାନ କରିବା ଦିଗରେ ରାଜ୍ୟ ପର୍ଯ୍ୟଟନ ସଂସ୍କୃତି ବିଭାଗ ପଦକ୍ଷେପ ନେବାକୁ ସ୍ଥାନୀୟ ବିଧାୟକ ଦେବରାଜ ମହାନ୍ତି ବିଭାଗୀୟ ମନ୍ତ୍ରୀ ଓ ପ୍ରଶାସନିକ ଅଧିକାରୀଙ୍କ ସହ ଅତୀତରେ ବହୁବାର ଆଲୋଚନା କରିବା ପରେ ବର୍ତ୍ତମାନ ତାହା ଫଳପ୍ରଦ ହେବାକୁ ଯାଉଛି ।

କାର୍ଯ୍ୟକାରୀ ହେଉନି ଜିଲ୍ଲାପାଳଙ୍କ ନିଦେ୍ର୍ଦଶ

Bhanga-Ghare-Dampati

ଭଙ୍ଗା କୁଡ଼ିଆରେ ବିତୁଛି ଜୀବନ
ଫିରିଙ୍ଗିଆ (ଆପ୍ର): ଦିନକୁ ଦିନ କଳୁଷିତ ହେବାରେ ଲାଗିଛି ପକ୍କାଘର ଆବାସ ଯୋଜନା । ବର୍ଷ ବର୍ଷ ହେବ ଆବେଦନ କରିବା ସହ ବ୍ଲକ୍ ଠାରୁ ଆରମ୍ଭ କରି ସରପଞ୍ଚ କାର୍ଯ୍ୟାଳୟକୁ ଦଉଡ଼ି ଦଉଡ଼ି ହିତାଧିକାରୀ ନିରାଶ ହେଉଥିବା ବେଳେ କେତେକଙ୍କୁ ଦୁଇ ଦୁଇଟି ଆବାସ ଯୋଜନାରେ ଘର ଦିଆଯାଉଥିବା ଦେଖିବାକୁ ମିଳୁଛି । ଅଭିଯୋଗ କଲେ ସରକାରୀ ବାବୁମାନେ କେବଳ ପ୍ରତିଶ୍ରୁତି ଦେଇଛନ୍ତି । କିନ୍ତୁ ଫଳ ଯଥା ପୂର୍ବଂ ତଥା ପରଂ । ଏଭଳି ଅଭାବନୀୟ ଘଟଣା ଦେଖିବାକୁ ମିଳିଛି କନ୍ଧମାଳ ଜିଲ୍ଲା ଫିରିଙ୍ଗିଆ ବ୍ଲକ ଅଧୀନ କେଲାପଡ଼ା ପଞ୍ଚାୟତ ଗୁରୁପଡ଼ାର ସ୍ୱର୍ଣ୍ଣକାନ୍ତି ପ୍ରଧାନଙ୍କ କ୍ଷେତ୍ରରେ । ଦୀର୍ଘଦିନରୁ ସ୍ୱାମୀ ପକ୍ଷାଘାତରେ ପୀଡ଼ିତ ହୋଇ ପଡ଼ିଛନ୍ତି । ଘରେ ବିବାହଯୋଗ୍ୟା ଝିଅ । ରୋଜଗାରିଆ ଲୋକ କହିଲେ କେବଳ ସ୍ୱର୍ଣ୍ଣକାନ୍ତି । ବହୁକଷ୍ଟରେ ପରିବାରଟିକୁ ଚଳାଉଛନ୍ତି ବୋଲି ଲୁହ ଛଳ ଛଳ ଆଖିରେ କହିଛନ୍ତି ସେ । ରୋଜଗାର ବି ଏମିତି ଯେ ଦିନେ ପେଟକୁ ଦାନାଗଲେ ଦିନେ ଉପାସ ।

ହାତୀ ନିୟନ୍ତ୍ରଣ ସମେତ ୧୨ଦଫା ଦାବିରେ ବିକ୍ଷୋଭ

BIKSHOBHA-ANUGUL-BIKHOVA

ଅନୁଗୁଳ(ଆପ୍ର): ଆଠମଲ୍ଲିକ ଉପଖଣ୍ଡରେ ହାତୀ ଉପଦ୍ରବ ନିୟନ୍ତ୍ରଣ, ୧୫ଦିନ ମଧ୍ୟରେ କ୍ଷତିପୂରଣ ପ୍ରଦାନ ଇତ୍ୟାଦି ଦାବିରେ ମଙ୍ଗଳବାର ଉପଜିଲ୍ଲାପାଳଙ୍କ କାର୍ଯ୍ୟାଳୟ ସମ୍ମୁଖରେ ଗଣବିକ୍ଷୋଭ ଅନୁଷ୍ଠିତ ହୋଇଛି । ସବୁ ଡାକ୍ତରଖାନାରେ ପ୍ରୟୋଜନ ମୁତାବକ ବିଶେଷଜ୍ଞ ଡାକ୍ତର, ନର୍ସ, କର୍ମଚାରୀ ନିଯୁକ୍ତି , ଔଷଧ ଯୋଗାଣ, ମାଗଣା ଚିକିତ୍ସା, ପ୍ରଥମରୁ ଅଷ୍ଟମଶ୍ରେଣୀ ପର୍ଯ୍ୟନ୍ତ ପାସ୍-ଫେଲ୍ ବ୍ୟବସ୍ଥାର ପୁନଃ ପ୍ରଚଳନ, ଶିକ୍ଷାନୁଷ୍ଠାନରେ ଖାଲିଥିବା ଶିକ୍ଷକ, ଅଧ୍ୟାପକ ପଦବୀ ପୂରଣ, ପ୍ରସ୍ତାବିତ ଧଉରାଗୋଠ, ସୁରେଶ୍ୱରୀ, ମହାସତୀ, ରଜାମୁଣ୍ଡା ସମେତ ସମସ୍ତ ଜଳସେଚନ ଯୋଜନା କାର୍ଯ୍ୟକାରୀ କରିବା, ନାକଚି ଠାରେ ସରକାରୀ ଉଦ୍ୟୋଗରେ ଶୀତଳଭଣ୍ଡାର ନିର୍ମାଣ, ଧାନର ସର୍ବନିମ୍ନ ସହାୟକ ମୂଲ୍ୟ କ୍ୱିଣ୍ଟାଲ୍ ପ୍ରତି ତିନି ହଜାର ଟଙ୍କା ପ୍ରଭୃତି ୧୨ ଦଫା ଦାବିରେ ଏସ୍ୟୁସିଆଇ(କମୁ୍ୟନିଷ୍ଟ) ଆଠମଲ୍ଲିକ ସାଂଗଠନିକ କମିଟି ପକ୍ଷରୁ ଦାବି କରାଯାଇଛି । 

ମା’ ବିରଜାଙ୍କ ସ୍ୱନକ୍ଷତ୍ର ଉତ୍ସବରେ ହଜାରେ ଶ୍ରଦ୍ଧାଳୁ

maa-biraja---1

ଯାଜପୁର(ଆପ୍ର): ଯାଜପୁରର ଅଧିଷ୍ଠାତ୍ରୀ ଦେବୀ ମା’ ବିରଜାଙ୍କ ସ୍ୱନକ୍ଷତ୍ର ଦିବସ ତଥା ତ୍ରିବେଣୀ ଅମାବାସ୍ୟା ଅବସରରେ ମନ୍ଦିରରେ ହଜାର ହଜାର ଶ୍ରଦ୍ଧାଳୁଙ୍କ ଭିଡ଼ ପରିଲକ୍ଷିତ ହୋଇଛି । ଏଥିପାଇଁ ମନ୍ଦିର ପ୍ରଶାସନ ଠାରୁ ଆରମ୍ଭ କରି ସେବାୟତ ପର୍ଯ୍ୟନ୍ତ ସମସ୍ତଙ୍କ ପକ୍ଷରୁ ବ୍ୟାପକ ବନେ୍ଦାବସ୍ତ କରାଯାଇଥିଲା । ମା’ଙ୍କୁ ସକାଳେ ମହା ସ୍ନାନ କରାଯାଇ ସାବିତ୍ରୀ ବେଶରେ ସଜା ଯାଇଥିଲା । ଅପରାହ୍ନରେ ମା’ଙ୍କର ସିଂହାସନରେ ଷୋଡ଼ଶ ଉପ·ର ପୂଜା କରାଯାଇ ଯଜ୍ଞ ଓ ପୂର୍ଣ୍ଣାହୂତି କରାଯାଇଥିଲା । ସ୍ଥାନୀୟ ଅଞ୍ଚଳ ତଥା ରାଜ୍ୟର ବିଭିନ୍ନ ସ୍ଥାନରୁ ମଧ୍ୟ ଭକ୍ତଙ୍କ ସମାଗମ ପରିଲକ୍ଷିତ ହୋଇଥିଲା । ସନ୍ଧ୍ୟାରେ ରାଜ୍ୟର ସୁନାମଧନ୍ୟ କଣ୍ଠଶିଳ୍ପୀ ମାନେ ଭଜନ ପରିବେଷଣ କରିଥିବାବେଳେ ବିଭିନ୍ନ ଅନୁଷ୍ଠାନ ଗୁଡିକ ପକ୍ଷରୁ ବିଭିନ୍ନ କାର୍ଯ୍ୟକ୍ରମ କରାଯାଇଥିଲା ।

ସମସ୍ୟାଘେରରେ ଡଙ୍ଗାପାଳ ସ୍କୁଲ୍

IMG-20180116-WA0001

କାମାକ୍ଷାନଗର,୧୬ା୧(ଆପ୍ର): ଢେଙ୍କାନାଳ ଜିଲ୍ଲା କାମାକ୍ଷାନଗର ଉପଖଣ୍ଡ କଙ୍କଡ଼ାହାଡ଼ ବ୍ଲକ୍ କରଗୋଳ ପଞ୍ଚାୟତରେ ୧୯୬୭ ମସିହା ଠାରୁ ସ୍ଥାପିତ ହୋଇଛି ଡଙ୍ଗାପାଳ ଉପ୍ରା ବିଦ୍ୟାଳୟ । ସେଠାରେ ୩୦୦ରୁ ଊର୍ଦ୍ଧ୍ୱ ଛାତ୍ରଛାତ୍ରୀ ଅଧ୍ୟୟନ କରୁଛନ୍ତି । ସେଥିମଧ୍ୟରୁ ଆଦିବାସୀ ଛାତ୍ରଛାତ୍ରୀ ପ୍ରାୟ ୨୦୦ଜଣ । ସେଠାରେ ମଧ୍ୟ ଗୋଟିଏ କସ୍ତୁରବା ଗାନ୍ଧୀ ବାଳିକା ହଷ୍ଟେଲ ରହିଛି । ସ୍କୁଲଟି ରାସ୍ତା କଡ଼ରେ ଅବସ୍ଥିତ । ସେଥିରେ ବାଉଣ୍ଡରୀ ୱାଲ ନାହିଁ । ସବୁବେଳେ କାମାକ୍ଷାନଗର ସବ୍ଡିଭିଜନ୍ରୁ ବ୍ଲକ୍କୁ ଜନସାଧାରଣଙ୍କ ଯାତାୟାତ ହୋଇଥାଏ । ଖେଳପଡ଼ିଆ ନଥିବାରୁ କୋମଳମତି ଶିଶୁମାନେ ସ୍କୁଲ୍ ସାମ୍ମାରେ ଖେଳନ୍ତି । ଯାହାକି ତାଙ୍କ ଜୀବନ ପ୍ରତି ବିପଦ ।

ଓଡ଼ିଶା ରାଜ୍ୟ ଆଶାକର୍ମୀ ସଂଘର ବିକ୍ଷୋଭ

demonstration-by-Asha-karmi-Sangha

ବାଲେଶ୍ୱର,୧୬ା୧(ଆପ୍ର): ଭାରତୀୟ ମଜଦୁର ସଂଘ କେନ୍ଦ୍ରୀୟ କମିଟିର ନିଷ୍ପତ୍ତି ଅନୁଯାୟୀ ଆଶାକର୍ମୀମାନେ ଦେଶବ୍ୟାପୀ ଆନେ୍ଦାଳନକୁ ଓହ୍ଲାଇଥିବା ବେଳେ ବାଲେଶ୍ୱରରେ ମଧ୍ୟ ଏହାର ପ୍ରତିଫଳନ ଦେଖିବାକୁ ମିଳିଛି । ଏହି ପରିପ୍ରେକ୍ଷୀରେ ଓଡ଼ିଶା ରାଜ୍ୟ ଆଶାକର୍ମୀ ସଂଘ ବାଲେଶ୍ୱର ଶାଖା ପକ୍ଷରୁ ଆଶାକର୍ମୀମାନଙ୍କୁ ନେଇ ଏକ ଶୋଭାଯାତ୍ରା ସ୍ଥାନୀୟ ରେଳ ଷ୍ଟେସନ ନିକଟରୁ ବାହାରି ଜିଲ୍ଲାପାଳଙ୍କ କାର୍ଯ୍ୟାଳୟ ନିକଟରେ ପହଞ୍ଚି ଥିଲା । ସେଠାରେ ଆୟୋଜିତ ଏକ ପ୍ରତିବାଦ ସଭାରେ ଆଶାକର୍ମୀ ସଂଘର ଜିଲ୍ଲା ସଭାପତି କଳ୍ପନା ଦାସ ଅଧ୍ୟକ୍ଷତା କରିଥିଲେ । ଭାରତୀୟ ମଜଦୁର ସଂଘର ରାଜ୍ୟ ଉପ-ସଭାପତି ପୃଥ୍ୱୀରାଜ ପଣ୍ଡା ଯୋଗଦେଇ ଆଶାକର୍ମୀମାନେ ସାମନା କରୁଥିବା ସମସ୍ୟା ଏବଂ ତା’ର ନିରାକରଣ ସମ୍ପର୍କରେ ଆଲୋଚନା କରିଥିଲେ । ଅନ୍ୟାନ୍ୟ ରାଜ୍ୟରେ ଆଶାକର୍ମୀମାନେ ସାତ ହଜାରରୁ ଅଧିକ ଟଙ୍କା ଦରମା ସହିତ ଅନ୍ୟାନ୍ୟ ସୁବିଧା ସୁଯୋଗ ପାଉଥିବା ବେଳେ ଓଡ଼ିଶାରେ ସେମାନଙ୍କ ପ୍ରତି ଉଦାସୀନତା ଦୁର୍ଭାଗ୍ୟର ବିଷୟ ବୋଲି ସେ କହିଥିଲେ ।

କଳାକାରଙ୍କୁ ମାସିକ ୧୨ଠଠ ଟଙ୍କା ସହାୟତା

narayan

ଉପକୃତ ହେବେ ୫ଠ ହଜାର
ଭୁବନେଶ୍ୱର, ୧୫ା୧(ବୁ୍ୟରୋ) : ରାଜ୍ୟର କଳା ଓ ସଂସ୍କୃତିର ପ୍ରଚାର ଓ ପ୍ରସାର ଦିଗରେ କାର୍ଯ୍ୟରତ ୫୦ ହଜାର କଳାକାରଙ୍କୁ ମାସିକ ୧୨୦୦ ଟଙ୍କା ଲେଖାଏଁ ସହାୟତା ଯୋଗାଇ ଦିଆଯବ ବୋଲି ଆଜି ସଚିବାଳୟରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଘୋଷଣା କରିଛନ୍ତି । ବର୍ତ୍ତମାନ ରାଜ୍ୟରେ ମାତ୍ର ୪ ହଜାର କଳାକାର ଏହି ସହାୟତା ପାଉଛନ୍ତି । ଏହି ସହାୟତା ପାଇଁ ଆବେଦନ ନିୟମାବଳୀରେ ପରିବର୍ତ୍ତନ ସହିତ ମଞ୍ଜୁରୀର ବିକେନ୍ଦ୍ରୀକରଣ ସଂପର୍କରେ ମଧ୍ୟ ମୁଖ୍ୟମନ୍ତ୍ରୀ ଘୋଷଣା କରିଛନ୍ତି । କଳାକାର ସହାୟତା ପାଇଁ ଆଗରୁ ପୁରୁଷ କଳାକାରଙ୍କ ବୟସ ୬୦ବର୍ଷ ଓ ମହିଳା କଳାକାରଙ୍କ ବୟସ ୫୦ବର୍ଷ ଥିବାବେଳେ ଏହାକୁ ବର୍ତ୍ତମାନ ହ୍ରାସ କରାଯାଇ ଯଥାକ୍ରମେ ୫୦ ଏବଂ ୪୦ ବର୍ଷ କରାଯାଇଛି । ସେହିଭଳି କଳାକାରମାନଙ୍କୁ ସୁବିଧା ପାଇଁ ସହାୟତା ମଞ୍ଜୁରୀ ଦାୟିତ୍ୱ ସଂପୃକ୍ତ ଜିଲ୍ଲା ପ୍ରଶାସନ ଉପରେ ନ୍ୟସ୍ତ କରାଯିବ ବୋଲି ମୁଖ୍ୟମନ୍ତ୍ରୀ ଘୋଷଣା କରିଛନ୍ତି ।