jayadev-bhawan-re-kannad-bhasara-odia-anubada-bachan-pustaka-ku-rajyapal-unmochan-karuchanti-1

ସାମାଜିକ ପରିବର୍ତ୍ତନରେ ସାହିତ୍ୟର ସ୍ୱତନ୍ତ୍ର ପରିଚିତି ରହିଛି

44

‘ବଚନ’ର ଓଡ଼ିଆ ଅନୁବାଦ ଉନ୍ମୋଚିତ
ଭୁବନେଶ୍ୱର(ବୁ୍ୟରୋ): ସାହିତ୍ୟ ସମାଜର ଦର୍ପଣ ଭାବେ ସାମାଜିକ ପରିବର୍ତ୍ତନରେ ଶକ୍ତିଶାଳି ଉପାଦାନ ରୂପେ ଉଭା ହୋଇଛି । ଦ୍ୱାଦଶ ଶତାବ୍ଦୀରେ ରଚିତ ‘ବଚନ’ ଭାରତୀୟ ସାହିତ୍ୟର ଏକ ଅମୂଲ୍ୟ ସମ୍ପଦ ଏବଂ ଏଥିରେ ରାଗ ଓ ସଂଗୀତମୟ ଜୀବନ ତଥା ଜୀବନଚର୍ଯ୍ୟାରେ ଗଭୀରତମ ଅସ୍ତିତ୍ୱ ରହିଛି । ଏହି ସାହିତ୍ୟ ଲୋକଙ୍କ ହୃଦୟ-ସଙ୍ଗୀତ ପ୍ରତି ସଚେତନ କରିବା ସହ ଆତ୍ମାର କୋଣ ଅନୁକୋଣରେ ଅନୁଭବର ଚିତ୍ର ଜାଗ୍ରତ କରିଥାଏ । ‘ବଚନ’ ପରି ସାହିତ୍ୟ ଆମର ସାଂସ୍କୃତିକ ଓ ସାମାଜିକ ଆନେ୍ଦାଳନକୁ ପ୍ରଭାବିତ କରିବାରେ ସହାୟକ ହୋଇଥାଏ ବୋଲି ରାଜ୍ୟପାଳ ଡ଼. ଏସ୍ସି ଜମିର ପ୍ରକାଶ କରିଛନ୍ତି ।  କନ୍ନଡ ‘ବଚନ’ର ଓଡ଼ିଆ ଅନୁବାଦ ପୁସ୍ତକକୁ ରାଜ୍ୟପାଳ ଡ଼.ଜମିର ମଙ୍ଗଳବାର ଜୟଦେବ ଭବନରେ ଉନ୍ମୋଚନ କରି କହିଲେ ଯେ, ଗୁଣବତ୍ତା ,ସତ୍ୟବାଦିତା ଓ ବିଶ୍ୱନୀୟତା ଆମ ସାହିତ୍ୟରେ ସତନ୍ତ୍ର ପରିଚୟ । ଜୀବନରେ ଆମେ ଶାନ୍ତି ଓ ସନ୍ତୋଷର ସନ୍ଧାନରେ ଥାଉ । ହିଂସା ଓ ସଂର୍ଘଷ ବର୍ତ୍ତମାନର ବିଶ୍ୱରେ ଏକ ଗମ୍ଭୀର ସମସ୍ୟା । ଯଦି ମନ କ୍ରୋଧର ବଶବର୍ତ୍ତୀ ହୁଏ ତେବେ ଆମେ ମାନବିକ ଜ୍ଞାନ ଓ ବୁଦ୍ଧିମତାର ସର୍ବୋତ୍କୃଷ୍ଟ ଅଙ୍ଗକୁ ହରାଇବା, ଯାହା ଆମକୁ ଭଲମନ୍ଦ ମଧ୍ୟରେ ଥିବା ପାର୍ଥକ୍ୟକୁ ଚିହ୍ନିବାରେ ଅସମର୍ଥ କରିବ । ପାଠକମାନଙ୍କୁ ଜ୍ଞାନ ଓ ଅନ୍ତଃଦର୍ଶନ ଦେବାରେ ‘ବଚନ’ ସାହିତ୍ୟର ନିଶ୍ଚିତ ଭୂମିକା ରହିଛି ବୋଲି ସେ ହକିଥିଲେ । ଦୁଇଟି ସାସ୍ତ୍ରୀୟ ଭାଷା ମଧ୍ୟରେ ଅନୁବାଦ ଏକ କଠିନ କାର୍ଯ୍ୟ । ସାହିତ୍ୟକୁ ସାମାଜିକ ଓ ସାଂସ୍କୃତିକ ସମ୍ବନ୍ଧରେ ଦର୍ପଣ ବୋଲି ଅବିହିତ କରି ବାସବ ସମିତି ବେଙ୍ଗାଲୁରୁର କାର୍ଯ୍ୟକ୍ରମକୁ ସେ ପ୍ରଶଂସା କରିଥିଲେ । ଆମର ଜୀବନ ସଂସ୍କୃତିକୁ ଆହୁରି ସଜୀବ କରିବାରେ ଏହି ଅନୁବାଦ ପୁସ୍ତକ ତାହାର ଉଦେ୍ଦ୍ୟଶ ସାଧନ କରିବ ବୋଲି ସେ ଆଶା ପ୍ରକାଶ କରିଥିଲେ । କେବଳ ପରମ୍ପରା ନୁହେଁ ବରଂ ବିଶ୍ୱଦୃଷ୍ଟି, ଚେତନା, ମାନବିକ ଅଧିକାର ଓ ମୂଲ୍ୟବୋଧର ବିକାଶରେ ସହାୟକ ହୋଇଥାଏ ବୋଲି ରାଜ୍ୟପାଳ ଡ. ଜମିର କହିଥଲେ । ବାସବ ସମିତିର ସଭାପତି ଅରବିନ୍ଦ ଜତ୍ତି କାର୍ଯ୍ୟକ୍ରମରେ ପେରୋହିତ କରି ଏପରି ଅନୁବାଦ ବଳରେ ଜାତୀୟ ସଂହତି ସୁଦୃଢ଼ ହେବା ସହିତ କନ୍ନଡ ଓ ଓଡ଼ିଆ ପରି ଦୁଇଟି ଶାସ୍ତ୍ରୀୟ ଭାରତୀୟ ଭାଷା ମଧ୍ୟରେ ଭାବ ଆଦାନ ପ୍ରଦାନରେ ମାର୍ଗ ପ୍ରଶସ୍ତ ହେବ ବୋଲି ଉଲ୍ଲେଖ କରିଥିଲେ । ସେ ‘ବଚନ’ ସାହିତ୍ୟର ବହୁବିଧ ବିଶେଷତ୍ୱ ଉପରେ ଆଲୋକପାତ କରିଥିଲେ । ଏହି ଅବସରରେ ସମ୍ମାନିତ ଅତିଥି ଭାବେ ସ୍ୱାସ୍ଥ୍ୟ ଓ ପରିବାର କଲ୍ୟାଣ ତଥା ସୂଚନା ଓ ଲୋକ ସର୍ମ୍ପକ ମନ୍ତ୍ରୀ ଅତନୁ ସବ୍ୟସାଚୀ ନାୟକ ଯୋଗ ଦେଇ କହିଲେ ଯେ, ‘ବଚନ’ ସାହିତ୍ୟ ଅନୁବାଦ ବଳରେ ଭାରତୀୟ ପରିପ୍ରେକ୍ଷୀରେ ଏକ ଅର୍ଥପୂର୍ଣ୍ଣ କାର୍ଯ୍ୟ ସମ୍ପାଦିତ ହୋଇଛି । ଏହି ସମାରୋହରେ ପର୍ଯ୍ୟଟନ ଓ ସଂସ୍କୃତି ମନ୍ତ୍ରୀ ଅତିଥି ଭାବେ ଯୋଗ ଦେଇ କହିଲେ, ମୂଲ୍ୟବୋଧ, ମାନବିକତା, ସତ୍ୟତା ଓ ମହାଭାରତୀୟତା ଆମ ସାହିତ୍ୟର ପ୍ରମୁଖ ପରିଚୟ । ଉକ୍ତ କାର୍ଯ୍ୟକ୍ରମରେ ବିଶିଷ୍ଟ ଭାଷାବିଜ୍ଞାନୀ ପଦ୍ମଶ୍ରୀ ଦେବୀପ୍ରସନ୍ନ ପଟ୍ଟନାୟକ ଯୋଗଦେଇ ଭାରତୀୟ ସାମାଜିକ ସାଂସ୍କୃତିକ ଆଧ୍ୟାତ୍ମିକ ପ୍ରେକ୍ଷାପଟରେ ‘ବଚନ’ ସାହିତ୍ୟର ଅବଦାନ ଅତୁଳନୀୟ ବୋଲି ଉଲ୍ଲେଖ କରି ଏପରି ସାହିତ୍ୟର ପ୍ରସାର ବଳରେ ଭାରତୀୟ ବିଶ୍ୱଦୃଷ୍ଟିର ଆଦୃତି ହେବ ବୋଲି ସେ କହିଥିଲେ । ବିଶିଷ୍ଟ କବି ପ୍ରବାସିନୀ ମହାକୁଡ଼ ଓ ସୂର୍ଯ୍ୟ ମିଶ୍ର ‘ବଚନ’ ଓଡ଼ିଆ ଅନୁବାଦ କାର୍ଯ୍ୟ ସଫଳତାର ସହ ସମ୍ପନ୍ନ କରିଥବାରୁ ଉଭୟଙ୍କୁ ଏହି ସମାରୋହରେ ରାଜ୍ୟପାଳ ଡ. ଜମିର ସମ୍ବର୍ନ୍ଧିତ କରିଥିଲେ । ଉଲ୍ଲେଖଯୋଗ୍ୟ ଯେ, କନ୍ନଡ ‘ବଚନ’ ସାହିତ୍ୟ ୨୩ଟି ଭାରତୀୟ ଭାଷାରେ ଅନୁଦିତ ହେବା ସହ ଫରାସୀ, ଜର୍ମାନୀ ଓ ଆବୀ ଭାଷାରେ ଖୁବ୍ ଶୀଘ୍ର ଅନୁଦିତ ହେବାକୁ ଯାଉଛି ସୂଚନା ମିଲିଛି ।




Powered by odothemes.com